Post Tagged with: "巨型"

日本爛賭新人「結婚蛋糕」 巨型牌局坐低即開枱
by / on 17/02/2018 at 1:25 pm

日本爛賭新人「結婚蛋糕」 巨型牌局坐低即開枱

呢幾日大家應該打唔少牌嘞?日本呢對新人都好鍾意打牌,鍾意到結婚蛋糕都用麻雀做主題。有齊四家,分別做萬子、索子、筒子同番子,無爭拗好和諧。個蛋糕接近1:1呎吋,坐埋去直情可以打返圈。BTW,睇唔睇到萬子嗰副牌叫咩糊?

Read more ›

【新片速報】網民自製「巨型火柴球」 42,000支火柴焚燒超壯觀
by / on 15/02/2018 at 7:56 am

【新片速報】網民自製「巨型火柴球」 42,000支火柴焚燒超壯觀

用10個月時間4萬2千支火柴,砌成巨型球體,然後一把火燒咗佢,諗起都覺得好壯觀。外國呢位男士Wallace段片兩日喺YouTube已經有接近80萬次瀏覽,雖然最終佢話個球體唔夠圓,啲綠色火柴顏色唔夠統一,不過睇佢抱住個火柴波就知佢心情好興奮,至於場火有幾大,燒咗幾耐?入嚟有得睇,好壯觀,不杜佢用10個月時間嚟完成。

Read more ›
日本超巨型「惠方卷」     似「重型武器」網民出手改圖
by / on 04/02/2018 at 12:43 pm

日本超巨型「惠方卷」 似「重型武器」網民出手改圖

「惠方卷」係日本大阪嘅特色壽司,紫菜入面捲埋七種食材,通常喺節分當日食嘅,可以趨吉避凶。不過係咪食得越多越好運?日本有網民趁噚日(2月3日)節分放咗呢個超巨型「惠方卷」上Twitter,成支大炮咁巨型,抬上山食一個月都得。賣2300円,又唔算太貴。有網民話咁做係違法嘅,有人話應該改名叫「恵砲巻」,有人仲改埋圖,配落阿諾舒華辛力加度,效果可以講係零違和。

Read more ›
日本超巨型牛仔褲睡袋 雙人設計一人一條褲管
by / on 23/01/2018 at 7:44 am

日本超巨型牛仔褲睡袋 雙人設計一人一條褲管

日本生活雜貨Felissimo又有古怪產品推出嘞!呢款超巨型牛仔褲其實係個雙人睡袋,每條褲管可以瞓一個人,前面有個窿可以伸個頭出嚟。底層用咗超暖絨毛,瞓瞓吓覺得熱又可以拉開拉鍊露返上半身出嚟;另外褲腳位可以拉埋拉鍊,咁就唔怕走咗啲風入去凍親腳板,好貼心。每條牛仔褲賣42,120円,即係接近3千蚊港幣,差唔多夠買張床嘞。

Read more ›
日本奇譚全新貓頭套 超巨型心心連蝴蝶結
by / on 11/01/2018 at 7:42 am

日本奇譚全新貓頭套 超巨型心心連蝴蝶結

日本扭蛋公司奇譚呢個喵星人頭套系列,唔經唔覺原來已經出到第16彈!今次為咗俾貓奴表達愛意,推出咗呢個超巨型心心頭套,心心上面仲綁咗個絲帶蝴蝶結,好似份禮物咁送返俾你。一次過有齊4種顏色,但係白色嗰款點解好似打完交傷咗包紥咁呢?1月初推出,各位貓奴注意嘞,各位喵星人記住走避嘞。

Read more ›
【有片】森林發現超像真恐龍     自創保鮮紙噴畫嚇死人
by / on 29/12/2017 at 7:40 am

【有片】森林發現超像真恐龍 自創保鮮紙噴畫嚇死人

如果行行吓森林見到有隻巨型恐龍喺身後,真係會俾佢嚇死。呢位俄羅斯嘅Graffiti藝術家Evgeny Ches唔喺牆上面畫畫,而係自創喺保鮮紙噴畫,佢稱之為Cellograffiti,佢仲創作咗一系列動物作品然後喺森林度展示,有恐龍、熊、馬騮等等唔同嘅動物,全部嘅像真度都好高,好恐怖呀!

Read more ›

超正Star Wars巨型薑餅 全部都係星戰主題
by / on 23/12/2017 at 2:35 pm

超正Star Wars巨型薑餅 全部都係星戰主題

聖誕節就到,又係食薑餅人嘅時候嘞。位於斯德哥爾摩嘅Star Wars Bakery有啲唔同,佢哋整嘅薑餅大陣仗好多,全部以星戰做主題,有滅星者Imperial Star Destroyer、千歲鷹Millennium Falcon同埋AT-AT,其中架巨型滅星者仲放咗喺設計Star Wars Battlefront遊戲嘅公司DICE度做擺設品。入嚟有埋製作過程睇,過程極繁複,靚成咁應該唔捨得食嘞。

