fbpx

Tag: 巴士

林祥焜x西九龍中心 1:120巴士車仔上架

林祥焜x西九龍中心 1:120巴士車仔上架

真係好靚,我唔算好有鋪車仔癮,但林祥焜聯乘西九龍中心推出嘅1:120城巴金屬車仔,就算買唔晒全套7架,都要買番一兩架看門口,「Network Shuttle」有售。7架巴士包括天恩967我喜、杏花邨8叉電、經深水埗102閨蜜、鴨脷洲N171玩到盡、荔枝角171同深水埗118,你鍾意邊架?我鍾意鴨脷洲N171玩到盡,車身有「#work&play」字樣,正確人生態度也。

Read more ›

「殘破巴士」原來畫出嚟    大師級Graffiti藝術家IG爆紅

「殘破巴士」原來畫出嚟 大師級Graffiti藝術家IG爆紅

超勁!最近呢位葡萄牙嘅Graffiti藝術家Sergio Odeith喺網上爆紅,佢嘅破爛巴士作品喺IG放咗1日已經有超過14萬like。佢將一個白色平平無奇嘅建築物,變成一架好有立體感嘅殘舊巴士,像真度令人難以置信。睇返佢之前嘅作品,佢擅長將廢置嘅建築改裝,其中巨型昆蟲係佢好鍾意用到嘅題材,好勁。每件完成品都好有立體感,入嚟有得回帶睇返佢嘅舊作,推介。

Read more ›
日本超巨型MONO擦膠巴士     期間限定免費乘搭

日本超巨型MONO擦膠巴士 期間限定免費乘搭

好可愛,大家讀書都用過呢隻MONO擦膠啦,有日本網民最近喺街頭見到呢架擦膠巴士,大大粒喺街上行走好可愛,睇返資料,原來呢架MONO巴士係為咗紀念誕生50週年而出現,由6月19日至21日期間喺東京嘅渋谷、原宿、表参道行走,免費乘搭,搭完仲有紀念品收,上車位置喺官下公園,見到有位記住上車嘞。

Read more ›
林祥焜x西九龍中心 出Goodgirl Toy Bus巴士模型

林祥焜x西九龍中心 出Goodgirl Toy Bus巴士模型

林祥焜畫女靚到啪啪聲,呢點唔使多介紹喇。佢本《Super Good Good Girls》畫集,我有買;西九龍中心大Billboard靚畫,我有去打卡;印咗Super Good Girls嘅巴士車身,我喺街見過幾次但次次都影唔切相。Fine,家陣佢打算推出巴士模型Goodgirl Toy Bus,我真係不知幾開心,好難唔撐。學佢話齋,呢鋪正式「玩到入埋屋」,可以當精品儲,十個正。不過唔知賣幾多錢同量產幾多呢?

Read more ›
【新片速報】日本《龍珠》DB藝人齊集坐巴士    地上最強陣容

【新片速報】日本《龍珠》DB藝人齊集坐巴士 地上最強陣容

全架巴士都係龍珠DB藝人,難怪被稱之為世界上最強嘅乘客。有齊山本正剛「菲利」、R藤本嘅「比達」、渡部一丁「笛子魔童」等等角色,其他人都唔知俾乜嘢反應好,入嚟有片睇。

Read more ›
日本夜行巴士豪華個室    獨立房間有覺好瞓

日本夜行巴士豪華個室 獨立房間有覺好瞓

有無人試過喺日本坐呢類高級嘅個室巴士?有日本網民分享咗幾張相片,坐位啱啱好夠放一人豪華座椅,旁邊有個趟門可以俾你閂埋營造私人空間,價錢由東京去大阪大概2萬円,專門為搭通宵車嘅人而設,等佢哋坐長途車都可以有覺好瞓。下次有機會又有時間可以試吓。

Read more ›

平遊《你的名字。》日本景點 新宿往返飛驒6900円搞掂

平遊《你的名字。》日本景點 新宿往返飛驒6900円搞掂

《 你的名字。》全球大收,連帶戲入面嘅日本本州中部飛驒都成為旅遊勝地。如果想平平哋去開東京嘅時候順便去朝聖,嚟繄2月27日開始可以考慮搭呢架巴士。車身以《 你的名字。》做主題,由新宿Busta車站出發,終點站係飛驒古川車站,全程需時大約6小時,係就係耐啲,但平平哋6900円就可以去到,仲可以搭返同一架車返新宿。啱晒有時間想慢慢坐車睇風景嘅旅客!

