Post Tagged with: "崔成安"

崔成安《Q武俠英雄譜》開訂 送36張《少林三十六房》海報
by / on 20/08/2019 at 3:23 pm

崔成安《Q武俠英雄譜》開訂 送36張《少林三十六房》海報

有相睇喇,黃國興率先披露崔成安新畫集《Q武俠英雄譜》封面,一貫高水準,仲留言話:「訂購有驚喜。」驚喜就係但凡訂購畫集一本,即送《少林三十六房》海報一張,限送36張,送完即止。要搶架,手快有手慢無,大家識做喇。

Read more ›

網圖分享:劉萬梁師傅破世界紀錄 崔成安賀圖相贈
by / on 05/07/2019 at 10:00 am

網圖分享:劉萬梁師傅破世界紀錄 崔成安賀圖相贈

心心眼,又好葡萄,只有羨慕份兒,卻又有少少妒忌,點解雙節棍舞到出神入化嘅劉萬梁師傅,同畫壇大師崔成安可以咁Friend?Friend到成日有親筆畫相贈。話說2016年6月6日,劉萬梁師傅成功集齊優才(楊殷有娣)書院中學部嘅507位師生,一齊破咗全球最大型雙節棍課堂嘅世界紀錄。為此,崔成安專登作巨畫一幅以資紀念。幅畫好靚,成件事好有愛。

Read more ›
有片:超神似!崔成安畫Q版元華!
by / on 28/05/2019 at 8:19 pm

有片:超神似!崔成安畫Q版元華!

崔成安同元華係好朋友來的,好朋友到大家一聚頭就講手切磋,跟住仲畫埋肖像添。大師即係大師,畫畫呢家嘢真係好講天份,簡單幾筆,崔成安就畫出一個Q版元華,姿勢自然好神似,神髓出晒嚟。Click入嚟有片睇,睇完,我諗你都會講個服字。

Read more ›
崔成安新作《武俠英雄譜》 不日推出
by / on 11/05/2019 at 9:15 pm

崔成安新作《武俠英雄譜》 不日推出

Wow,瀏覽黃國興面書得知,崔成安將有新作《武俠英雄譜》面世喇,雖然暫時只得宣傳畫作睇,但個個Q版英雄都畫得咁鬼靚,已經引到我流晒口水。好心急,唔知幾時推出呢?書展檔期?動漫節檔期?拭目以待。

Read more ›
高質之作 崔成安武俠卡通系列
by / on 20/02/2019 at 6:30 pm

高質之作 崔成安武俠卡通系列

好鍾意瀏覽崔成安面書,事關佢老人家久唔久就有新作公諸同好,多產得嚟仲要水準奇高。呢期,佢畫緊個武俠卡通系列,唔係大堆頭塞爆畫面嘅巨幅,而係逐個武俠人物畫,暫時所見,中港台日乜年代乜角色都有,家陣已經畫到第50幅。畫嚟自娛?唔會啩,希望佢會印成Postcard公開發行喇,Must buy item是也。

Read more ›
香港雙節棍總會招會員 送崔成安賀年利是封
by / on 10/01/2019 at 10:30 am

香港雙節棍總會招會員 送崔成安賀年利是封

劉萬梁師傅嘅「香港雙節棍總會」2019年招收會員,無論新加入抑或舊續會,都會送崔成安賀年利是封兩包,每包有10個利是封。而成為會員之後呢,更可以每包$20購買。好靚呀個利是封,有人送畀我就好咯。

Read more ›

崔成安《延禧攻略》海報 一套五張$150
by / on 30/10/2018 at 10:15 pm

崔成安《延禧攻略》海報 一套五張$150

好好好好好消息!之前咪介紹過崔成安《延禧攻略》系列畫作嘅,原來會印成海報公開分售,A3 Size,一套五張,售$150。嘩,每張只不過$30,抵到爛,好難唔買。

Read more ›
網圖分享:崔成安的《延禧攻略》系列畫
by / on 24/10/2018 at 9:00 pm

網圖分享:崔成安的《延禧攻略》系列畫

睇嚟崔成安都應該好鍾意睇《延禧攻略》,套劇都完咗咁耐,佢仲畫緊劇中角色,仲一畫就四幅添。乾隆、魏瓔珞、富察皇后同埋我最愛嘅明玉,個個都畫得形神俱似,崔手安手畫真係無得彈,又係要畀掌聲。

