Post Tagged with: "巴西"

【有片】扮俾牌實則抹汗 巴西女球證Fernanda Colombo超可愛
by / on 02/07/2019 at 8:56 pm

【有片】扮俾牌實則抹汗 巴西女球證Fernanda Colombo超可愛

巴西女球證Fernanda Colombo可能大家都識,好可愛,跑動起嚟又好有動感,真係球迷世界。今次呢條片仲可愛呀,佢向住球員扮俾黃牌,實則係拎手巾仔抹汗,之後又笑又跑……

Read more ›

【圖集】男人老狗IG人氣插畫師    老婆走佬留低隻狗啟發創意
by / on 02/09/2018 at 2:13 pm

【圖集】男人老狗IG人氣插畫師 老婆走佬留低隻狗啟發創意

其實分手又有咩好驚,可能係人生新一頁嘅開始吖。好似IG人氣插畫師,來自巴西嘅Rafael Mantesso,幾年前老婆走佬,離開前將屋企嘅嘢清空晒,只係淨返四面牆同埋一隻叫Jimmy Choo嘅狗(係,佢前妻好鍾意呢個鞋履設計師)。無嘢好做嘅Rafael開始幫隻狗狗影相,之後再加幾筆變成一幅幅作品。而家嘅佢喺IG好高人氣,有超過60萬個followers,唔少網民都留言話佢有樣又鍾意狗仲咁有創意,大把女仔想約會佢,入嚟有多啲佢嘅作品回帶。

Read more ›
【有片】協助盲聾朋友睇世界盃     自製迷你球場「講波」超感人
by / on 28/06/2018 at 7:48 am

【有片】協助盲聾朋友睇世界盃 自製迷你球場「講波」超感人

好想睇世界盃支持自己嘅國家,但係對於又聾又盲嘅巴西男士Carlos嚟講,似乎好難實行。好彩佢有個好朋友Hélio。為咗令佢感受到世界盃嘅刺激,專登整咗一個迷你球場,然後喺啱啱場「巴西對哥斯達黎加」嘅賽事舉行期間捉實朋友隻手,俾佢摸到球賽上發生緊嘅實況。段片放上YouTube後感動咗好多網民,入嚟有回帶。

Read more ›
【有片】巴西聰明狗狗 「自己乾糧自己買」超可愛
by / on 20/06/2017 at 7:30 am

【有片】巴西聰明狗狗 「自己乾糧自己買」超可愛

巴西呢隻狗狗Pituco好厲害,識自己去寵物店買糧食!每日佢都會由屋企走去附近嘅寵物店,由於佢食嗰款狗糧喺貨架高層,所以Pituco會吠叫提醒店員拎俾佢,然後就會咬住走,當然唔駛俾錢啦,因為主人過幾日就會落舖頭俾。唔止自己啲糧自己買,佢仲會間中買埋貓糧、雀糧俾屋企其他朋友仔,入嚟有片睇佢買嘢食嘅經過,咬住包糧跑跑吓好得意,中途仲喺樹下屙篤尿先返屋企,好識嘆!

Read more ›
有片:巴西藝術家攞正牌Graffiti 畫全球最長壁畫
by / on 12/08/2016 at 11:45 pm

有片:巴西藝術家攞正牌Graffiti 畫全球最長壁畫

Graffiti公認係藝術,但香港政府唔Buy,一味嚴打。巴西就唔同,為宣傳2016里奧熱內盧奧運,巴西藝術家Eduardo Kobra攞正牌噴咗幅全球最長壁畫,而畫布,就係處身大道上面嘅超長超巨建築物外牆,規模之大,直頭要動用到吊臂吊高佢慢慢噴漆。構圖方面,Eduardo Kobra總共畫咗五個原住民肖像,壁畫有名堂曰《Etnias》,「Etnias」解「民族」,主題係「世界和平」。呢條片Time Lapse片交代晒創作歷程,入佢面書,大把靚相可以定格慢慢欣賞。

