Tag: 工場

【日本網民震驚】廣州最大製蚊工場 每週放生100萬隻蚊

中國除咗放出大量遊客到世界各地之外,最近《環球時報》仲報導中國廣東省廣州市,原來係全世界最大嘅製蚊工場,為咗對抗登革熱,當地實施咗一個政策,每星期放生100萬隻無生殖能力而且無毒嘅蚊!無錯,係每星期100萬隻!件事最近成為日本網民嘅熱烈討論話題,有人話:「中國話無毒我哋都唔可以信!」、「係咪實施緊『一蚊生育政策』?」、「啲蚊係兵器?中國製會爆炸的。」其實,唔殺晒所有蚊相信因為會破壞生態系統,而雄性嘅蚊唔會吸血,只有雌性蚊先會吸血令交配後可以產卵,所以放生大量雄性蚊,而佢哋又唔可以交配,最後就可以令到蚊嘅數量自然減少。不過由中國執行,大家難免驚驚哋‥‥‥

Read more ›

AK-74是怎樣煉成的 直擊戰鬥民族製槍工場

一講起AK47就諗起當年香港一系列打劫金行嘅案件。好打得嘅戰鬥民族俄羅斯出名出產高品質AK-74,最近有位叫Ilya Varlamov Zyalt嘅外國網民就去咗參觀工場,仲share埋啲相比網民開吓眼界。眼利嘅可能會發現AK-74唔係AK-47喎,原來唔係寫錯,亦唔係進化版,AK-47係口徑7.62mm嘅步槍,而AK-74就係口徑5.45mm,雖然唔同型號,但都係打得死人。老實,睇見幾百把槍大晒冷,我心都寒埋。

Read more ›

肯德基唔係雞? 直擊製作過程10個工序

成日有人質疑肯德基用嘅唔係真雞,繼日前麥當勞拍咗條直擊製作工場嘅片之後,KFC肯德基啱啱都玩直擊工場,今次去咗佢哋路易維爾嘅廠房,原來要製作炸雞需要經過10個工序,不過講真又同阿媽喺屋企炸雞嘅程序相差無幾,入嚟有GIF睇。唯一發現係我哋唔會喺屋企整倒家鄉雞,因為佢哋用嘅係特製調味料,另外佢哋用嘅真係雞(似乎係),最後就係嗰度嘅員工Lunch真係可以日日免費食炸雞,不過佢哋唔制。

Read more ›