Post Tagged with: "巴黎"

【有片】巴黎聖母院大教堂大火 經典建築嚴重損毁
by / on 16/04/2019 at 7:02 am

【有片】巴黎聖母院大教堂大火 經典建築嚴重損毁

法國巴黎聖母院大教堂香港時間今日(16日)凌晨一點左右發生大火,場火持續3小時,屋頂燒至坍塌、入面經典嘅玫瑰玻璃窗亦嚴重損毁,估計火災原因同進行中嘅翻新工程有關。擁有850年歷史嘅巴黎聖母院係世界遺產,高約130米,因為法國文學家雨果嘅《鍾樓駝俠》而聞名,今次火災亦令當地一名消防員重傷,希望傷者早日康復,巴黎人可以收拾心情修復教堂。今日Twitter舖天蓋地都係相關報導,入嚟可以睇返。

Read more ›

【有片】巴黎「迪士尼樂園」廣告超高質 可愛鴨仔尋找唐老鴨
by / on 28/12/2018 at 7:59 am

【有片】巴黎「迪士尼樂園」廣告超高質 可愛鴨仔尋找唐老鴨

巴黎迪士尼樂園呢段廣告片真係超高質,難怪喺Twitter好多人RT。主角係一隻好可愛嘅小鴨仔,佢喺漫畫度見過唐老鴨之後就念念不忘,當中加咗好多CG效果,隻鴨仔仲超得意,臨尾見到唐老鴨大團圓結局,睇完我都有啲鍾意咗唐老鴨呀!

Read more ›
【有片】巴黎動亂影片相片Twitter熱傳 市區變戰場
by / on 04/12/2018 at 7:45 am

【有片】巴黎動亂影片相片Twitter熱傳 市區變戰場

法國巴黎爆發50年嚟最嚴重暴亂,由示威引發起嘅「黃背心」運動,而家造成超過113人受傷、400人被拘捕。動亂過後周圍立立亂,今日Twitter有大量影片同相片,睇片見有人將成架焚燒中嘅車吊起撞翻,周圍亦有大量汽車殘骸同垃圾,身處巴黎或準備去巴黎嘅朋友小心。

Read more ›
日本「傳奇男」東京街頭被發掘 踏上巴黎fashion show舞台
by / on 05/10/2018 at 7:07 am

日本「傳奇男」東京街頭被發掘 踏上巴黎fashion show舞台

日本一街都係潮人,不過今次呢個叫Plasma嘅長髮男人特別啲,佢喺東京杉並區「高圓寺」行行吓街俾星探發掘,好明顯因為佢螢火蟲一樣嘅存在感,發掘佢嘅原來係世界著名品牌Balenciaga嘅工作人員,之後仲邀請埋Plasma去咗啱啱嘅巴黎時裝展幫Balenciaga行Fashion show,好傳奇!Plasma氣質獨特,平時著衫好潮,連去超市都型過人,本身仲有玩音樂,入嚟有多啲佢嘅相同片回帶。

Read more ›
【甜到漏】IG超人氣巴黎甜品師    靚鞋襯甜品
by / on 14/03/2016 at 7:13 am

【甜到漏】IG超人氣巴黎甜品師 靚鞋襯甜品

鍾意食甜品嘅入呢個IG前要小心,因為佢會令你好肚餓。今次介紹嘅呢位Tal Spiegel係一位巴黎甜品師傅,亦係一個設計師兼鞋痴。知道佢呢3個嚐好之後,就會明白點解佢會開呢個IG。入面每張相都係一幅甜品,每件甜品唔止靚,仲同佢對鞋襯到絕,相信佢屋企嘅鞋同佢鍾意嘅甜品一樣,數之不盡。就算唔鍾意食甜品嘅,當去欣賞吓巴黎嘅超靚甜品都係一件賞心樂事。

Read more ›
【神作】藍鉛子筆畫出超靚畫作 巴黎女畫家神級塗鴉
by / on 01/03/2016 at 7:13 am

【神作】藍鉛子筆畫出超靚畫作 巴黎女畫家神級塗鴉

細個都試過上堂無聊拎支藍原子筆喺教科書上畫畫,不過顏色單調又唔似鉛筆咁易做出深淺效果,而且啲筆經常漏墨‥‥‥所以見到巴黎女畫家Helena Hauss嘅作品真心佩服。佢全部作品都係用原子筆畫,細緻度同迫真度都係神級,除咗藍原子筆,佢亦會用黑色、紅色,間中亦會用黃色鉛筆點綴,不過主調都係原子筆藍,入嚟有得慢慢睇,真心推介。

Read more ›

【藝術嘅嘢】法國街頭藝術家 畫遍全球建築物
by / on 17/01/2016 at 11:39 am

【藝術嘅嘢】法國街頭藝術家 畫遍全球建築物

星期日,好啱陶冶吓性情,今次介紹嘅呢位巴黎街頭藝術家Julien Malland,佢多年嚟走勻世界各地,為當地嘅建築物加添色彩,強項係畫超巨型塗鴉,用色鮮豔富立體感,通常主角都係小朋友。呢幾年佢去過印度、墨西哥、印尼、越南等國家,仲同當地唔少藝術家合作,每次嘅作品都會融入當地特色,佢出版嘅《Extramurous》書,紀錄咗佢嘅旅遊同街頭藝術創作,想瞭解佢多啲可以follow埋佢嘅facebook專頁。