Read more ›
有片:總負重26931.67磅 孖辮拉巴士破世界紀錄

有片:總負重26931.67磅 孖辮拉巴士破世界紀錄

當真十個趣呀,居然有用頭髮拉巴士呢項世界紀錄,紀錄保持者來自印度,孖辮妹一個,名字叫Asha Rani。Asha Rani就係靠呢孖望落去一啲都唔算粗嘅孖辮,拉郁一架倫敦相層巴士,巴士裡面仲要坐咗32人,總負重係26931.67磅。咁拉法,頭髮唔斷固然匪夷所思,唔扯甩條頸直頭要拍爛手掌,如此奇妙的人體,絕對有資格上《歡樂滿東華》幫手籌款。

Read more ›
有片:到站唔記得落車 中國大媽跳車窗

有片:到站唔記得落車 中國大媽跳車窗

大媽行為永遠都咁匪夷所思,今次唔係跳廣場舞,而係表演更高難度嘅亡命跳車。話說河南有個大媽掛住玩手機,到站唔記得落車,到佢發現Miss咗個車站之後,佢竟然不慌不忙咁行向車窗,一腳踏上座椅,繼而扭動肥厚八月十五,趁巴士停喺馬路中心之際跳車窗。乜事咁急呢?連命仔都唔要?跳落地唔受傷,唔驚俾後面啲車撞到嘅咩?Nothing to say……

Read more ›
理想與現實     超驚嚇日本巴士吉祥物     條頸去咗邊?

理想與現實 超驚嚇日本巴士吉祥物 條頸去咗邊?

日本好興吉祥物,唔單止每個縣有吉祥物,連巴士都有。最近呢個日本中部岐阜縣嘅巴士,就設計咗一個好可愛,著住車長制服嘅少女做吉祥物,仲推廣佢哋春天嘅一日乘車券,本來件事好哋哋,點知巴士公司方面想做多啲宣傳,於是將吉祥物變成真人,點知驚嚇度好似網民所講:「喊緊嘅BB見倒都會馬上唔喊。」張相最先由網民「國鉄岐阜」 (@jnrgifu)喺Twitter公開,連日嚟被不停RT,大家都問呢個兩頭身吉祥物條頸究竟去咗邊‥‥‥

Read more ›
股罅露出! 大膽廣告貼巴士椅背

股罅露出! 大膽廣告貼巴士椅背

呢個廣告好出色,如果放喺香港巴士上,唔知有無C9會投訴?椅背專登整咗幅扮股罅露出嘅相,上面就寫住:「no one wants to see this」,估到賣乜未?原來係同大腸癌有關嘅廣告,提醒大家要去醫生度定期檢查,有腦又幽默。唔講唔知,原來大腸癌而家係美國第二大癌症殺手。

Read more ›

新片速報  兩歲聰明狗 自已搭巴士去公園玩

新片速報 兩歲聰明狗 自已搭巴士去公園玩

呢隻兩歲嘅狗狗Eclipse最近好紅,因為佢每個星期都會自己搭巴士去西雅圖Belltown嘅狗公園玩!好多人以為佢係流浪狗,其實佢有主人嘅,主人Jeff Young一星期會同佢去玩幾次,有次主人等車期間煲緊煙,巴士嚟到,狗狗Eclipse居然趕住去玩跳咗上車唔等佢,之後主人去到公園,見狗狗Eclipse已經早到咗自己玩緊,自此,狗狗Eclipse就成日自己搭巴士去公園玩,每次一上巴士仲會搵個窗口位坐,心情好又會同其他乘客玩,入嚟有片睇,好正。

Read more ›
新片速報 公共座椅有幾污糟 搥仔狂扑即見到

新片速報 公共座椅有幾污糟 搥仔狂扑即見到

有好多嘢,望埋去你以為乾淨,實際係好污糟。呢條實驗影片就實驗咗一樣嘢,佢喺倫敦嘅地鐵、巴士上面用個搥狂扑張座椅,望埋去好似冇乜嘢嘅軟墊,好快就揚起啲灰塵,嗚呀!聞一聞應該好精神。

Read more ›
【有片】東京巴士落車鐘 3,000円有聲有手感

【有片】東京巴士落車鐘 3,000円有聲有手感

有時搭巴士,會有鼓衝動好想撳落車掣,可能日本都有好多人係咁,所以,就有呢個「東急バス 『 バスボタン & 工作キット 』」產品推出喇。3,000円,個掣設計跟足巴士上面嗰個,最正係連鐘聲同人聲廣播都一樣,入嚟睇片你就知,想買。

Read more ›
國內巴士設「愛心母乳間」 媽媽車上哺乳唔怕尷尬

國內巴士設「愛心母乳間」 媽媽車上哺乳唔怕尷尬

今次要讚中國行得好前。餵母乳係平常事,偏偏好多媽媽投訴社會上嘅設備不足,好多人又投以奇怪目光。最近內地嘅浙江金華公交車,就推出咗一架有餵母乳區域嘅巴士,前後仲有塊布比媽媽拉埋,避開車內或者車外人嘅目光,保證有私隱零尷尬。可惜暫時只得一部巴士試行,巴士公司話遲吓更多巴士會增設「愛心母乳間」,如果可以保持衞生,都係好事嚟嘅。

Read more ›