Read more ›
廢金屬變超巨型機械人 作品賣港幣20萬連運費
by / on 11/12/2017 at 7:34 am

廢金屬變超巨型機械人 作品賣港幣20萬連運費

呢位波蘭嘅藝術家Sebastian Kucharski好勁,佢嘅強項係將廢金屬變成超巨型機械人,佢自細已經好鍾意睇科幻電影,所以製作品大部份靈感都係來自電影。佢嘅作品喺Etsy有得買,不過連埋運費寄嚟香港閒閒哋都要15萬港幣左右,仲要屋企有位放先得。除咗巨型機械人,佢仲有製作Wall-E、STAR WARS嘅BB8、ATST Walker等,細件啲賣2百蚊至5千蚊港幣不等,入嚟有得睇。 參考返,呢隻重470kg高10.5呎嘅巨型機械人,售價係港幣$129,240,運費額外再加港幣$21,000。     資料來源:Etsy

Read more ›
【有片】超巨型月亮人像攝影 全靠1120mm鏡頭
by / on 28/10/2017 at 11:04 am

【有片】超巨型月亮人像攝影 全靠1120mm鏡頭

1120mm嘅世界會係點?外國攝影師Eric Pare喺沙漠影咗呢輯相,可以影到大大個月亮配一個靚女model,構圖幾有意境,再加技術同經驗搭夠。張相喺日本Twitter都好多人講,入嚟有拍攝嘅behind the scene影片睇。

Read more ›
日本超巨型太陽蛋毯 仲有蛋多士梳化
by / on 27/10/2017 at 7:06 am

日本超巨型太陽蛋毯 仲有蛋多士梳化

有無鍾意食蛋嘅朋友?呢款日本品牌waraku推出嘅太陽蛋毯好正,呎吋有大有細,舖喺張床度超霸氣。嫌太大可以買張細嘅冬天冚吓腳,另外仲有一款蛋多士咕臣,好搞笑。唔鐘意仲有生命麵包梳化,可以組合變伸腳梳化,咁大塊睇見都飽,入嚟有得慢慢睇慢慢揀。

Read more ›
日本超巨型史萊姆攬枕      軟綿綿超好攬
by / on 30/05/2017 at 12:26 pm

日本超巨型史萊姆攬枕 軟綿綿超好攬

史萊姆最近好多產品推出,除咗必買眼藥水之外,如果屋企夠大,真係可以考慮吓帶埋呢隻巨型史萊姆返屋企。呎吋係65cmx60cm x60cm,成個人撻上去瞓應該好爽。7月22日發售,開價15800円,大約港幣1100左右,唔算好平,不過fans應該好難忍。

Read more ›

【有片】自製喵星人專用「巨型冰球」 又舔又摸超可愛
by / on 30/05/2017 at 11:41 am

【有片】自製喵星人專用「巨型冰球」 又舔又摸超可愛

唔係最新,不過大熱天時,呢段片又喺Twitter被回帶嘞。天氣咁熱,人類就話可以食雪糕雪條,咁屋企隻喵星人呢?可以自製呢個巨型冰波俾佢哋呀!簡單將啲水裝入汽球,然後雪成冰就搞掂。啲喵星人勁鍾意舔,仲伸埋手去玩,又平又好玩,仲可以乘機氹佢哋飲多啲水,抵晒!記住睇埋片尾隻小喵星人嘅舉動,乜都俾佢玩甩,好好笑。

Read more ›
【有片】超嘆日本喵星人      坐巨型梳化睇電視瞓咗
by / on 28/05/2017 at 1:11 pm

【有片】超嘆日本喵星人 坐巨型梳化睇電視瞓咗

有咩幸福得過放假同屋企隻喵星人一齊睇電視?不過日本呢位貓奴就發現自己隻貓睇睇吓電視瞓著咗,仲坐喺度恰著咗好似人仔一樣。張相放上網一日已經有近9萬個RT,好誇張。BTW,貓仔細細坐咁大張梳化,佢都幾識嘆。另外網民仲發現喵星人隻腳仔都好有戲,輕輕楝高咗。入嚟仲有呢隻喵仔嘅片睇,另外主人同佢一樣,都好可愛!

Read more ›
【有片】日本巨型鐵道模型塌下   曳仔一手推跌超震憾
by / on 22/05/2017 at 7:05 am

【有片】日本巨型鐵道模型塌下 曳仔一手推跌超震憾

小朋友嘅嘢大人真係唔好亂玩。呢段片好震憾,有個成年人走咗入去個大型鐵道模型入面,之後個曳仔伸手一推,場面好震憾!個O靚仔都嚇到呆咗。其實呢個鐵道模型位於日本嘅龜山溫泉旅館,喺今年3月底搭成,玩咗一排最近決定要撤走,為咗帶多啲歡樂俾大家,所以就有呢個咁精彩嘅儀式嘞!首歌仲好悲壯,入YouTube有詳細影片睇!

Read more ›
【有片】超巨型喵星人好黐身 經常要抱考臂力
by / on 30/04/2017 at 11:21 am

【有片】超巨型喵星人好黐身 經常要抱考臂力

由細攬到大,而家變到咁大隻點算好?照攬囉。外國呢位貓奴隻緬因喵Tihon細細隻開始已經好黐身,到而家咁巨型都係好鍾意見到主人就跳埋去要攬攬,好彩身型纖瘦嘅主人好好力,完全無嫌棄佢。不過佢雖然身形巨大,但係喺屋企並唔係大佬,身形細過佢嘅喵仔先係話事嗰個。而家佢只係想每日24小時黐實主人,做大佬?唔駛客氣嘞。

Read more ›