Read more ›
【激似】巴西真人版《冰雪奇緣》Elsa   日本網民:「超恐怖!」
by / on 22/12/2015 at 7:15 am

【激似】巴西真人版《冰雪奇緣》Elsa 日本網民:「超恐怖!」

最近呢位23歲嘅巴西女仔Andressa Damiani好受網民關注,因為佢個樣好似《冰雪奇緣》嘅Elsa,睇落仲有啲似之前烏克蘭嘅真人版Barbie,個樣都係假到有啲恐怖,不過佢就話無整過容。件事傳到去日本,仲傳話佢嘅身裁係F Cup,有網民睇完啲相就話:「超恐怖」、「一定有整形」,亦有網民突破盲點:「肯定無F cup」。之後喺外國網睇咗佢嘅訪問,原來佢由細到大都比人話似公仔好恐怖,令佢童年無朋友一直好孤獨,大個咗出街都經常比人歧視,不過自從佢扮咗Elsa後喺當地就幾受歡迎,出街啲人都會嗌佢Elsa,入嚟有得睇返佢細個嘅相同日常生活照,BTW,唔化濃妝嘅佢其實幾靚女。 

Read more ›

【真心推介】入侵他人IG相片    加插畫大受歡迎出手機App
by / on 04/10/2015 at 3:35 pm

【真心推介】入侵他人IG相片 加插畫大受歡迎出手機App

真心推介呢位巴西插畫家Lucas Levitan嘅作品,佢最近好紅,仲喺App Store出埋插畫app,佢嘅強項係入侵IG上唔同人嘅相,喺入面加上自己創作嘅插畫,名為「Photo Invasion」。每張相都好得意有故事,睇完令人會心微笑。每次佢都會@返對方話比人知:「我入侵咗你張相嘞。」個手機App暫時只得iPhone用家有得下載,港幣$23,佢話會不時更新加多啲插畫。另外Kickstarter亦集緊資推出佢本相集《Photo Invasion – The Book》,睇完佢所有作品之後,我都有啲想買佢個app玩吓。

Read more ›
【神人出動】30張Mario 30周年慶生圖集 置入30年間世界大事
by / on 15/09/2015 at 7:12 am

【神人出動】30張Mario 30周年慶生圖集 置入30年間世界大事

呢位巴西藝術家Butcher Billy嘅作品好正,之前都介紹過幾次,佢特別鐘意任天堂,之前試過將瑪利奧變punk友,宮本茂變瑪利奧,仲威到由官方親自邀請設計作品,前日撞正Mario誕生30周年,佢當然要露兩手贈慶,呢個「Super Mario Bros: 30 years of Pop Culture系列」將過去30年發生過嘅世界大事「孖寶兄弟化」,例如柏林圍牆倒下、解放者曼德拉以至最新嘅同性戀婚姻合法化彩虹標記嘅時刻,變成好有孖寶兄弟感覺嘅改圖,總共30張,真心講每張都好正,應該係送比Mario最好嘅生日禮物,唯一唔好嘅係啲圖好多雪花,睇到有啲眼花花。

Read more ›
新片速報     巴西玩人電視節目YouTube熱爆    喪屍湧現地鐵站
by / on 02/04/2015 at 7:13 am

新片速報 巴西玩人電視節目YouTube熱爆 喪屍湧現地鐵站

頂,今次真係玩得好過份!呢條片好癲,3日已經過4百萬點擊,片中嘅大媽搭搭吓地鐵,成架車得自己一個,盞燈仲要眨眨吓,到站時月台突然湧現一大堆喪屍!全部伸晒手想爬入嚟,呢個時候後面有隻喪屍爬爬吓捉住佢隻腳,列車門又突然打開‥‥‥呢條片係巴西嘅玩人電視節目,勁大製作,成個地鐵站book咗嚟玩,仲動員大量喪屍,全部都係Walking Dead嘅質素。唔好話身處其中,淨係睇片都嚇到標汗,如果喺現場,應該會好似呢班大媽咁喊爆。

Read more ›
新片速報 唔駛魚桿魚勾 直擊巴西人用鮮肉釣食人魚
by / on 10/01/2015 at 12:57 pm

新片速報 唔駛魚桿魚勾 直擊巴西人用鮮肉釣食人魚

我承認張相係核突咗少少,不過條片好好睇。食人䱽成日聽,佢哋出名棚牙夠鋒利,而且擁有瘋狂嘅食肉慾,呢條片就話你知巴西人點樣釣食人䱽,原來用嘅方法好原始,魚勾都唔駛,就咁攞塊生肉喺水面浸兩浸,好快,就引嚟大批食人䱽蜂擁而上,無幾耐已經吊倒一桶滿滿嘅食人䱽,睇到人心都寒埋,一個唔小心,比佢咬咁忽肉就唔抵啦!

