Post Tagged with: "工具"

日本100円店好物      整班戟工具網民推介
by / on 05/11/2018 at 7:47 am

日本100円店好物 整班戟工具網民推介

呢啲食落肚好似食咗空氣嘅梳乎里班戟,女仔實鍾意嘞,不過出街食都幾貴,有無諗過自己整?日本有網民分享咗件好物,喺100円店DAISO(ダイソ)有得買嘅班戟工具,樓主話好方便易用,而且夠平,食譜方面喺包裝袋後面已經有,唔少網民跟住買,之後都成功整到,似乎唔難,下次去開DAISO記住買個俾朋友,叫佢整俾你食。

Read more ›

【有片】自動旋轉燒章魚丸工具      唔怕燶懶人必買
by / on 02/06/2017 at 7:17 am

【有片】自動旋轉燒章魚丸工具 唔怕燶懶人必買

燒章魚丸諗起都想食,市面上都有好多款工具可以整到,不過就無呢款「自動たこ焼き器」咁全自動咁方便嘞!全個過程靠蒸氣操作,中間個蓋不斷打開,輸出嘅蒸氣令到每粒燒章魚丸自動旋轉,話咁快就食得,唔駛手忙腳亂逐粒轉驚佢燶喎。

Read more ›
【一圖睇清】日本超詳盡對比圖      「化妝品VS模型工具」男女都明
by / on 22/02/2017 at 7:42 am

【一圖睇清】日本超詳盡對比圖 「化妝品VS模型工具」男女都明

女士嘅化妝品千變萬化,作為男士唔明白都好合理。有日本網民好有心,將每樣化妝品對比成砌模型嘅塗裝工具,張圖係Twitter好多人分享,男士一睇就明。下次唔好再問點解個女仔買咁多化妝品嘞,得閒仲可以同對方交流吓。

Read more ›
千歲鷹工具Kit 機頭士巴拿+機尾六角匙
by / on 28/12/2016 at 9:45 pm

千歲鷹工具Kit 機頭士巴拿+機尾六角匙

呢隻千歲鷹唔係精品,嗯,應該話唔只係精品,佢有實際用途,因為佢係一個迷你工具Kit,不過靚到唔捨得用咁解啫。佢巧妙地善用千歲鷹本身造型,機頭係士巴拿,機側有暗格可以拉出螺絲批,機尾可以插住六角匙,機體本身係一個工具箱……29.99美金,幾舊水貨仔,抵玩。

Read more ›
【無薪員工】車房狗狗變工具犬   訂造工衣裝架生
by / on 16/12/2015 at 7:18 am

【無薪員工】車房狗狗變工具犬 訂造工衣裝架生

香港都有好多車房狗,成日走嚟走去出街玩,不過呢隻車房狗狗就好忙無得出去玩,因為佢要幫手整車!做車房嘅主人幫佢度身訂造咗件工衣,上面袋住唔同嘅整車工具,而佢就梗係要隨傳隨到嘞。輯相首先係俄羅斯網上瘋傳,有人估計佢係俄羅斯車房嘅狗狗,估唔到戰爭民族唔止啲人勁,連動物都咁有戰鬥力。另外有網民擔心佢哋會唔會太辛苦,睇相似乎袋住嘅工具唔算重,不過無得出去玩要全日開工,的確有啲慘。

Read more ›
【超想要】蛋黃哥8件日常工具 蛋黃布甸座/petpet咭片夾萌爆
by / on 07/09/2015 at 7:21 am

【超想要】蛋黃哥8件日常工具 蛋黃布甸座/petpet咭片夾萌爆

出名懶嘅蛋黃哥又嚟嘞,今次日本re-ment出嘅呢8款小工具堅想要!最想要係蛋黃哥變咗布甸嘅手機座,其次係托住支筆懶辛苦嘅筆座,仲有用pet pet夾住咭片嘅咭片架、冚住塊煙肉覺覺豬嘅書籤、扮晒扣住啲蛋白嘅集線器‥‥‥係,我認,全部8款我都好想要呀!每盒380円,不過要等到今個月14號先有得買,有無朋友去開日本,不如幫我哋團購?