Read more ›
【藝術嘅嘢】巴黎藝術家超強創作力       瘋狂惡搞街頭景物
by / on 12/01/2016 at 7:12 am

【藝術嘅嘢】巴黎藝術家超強創作力 瘋狂惡搞街頭景物

藝術創作嘅嘢,唔一定要好有錢好大陣仗,最緊要都係想像力。外國呢位街頭藝術家Sandrine Estrade Boulet好出色,將巴黎街頭當畫板,日常生活見到嘅景物都變成佢嘅創作靈感,地下兩粒草球變成啦啦球、馬路雪糕筒變魔女頂帽,裸體雕塑比樹枝勾住咗條底底‥‥‥噚日David Bowie逝世佢都出咗張圖,RIP. My stardust man。

Read more ›
【喪屍襲地球】喪屍攻佔巴黎倫敦 世界大淪陷
by / on 27/12/2015 at 12:48 pm

【喪屍襲地球】喪屍攻佔巴黎倫敦 世界大淪陷

鍾意喪屍嘅朋友應該好鐘意呢輯相,巴黎鐵塔、倫敦大笨鐘、紐約時代廣場、悉尼歌劇院‥‥‥全部著名地標都淪陷俾喪屍攻佔。輯相水準好高,由出名多改圖高手嘅網站DesignCrowd發放,睇完又想翻睇《World War Z》,或者開返隻《The Last of Us》玩。嚟啦,咬我啦!

Read more ›
【巴黎鞋陣代遊行】2萬對鞋進駐巴黎 安全表達環保訴求
by / on 01/12/2015 at 7:11 am

【巴黎鞋陣代遊行】2萬對鞋進駐巴黎 安全表達環保訴求

好壯觀!2萬2千對鞋擺晒喺巴黎廣場會係點?11月29日喺巴黎舉行世界氣候大會(COP21),呢兩日全球175個國家有超過72萬人出嚟遊行,呼籲各個國家首腦關注環保,今年舉辦國法國因為早前嘅恐襲,原訂有20萬人參加嘅大遊行被迫取消,不過一班環保人士就用咗好特別嘅方法表達佢哋嘅意見,就係喺巴黎嘅Place de la République擺放咗2萬2千對鞋,行唔到出嚟都要放對鞋出嚟,有啲鞋上面擺放咗鮮花、植物,有啲寫滿標語,全部都係表達佢哋對全球暖化、環保議題嘅訴求,好壯觀,巴黎人果然浪漫,連示威都特別有心思。

Read more ›
有片:巴黎一地血 人編Number模仿禽畜被宰
by / on 06/10/2015 at 9:15 pm

有片:巴黎一地血 人編Number模仿禽畜被宰

我非茹素者,但有時睇到啲屠宰家禽家畜影片,個心都會翳一翳。法國巴黎有請願人士集體剝剩底衫褲,全身搽晒假紅血漿,攤屍地下一動不動,以映入眼球嘅一片紅彤彤同不自然嘅肢體扭曲交纏,嚟表達家禽家畜被宰殺時嘅情境,希望人類可以再唔食肉,加入素食行列。一地血都未止,每個請願人士身上仲有個模仿待宰畜牲嘅編號,兼用倒吊方式模仿豬牛羊被送入屠房,最後被剮成一截截一片片一舊舊嘅血淋淋畫面,都幾震撼人心。

Read more ›

奇妙的頭盔        模擬長頸鹿/變色龍視點
by / on 08/01/2015 at 7:03 am

奇妙的頭盔 模擬長頸鹿/變色龍視點

要威梗係要戴頭盔,不過頭盔仲有其他用途,好似外國設計師就將佢哋變成動物嘅一對眼。即係點?Anne Cleary同埋Denis Connolly將頭盔設計成奇形怪狀,戴住佢,會變成唔同動物嘅視點,包括長頸鹿、馬、雙髻鯊甚至變色龍,好好玩!呢堆好有科幻感嘅頭盔由1月6日至2月20日喺巴黎嘅Centre Culturel Irlandais展出,咁遠,唉。

Read more ›
《Assassin’s Creed Unity》實景對比相集   新舊巴黎合併
by / on 27/11/2014 at 7:12 am

《Assassin’s Creed Unity》實景對比相集 新舊巴黎合併

今集《Assassin’s Creed Unity》一句「遍地開花」,吸引倒好多香港人唔玩都買隻撐吓。今集出喺次世代主機,好多人讚畫面靚,究竟有幾真實?攝影師Damien Hypolite, aka Tidamz就將遊戲畫面用截圖方法再曬成相片,然後手持相片喺巴黎現場做對比影咗呢輯相,以1979年嘅巴黎同2014年嘅巴黎做對比。BTW,遊戲畫面其實好正。

Read more ›
法國首間Pokémon  Center    潮食比卡超Macaron
by / on 12/06/2014 at 5:01 pm

法國首間Pokémon Center 潮食比卡超Macaron

好威!法國呢個藝術之都,最近開咗首間Pokémon  Center!座落喺法國巴黎,門口都特別潮過人,入面除咗有公仔賣,仲有手稿展覽,一場嚟到,點到要同法式甜點Macaron 聯乘吓,開幕當日仲有好多fans畫埋比卡超樣去捧場,勁熱鬧!至於點解揀巴黎,有玩開都知因為遊戲《Pokémon X and Y》嘅靈感來自法國。而呢間期間限定pop-up store將會開到6月22日,去開巴黎嘅動漫迷,點都要行返轉呀!

Read more ›
007主題套房  無邦女郎有金槍燈
by / on 17/03/2014 at 6:51 am

007主題套房 無邦女郎有金槍燈

我唔羨慕占士邦嘅危險生活,但好羨慕佢嘅風流生活。法國巴黎嘅Seven Hotel呢間007主題套房,房號007,租金每晚$4800港幣左右,由Agence Bastie設計,一入房就見倒大大幅邦女郎掛牆海報,仲有金廁所、土耳其式浴缸、62吋電視無限loop 007電影,最正係座枱燈嘅金槍設計,好有feel!可惜無邦女郎。

Read more ›