Tag: 希特拉

【獨裁喵】希特拉喵星人網上爆紅 招牌小鬍鬚極神似

希特拉係獨裁者,無乜人鍾意,不過同希特拉好似樣嘅呢隻喵星人Kitler就唔同,喺網上好受歡迎。黑白配色嘅佢,咁啱喺鼻下嘅位置有撮黑色嘅毛,十足希特拉嘅招牌小鬍鬚,佢個名仲專登改成「Kitler」,即係Kitten同Hitler嘅混合體,網民都大讚佢得意,仲有人搵咗另一隻似史太林嘅喵星人同佢做比較,入嚟仲可以睇埋狗狗版希特拉。另外之前德國做過一項研究,原來黑白色嘅貓比起其他貓更鍾意流浪,好容易離家出走,而且仲比較聰明,有無黑白貓貓主可以分享吓?

Read more ›

新片速報:派Like大晒?希特拉都頂唔順香港大媽!

希特拉的乜乜物物又嚟喇,呢條萬能Key影片今次名為《元首的憤怒 香港大媽找免費攝影師》,擺明寸Party搞手阿媽屈攝影師單網上新聞,個人認為當中最精警對白係:「咁嘅教養學乜人做阿媽,老豆無教影相要比錢的嗎?難道做攝影的就唔需要食飯供樓……那個生日會搞手就有錢賺,唯一的攝影師去到,竟然連一杯水都沒有,那班智障,都現在還不知悔改。」咪就係囉,呢個世界無免費午餐架,Like亦換唔到飯食,香港大媽們,收手兼收口喇,道理真係唔喺你嗰邊架。

Read more ›

【有片】假扮希特拉突入街頭 群眾握手好興奮

如果有日行行吓街,居然見到希特拉企喺你面前,你會點?問佢點cut有線?啱啱喺日本網站見到呢段片,一個假扮成希特拉嘅演員行街,無人嫌棄佢之餘沿途仲好受民眾歡迎,啲人又握手又鞠躬,睇落好開心。不過途中有幾個青年殺出當街鬧希特拉,之後旁邊嘅人就將佢推倒再圍毆,好貫徹希特拉嘅獨裁性格。不過影片來源不詳,有人估係德國拍攝嘅電影。另外條片喺韓國電視台報導,所以全程唔知佢嗡乜,淨係知道個女主播幾靚女。

Read more ›

惡搞獨裁者 毛澤東/希特拉賣萌

台灣有民主選舉,有人謝罪落台,有無政黨嘅人成為市長,反觀香港人,只得689,好無奈。網上見倒藝術家Scott Scheidly嘅作品,佢將大量史上出名嘅獨裁者換晒粉紅色嘅可愛造型,希特拉、毛澤東、金正日、史太林,可惜化咗灰都依然面目可憎。除咗獨裁者,仲有星戰嘅Boba Fett、尤達等等大量角色,正喎。

Read more ›

新片速報:《熱血少年週刊》都關希魔事

笑爆嘴嘅希特拉亂配對白短片,都沉寂咗好一排,估唔到最新Version又關上周五創刊嘅《熱血少年週刊事》,對白保持到一貫水準,睇完依舊笑得出,好嘢!

Read more ›

新片速報:可惡!誰吃了希特拉的太陽餅?

無錯,又係惡稿希特拉短片系列!都惡搞咗幾年嘞,唔知點解睇到依家都仲識得笑。畫公仔唔使畫出腸,今次《元首生氣了之太陽餅被吃掉篇》,大家都知映射緊邊個喇。

Read more ›

新片速報:希特拉都撐王維基

希特拉乜乜,希特拉物物又嚟嘞,今次片名叫《希特拉得知HKTV不獲發牌》,改對白改得非常之好,因為完全中晒廣大市民心聲,睇完呢條片,我有少少衝動去遊行。

Read more ›

本週爆like圖 希特拉唔玩神魔 港版進擊白薯女冇得輸

今個星期初,希特拉惡搞片被創意網民加入反神魔原素,唔理你支持邊一面,都應該會覺得好爆笑。另一爆like嘅就係編輯尉遲一殺入香港動漫電玩節影返嚟嘅港版《進擊之巨人》白薯女Coser,讀者們同編輯們都驚為天人,去到冇得輸嘅級數。想睇埋今個星期有咩精選趣聞、趣圖,入嚟可以一次過溫故知新。

Read more ›
新片速報 希特拉唔妥《神魔之塔》

新片速報 希特拉唔妥《神魔之塔》

本人唔代表本網站立場,唔想爭論誰是誰非,支持嘅支持,覺得係抄襲嘅就杯葛,公道自在人心,無謂發嬲罵戰,不過我就一定唔會玩,陳妍希都冇面俾。唔想鬧,咁不如笑吓啦,喺P&D本地非官方fb專頁睇到呢條「希特勒都頂唔順神魔之塔」YouTube片,用上萬能Key嘅希特拉影片製作而成,無論你支持邊一方,都應該可以得啖笑。

Read more ›

毛主席變Darkseid 獨裁者被惡搞

呢個巴西藝術家Butcher Billy之前介紹過,將瑪利奧變punk友、史泰龍變蝙蝠俠嗰位。今次新作品將歷史上著名獨裁者,變成漫畫大奸角。好似我哋熟悉嘅毛主席,就變成擁有死光眼,可以單手掐死超人嘅Darkseid,作者話因為佢同漫畫角色一樣,塊面好似石化咗咁,永遠得一個樣。至於拉登就變綠魔俠;希特拉就變成Marvel大奸角Galactus、卡達菲呢個利比亞獨裁領袖就係怪胎超人Bizarro。話時話,好在我用緊嘅係facebook,如果唔係分分鐘比人河蟹‥‥‥

Read more ›