Read more ›
上香港雙節棍總會打卡 送崔成安漫畫手機環
by / on 16/10/2018 at 9:45 pm

上香港雙節棍總會打卡 送崔成安漫畫手機環

正呀喂,又係送禮呀,劉萬梁師傅為推廣雙節棍運動,決定送崔成安繪畫嘅漫畫手機環一個。咁著數?就係咁著數,係,擺明係吸引你上去「香港雙節棍總會」Look一Look。先讚好網頁,再上總會打個卡即送,名額50個,收到未?

Read more ›
網圖分享:我愛明玉 來看崔成安的《延禧攻略》畫作
by / on 05/10/2018 at 6:18 pm

網圖分享:我愛明玉 來看崔成安的《延禧攻略》畫作

個個都煲《延禧攻略》,唔通個個都識得畫《延禧攻略》咩,除咗崔成安。佢喺面書登咗幅大作,話用咗意大利畫家莫蘭迪的用色風格。甚麼莫蘭迪風格,我才疏學淺,唔識,但畫到全劇裡面我最愛嘅明玉咁靚女,我就覺得goodest嘞。無錯,魏瓔珞都係靚女,但唔知點解,我都係覺得喺劇裡面用鉸剪自盡嘅明玉索好多。

Read more ›
Fans要搶! 崔成安《書畫集》超限量20本!
by / on 09/08/2018 at 5:31 pm

Fans要搶! 崔成安《書畫集》超限量20本!

呢次真係超限量,全人手製作嘅崔成安《書畫集》依家開訂,「123漫畫精品專門店」有售,分兩個版本,標準版一書、兩海報、一親筆畫手稿,售$1000;袖珍版一書、兩海報、一親筆畫手稿,售$880,各限量10套咁大把。唔廢話,好嘢,真係要搶架。

Read more ›

買崔成安《雙節棍連環圖譜》 送限量版雙節棍
by / on 07/08/2018 at 9:20 pm

買崔成安《雙節棍連環圖譜》 送限量版雙節棍

買書送雙節棍,呢份贈品都算大手筆咯。即日起,喺指定書店購買崔成安《雙節棍連環圖譜》,憑有效發票即送棍道八言雙節棍限量版一支,每支價值$150,數量有限,有買趁手。信我,呢本圖譜絕對係好嘢,值得入手。

Read more ›
網圖分享:崔成安翻新十幅舊畫 大師級傑作
by / on 10/06/2018 at 7:00 pm

網圖分享:崔成安翻新十幅舊畫 大師級傑作

真係靚到犯規,崔成安最近整理咗十幅舊畫,重新喺面書發佈,字靚,畫靚,構圖靚,幅幅都堪稱Masterpiece,何只做Wallpaper唔失禮,印製成海報甚至做書封面都咁賞心閱目。好強,服到五體投地,一拜。

Read more ›
合一雙節棍真身曝光 棍身有15個崔成安墨寶
by / on 24/03/2018 at 3:00 pm

合一雙節棍真身曝光 棍身有15個崔成安墨寶

之前報導過崔成安《俠義龍情》畫展開展日,現場會出售合一雙節棍,家陣實物有相睇嘞,黑色主調色,反光立立令,上有15個崔成安墨寶書法雙節棍連環招式,兩節棍身中間有磁石,可以合二為一。售$350,限量50副,送擺設架一個。老實講一啲都唔貴,就算唔真玩,買番屋企看門口都型到震。

Read more ›
崔成安《俠義龍情》畫集開訂 每本$250
by / on 20/03/2018 at 8:31 pm

崔成安《俠義龍情》畫集開訂 每本$250

合理吖,開得畫展又豈會無畫集?崔成安同畫展名《俠義龍情》畫集依家正式開訂。黃興豬報料,畫集會分「武俠世界」同「李小龍」兩部份,即係亦古亦今兩種風格,全書接近100頁,售$250,仲話係「崔成安老師目前最滿意的畫作」喎。家陣「123漫畫精品專門店」有得落訂,4月1日愚人節出書,唔知係咪限量,有買趁手穩陣。

Read more ›