Read more ›

古怪方法紀念阿爺 逐件工具畫出 預計用4年時間
by / on 28/07/2015 at 7:16 am

古怪方法紀念阿爺 逐件工具畫出 預計用4年時間

懷念一個人有好多種方法,外國呢位畫功唔錯嘅Lee John Phillips,就決定將離開咗20年嘅爺爺工作室入面嘅工具逐一畫落嚟留念。最恐佈係佢將每一件物品,細至每一口釘、每一個燈掣,都逐一畫低,而家已經畫咗接近4千件物品,但係工作室有超過10萬件物品,估計要用4-5年時間先可以逐一畫晒。有網民就話咁畫法人都癲,建議佢唔駛每一口釘都畫,可以改為每個種類畫一次,不過睇落佢應該好享受畫畫嘅過程,一粒都不能少。

Read more ›
【貓奴工具】日本貓飯團工具 啤出眼耳口鼻
by / on 26/06/2015 at 7:15 am

【貓奴工具】日本貓飯團工具 啤出眼耳口鼻

日本人總有辦法將啲好平凡嘅嘢變得好萌,例如呢個貓飯團就係好好嘅例子,只要放塊紫菜落去個貓樣夾入面,撳兩撳,就可以啤出貓眼、耳、口、鼻、貓鬚全套,直接貼上飯團表面,就係超可愛嘅貓咪飯團。至於嚿飯團,想傳神當然要有埋兩隻倒三角耳仔位啦,呢套工具有個容器可以塞嚿飯入去啤返貓形狀出嚟。全套工具喺amazon有得買,美金$16,各位貓奴有無興趣?

Read more ›
女士站立小便工具   三角膠片用完即棄
by / on 15/09/2014 at 7:22 am

女士站立小便工具 三角膠片用完即棄

女士坐低小便是常識,不過有人就發明咗一個硬膠片,等女士們可以好似男士咁企起身小便。名為Stand Up嘅三角形膠片,摺好之後就可以有漏斗作用,至於點解有咁嘅設計?設計公司話因為眼見公共廁所嘅廁板經常好污糟,如果女士都可以企起身小便,咁就可以衞生啲。另外,個Stand Up膠片仲可以摺平放喺手袋,用完即棄,咁以後女廁駛唔駛裝尿兜?

Read more ›
超平影相工具    5円銀仔變魚眼鏡
by / on 25/11/2013 at 7:52 am

超平影相工具 5円銀仔變魚眼鏡

一支蔡司鏡頭可以開價過萬,其實影相豐儉由人,好似創立Fotomo立體拍攝手法嘅日本攝影師系崎公朗,最近就試用日本嘅5円銀仔當鏡頭,造出類似魚眼鏡嘅效果。事先將一滴水加入5円,令水滴固定喺5円嘅窿仔,之後再加埋OLYMPUS嘅TG-2相機就影得。點解係TG2?佢話因為呢部機嘅微距拍攝功能夠強勁。照片所見,影出嚟嘅效果有啲似魚眼鏡,圈嘅外側鬆郁矇,都幾特別,最開心係5円就可以玩足一日,好抵。不過要留意太陽曬多兩曬,水滴蒸發就乜都無晒,要不時加水。

Read more ›
日本薯片工具    為食懶專用
by / on 22/11/2013 at 12:07 pm

日本薯片工具 為食懶專用

又係同食有關嘅報導,無計,星期五我個心已經飛咗去今晚打機煲劇食薯片嘅情節。呢個由日本公司EntreX設計嘅薯片工具,最啱食筒裝薯片。你同我都試過,越食越低,隻手要塞到最低拎薯片,唔夠爽之餘又會整污糟隻手甚至整爛塊薯片,如果隻手粗啲分分鐘抽唔返隻手出嚟。所以真心鍾意呢個小發明,可惜去日本都未見過有得買,希望品客考慮吓隨筒附送比我,我會支持佢食多幾筒。

Read more ›

帶Hello Kitty返屋企,一啲都唔容易。
by / on 21/05/2013 at 12:00 pm

免費手機新Game:帶Hello Kitty返屋企

「Chocolate mania hello kitty edition 2」色彩鮮艷,畫面萌到爆燈,Kitty迷千其唔好錯過,呢個遊戲都有一定難度架,要過關,除咗要有腦,仲要有少少運氣輔助。

Read more ›
個陣點擺好呢?手指唔靈活的話,諗到都未必擺到。
by / on 30/04/2013 at 2:00 pm

免費手機新Game:送禮物激死你

遊戲角色稱唔稱得上Animal,存疑,就算係Animal,亦唔覺得好Ugly,相反仲覺得幾Cutie添,「Ugly Animals」好好玩,既考你有無腦筋,又考你手指靈唔靈活,每過一關都要扭盡六壬,難玩架。

Read more ›
呢關好難過,成個迷宮咁,搞o左我好耐。
by / on 04/09/2012 at 2:00 pm

手機新Game:唔考反應純考智慧

「Furmins Free」,一個非常考智慧o既有趣遊戲,唔考反應,只考你腦筋,利用各種工具帶領Furmins返番去終點為之贏。

Read more ›