fbpx

Tag: 巨影都市

【有片】睇咗當玩咗 《巨影都市》Evangelion決戰Gameplay合集

【有片】睇咗當玩咗 《巨影都市》Evangelion決戰Gameplay合集

如果你鍾意《哥斯拉》、《機動警察》、《Ultraman》或《Evangelion》是但一個作品,呢隻出咗嘅PS4求生遊戲《巨影都市》應該好吸引。不過你知啦,都市人無論係返工或者返學,都可能冇咁多時間打機,如果你冇時間玩,但又係EVA迷,又想睇吓使徒點樣超時空襲擊現代嘅日本,呢條片可以睇晒EVA嘅各關卡。

Read more ›

發售日迫近 《巨影都市》再有新圖

發售日迫近 《巨影都市》再有新圖

講吓講吓,呢隻PS4《巨影都市》喺下星期10月19日就推出喇,即係喺《Evangelion》、《Ultraman》、《哥斯拉》等動漫特撮世界觀內求生!啱啱官方發佈咗一堆《Ultraman》嘅新圖,都係嗰句,畫面麻麻,但個氣氛好,同埋有初號機、使徒佢哋,我實玩喇,8,200円。

Read more ›
PS4《巨影都市》再有新巨影 EVA零號/2號機參戰

PS4《巨影都市》再有新巨影 EVA零號/2號機參戰

10月19日推出,呢隻PS4《巨影都市》我超期待。雖然早前睇過啲冒頭試玩片畫面一般,但係個氣氛正喎,喺超人、EVA、使徒、哥斯拉腳下求生……啱啱仲有新巨影公佈,包括《機動警察》除咗有英格倫之外,仲月埋鷹頭獅,仲有怪獸Dada、機械哥斯拉、Evangelion「零号機」、「2号機」!咁會唔會見到綾波麗同明日香呀?我好想同佢哋一齊浸喺LCL度呀!

Read more ›
新片速報 PS4《巨影都市》35分鐘Gameplay 鹹超關卡率先睇

新片速報 PS4《巨影都市》35分鐘Gameplay 鹹超關卡率先睇

10月19日發售,雖然暫時未有中文版,但好多動漫迷、特撮迷應該都好期待啦,喺《機動警察》、鹹蛋超人《Ultraman》、《Evangelion》、《哥斯拉》等世界入面求生喎!《絶体絶命都市》製作人九条一馬製作喎!啱啱有日本YouTuber率先試玩第一關,見到主角去便利店玩,又可以換警察制服,仲可以喺超人腳下行,仲唔小心死埋!畫面唔算太靚,但個氣氛相當好,我一定玩!

Read more ›
【2017出GAME表】 9月至10月 [PS4 / XBox One / Switch / PC / 3DS / PS Vita]

【2017出GAME表】 9月至10月 [PS4 / XBox One / Switch / PC / 3DS / PS Vita]

每年開學9月、10月就好多大作推出,今年都唔例外,大量運動game包括《FIFA18》、《NBA2K18》同《Winning Eleven 2018》全部都會喺9月推出,鍾意射擊類嘅仲有隻《Destiny 2》。去到10月仲有《絶体絶命都市》製作人九条一馬製作,玩絕命絕體災難求生嘅PS4《巨影都市》!另外有唔知可唔可以準時出,好多賽車迷想快啲玩到嘅《GT SPORT》!仲有年年都出但fans依然會追嘅《Assassin’s Creed: Origins》同埋我好鍾意玩嘅音樂節拍game《太鼓之達人 合奏咚咚咚!》。至於買咗Switch嘅,相信大部都會買《Super Mario Odyssey》嘞!唉,點解9月同10月無長假期架?

Read more ›
PS4《巨影都市》大量新圖發佈 10月19日進入動畫、特撮世界求生

PS4《巨影都市》大量新圖發佈 10月19日進入動畫、特撮世界求生

10月19日就推出嘅PS4《巨影都市》,《絶体絶命都市》製作人九条一馬製作,玩絕命絕體求生,不過世界觀就係唔同嘅特撮作品同動畫作品!夠吸引啦?官方又有大量新圖發佈,包括《Evangelion》嘅「第5使徒」、「超人迪加」、怪獸「摩斯拉」等等。8,200円,可惜暫時冇講有中文。

Read more ›

新巨影降臨 PS4《巨影都市》超人迪加、第5使徒參戰

新巨影降臨 PS4《巨影都市》超人迪加、第5使徒參戰

  10月19日,我超期待嘅。呢隻《巨影都市》玩絕體絕命災難求生,但世界觀係好多唔同ACG、特撮作品喎!之前已經公佈有《機動警察》英格倫、咸蛋超人《Ultraman》、《Evangelion》初號機、哥斯拉等,今次新圖新消息就係有「摩斯拉(モスラ)」、「超人迪加(ウルトラマンティガ)」、「怪獸ギャオス」、「第5使徒」等等加入,睇嚟好襟玩!

Read more ›
PS4《巨影都市》新圖 《機動警察》出發救災

PS4《巨影都市》新圖 《機動警察》出發救災

以唔同動畫、特撮片為世界觀嘅災難求生遊戲《巨影都市》,有EVA、哥斯拉、超人等作品,又出自《絶体絶命都市》製作人九条一馬之手,梗係期待!啱啱官方又有新圖,就係其中《機動警察》嘅世界觀,見到「特車二課第2小隊」英格倫出現救人!不過今次玩家唔係駕駛英格倫啦,而係負責救人去俾佢救,應該係。另外,仲有遊戲嘅早期購入特典,有《絶体絶命都市》1、2集嘅角色服裝。

Read more ›
新片速報 PS4《巨影都市》4分鐘預告片 超人、初號機腳下求生

新片速報 PS4《巨影都市》4分鐘預告片 超人、初號機腳下求生

前晚報道咗發售日期係10月19日,兼有《機動警察》英格倫參戰。今日就有新片睇喇!4分鐘,睇到超多Gameplay,仲有各巨影亦都有現身,包括咸蛋超人《Ultraman》、《Evangelion》初號機、哥斯拉等等,主角仲可以救人,又可以揸車逃走,好正!期間限定特典仲有多樂貓!同埋有使徒有初號機,咁背景係咪第三新東京?