Read more ›
金正恩又被惡搞    高人出手變悟空/比卡超
by / on 08/01/2015 at 7:18 am

金正恩又被惡搞 高人出手變悟空/比卡超

呢位巴西藝術家Butcher Billy我好鍾意,之前惡搞過宮本茂甚至毛主席,仲威到任天堂官方雜誌都搵佢合作。最近佢又搵倒嘢玩,就係玩北韓領袖金正恩,金正恩變咗麥當勞叔叔、瑪利奧、孫悟空、比卡超甚至變形俠醫,全部都好正,維持佢一貫水準。不過最正都Billy係網站嘅留言,佢話今次明益鍾意博出位嘅金正恩,比佢試吓做世界知名嘅角色,仲話叫奧巴馬要送返啲美國物業比佢做回禮。係囉,串咪串,駛怕佢,最多咪攻擊埋你個網站,怕你呀?

Read more ›

新片速報    流浪漢病發狗仔馬路狂追  120萬點擊熱播
by / on 27/12/2014 at 1:38 pm

新片速報 流浪漢病發狗仔馬路狂追 120萬點擊熱播

好感人!影片一開始影住隻狗仔不停追呀追,跑得快過神犬拉西,追咗幾個路口,車入面嘅人終於開車門比佢上車,原來,架車係救護車,車上面載住嘅係狗仔嘅主人,據講主人因為癲癇發作要緊急送院,狗狗最後陪埋佢入院,而呢位主人,係巴西一個流浪漢。件事感動咗好多人,大家都讚狗狗有義氣,條片放上YouTube幾日已經有超過120萬點擊,好彩呢位流浪漢最終大步檻過,快啲帶埋狗狗去慶祝啦!

Read more ›
巴西國腳「尼馬」玩胡迪 坐膊頭手指指
by / on 03/07/2014 at 7:04 am

巴西國腳「尼馬」玩胡迪 坐膊頭手指指

巴西今年踢得麻麻,不過21歲嘅靚仔球星尼馬就極受注目,原來佢除咗踢波之外,仲好鐘意玩胡迪公仔,前排廣告人Wellington Campos帶埋隻胡迪公仔去搵佢影相,又坐膊頭又手指指,好鬼friend。佢仲喺自己Instagram舖咗胡迪張相開心吓。BTW,呢位Wellington Campos好有來頭,佢嘅Instagram專舖胡迪生活照,有530萬個followers!佢將呢隻潛力公仔嘅能力發揮到極致,入嚟有得慢慢睇。仲有尼馬嘅Instagram可以順手follow埋,btw,佢位17歲嘅女友的確幾索

Read more ›
本地薑插畫師 送32強桌布
by / on 23/06/2014 at 10:30 am

本地薑插畫師 送32強桌布

世界盃球星插畫師,唔淨得外國先至有,本地薑質素都唔弱架,之前介紹過嘅面書專頁「GK球星插畫」就係好例子,插畫師Ivan手畫唔算靚絕,但極有個人風格,依家32強皆陣列在前,值得一睇喎。

Read more ›
美日英雄大亂鬥  悟空VS超人/ 尤達VS超夢
by / on 21/06/2014 at 12:51 pm

美日英雄大亂鬥 悟空VS超人/ 尤達VS超夢

美日動漫角色大亂鬥大家都好想睇,巴西藝術家Lucas Pilatti就將自己最想睇嘅賽事模擬整咗幾張poster出嚟,有《Star Wars》黑武士VS《X-Men》Magneto,又有《龍珠》悟空VS《Superman》、《星矢》紫龍VS《龍珠》比達,咁天生生得矮小嘅尤達大師呢?呵,對手係咁高咁大,Pokemon嘅超夢(Mewtwo),有無得打?

Read more ›