Read more ›
PS4《巨影都市》發售日公佈 10月19日推出 仲有《機動警察》

PS4《巨影都市》發售日公佈 10月19日推出 仲有《機動警察》

呢隻真係冇可能唔買,冇可能唔玩,由《絶体絶命都市》製作人九条一馬製作,災難求生遊戲,但世界觀有咸蛋超人《Ultraman》、《Evangelion》初號機、哥斯拉等,最新就係有埋發售日期,係10月19日!同時有新世界公開,就係《機動警察》,會有英格倫1號機!有雜誌圖睇!仲有3個幾月有得玩,有咗個發售日期,個人定好多呀!

Read more ›
【極級期待】PS4《巨影都市》大量新圖新資訊  EVA第四使徒現身!三頭龍參戰!

【極級期待】PS4《巨影都市》大量新圖新資訊 EVA第四使徒現身!三頭龍參戰!

呢隻《絶体絶命都市》製作人九条一馬嘅新作,玩災難求生,但世界觀入面有咸蛋超人《Ultraman》、《Evangelion》初號機、哥斯拉等,即係你要喺初號機腳下逃生!無影一排之後,早前出番嚟仲話今年秋天發售,啱啱官方仲有更新,「光之巨人」類別有3個角色現身,《EVA》除咗初號機外,仲有第四使徒,《哥斯拉》亦有三頭龍出嚟破壞地球!另外,仲有一個神秘黑影,估唔估到係咩?最後,人類方面角色都公開咗,暫時有五位。不過講開又講,點解o依家又輪到《絶体絶命都市4Plus -Summer Memories-》冇咗影?之前年頭話有VR試玩版免費下載都冇咗件事喎?

Read more ›

【終於有影】PS4《巨影都市》秋季發售 「EVA初號機」參戰確定!

【終於有影】PS4《巨影都市》秋季發售 「EVA初號機」參戰確定!

《絶体絶命都市》製作人九条一馬嘅新作,即係災難求生遊戲,但就係因為「巨影」而引嚟嘅災難!嗚!早排先話成年冇更新過任何消息,啱啱就有新料喇!官網更新咗,2017年秋季發售確定!而且除咗已經公開咗嘅咸蛋超人《Ultraman(ウルトラマン)》、《哥斯拉(ゴジラ)》外,仲確認埋會有Evangelion初號機「エヴァンゲリオン初号機」同埋哥斯拉個friend「加美拉(ガメラ)」。

Read more ›
【核爆驚喜】超人之後《巨影都市》仲有「哥斯拉」+「EVA」!?

【核爆驚喜】超人之後《巨影都市》仲有「哥斯拉」+「EVA」!?

《絶体絶命都市》製作人「九条一馬」、BANDAI NAMCO同Granzella推出呢隻PS4/PS Vita《プロジェクト巨影都市》,之前宣佈巨影就係咸蛋超人Ultraman,玩家就係要喺有超人嘅世界中求生,已經超驚喜,不過嚟緊呢期《週刊Fami通》更勁,勁在之前預告嘅怪獸果然係怪獸王「哥斯拉」之外,最新預告嘅黑影……留意幅圖右下角,係《Evangelion》入面嘅初號機!?咁設定咪要去番第三新東京?嗚!唔係咁勁吓嘛?

Read more ›
絕體絕命PS4《巨影都市》 超人世界求生高清圖

絕體絕命PS4《巨影都市》 超人世界求生高清圖

出自《絶体絶命都市》製作人「九条一馬」之手,之前都驚喜過喇,就係BANDAI NAMCO同Granzella推出呢隻PS4/PS Vita《プロジェクト巨影都市》,當中嘅巨影原來就係咸蛋超人Ultraman!玩家喺有超人嘅世界中求生,即係喺超人對打嘅環境中逃生!(設定中有破壞、保護城市嘅超人‧有讀者指出應該出自初代超人第18話「遊星から来た兄弟」超人、ザラブ星人的對決場面。)啱啱官方出咗高清圖,睇到遊戲場景同男女主角「三崎ケン」「松原ミハル」,仲有「怪獸」嘅黑影,呢隻「怪獸」好似有啲熟口面,定一話好多怪獸都係咁嘅樣?

Read more ›
【超驚喜】絕體絕命新遊戲 PS4《巨影都市》中巨影原來係超人!

【超驚喜】絕體絕命新遊戲 PS4《巨影都市》中巨影原來係超人!

嗚!今次真係有驚喜喎!本來對於BANDAI NAMCO同Granzella合作推出嘅PS4/PS Vita《プロジェクト巨影都市》,興趣及唔上同一位製作人「九条一馬」嘅《絶体絶命都市》,但最新雜誌情報,原來巨影都市入面嘅巨影,之前神神秘秘嘅黑影,唔係原創怪獸咁簡單,而係咸蛋超人Ultraman!即係玩家扮演喺有咸蛋超人世界中求生嘅人類,話遊戲入面會有破壞同保護城市嘅兩種超人,到時唔知可唔可以停低觀戰?咁係咪可以有埋哥斯拉?

Read more ›