fbpx

Tag: 崔成安

崔成安拍片Show大作 一次過畫金庸14小說

崔成安拍片Show大作 一次過畫金庸14小說

每次都有驚喜,崔成安又有大作推出了,今趟一次過畫晒金庸14套小說,「飛雪連天射白鹿,笑書神俠倚碧鴛」無一遺漏。佢開咗個Post,除咗14幅局部黑白照外,仲拍咗條短片,可以見到上色後呢幅大畫有幾震撼,配埋非常土炮但又異常啱Feel嘅BGM,加埋嗰幾下哈哈哈哈哈哈哈哈嘅狂笑聲,好正。

Read more ›

有得睇!崔成安巨幅《倚天屠龍記》上卷!

有得睇!崔成安巨幅《倚天屠龍記》上卷!

崔成安巨幅《倚天屠龍記》已經着色了,真係好靚。留意番,呢幅只不過係上卷,即係話好嘢陸續有路。And,今次佢喺面書Show畫,竟搞鬼地拍埋片,大家可以邊聽鄭少秋電視主題曲《倚天屠龍記》邊賞畫,咁當然唔係秋官本人唱喇,但唔知點解,音樂一響起,個Mood即時到……

Read more ›
網圖分享:崔成安30呎長《倚天屠龍記》

網圖分享:崔成安30呎長《倚天屠龍記》

崔成安又創作大幅30呎長畫了,今次畫嘅係武俠小說名著,從「武林至尊,寶刀屠龍」、「乾坤大挪移」、「殷素素」等字眼看見,不難估到畫緊《倚天屠龍記》。暫時只係初稿階段,但齋睇黑白構圖同線條運用已經好賞心悅目,他朝上埋色,肯定靚到啪啪聲。

Read more ›
我們熟識的中外女星 崔成安大畫《歲月女神》

我們熟識的中外女星 崔成安大畫《歲月女神》

崔成安又來露兩手了,今次都係畫大畫《歲月女神》,畫嘅係我們熟識的中外女明星。無睇錯的話,我見到林青霞、王祖賢、周慧敏、李嘉欣、慧雲李、莎朗史東、瑪麗蓮夢露、狄美摩亞等等。除鉛筆稿外有埋著色版睇,真心好正,好佩服佢手畫,要畀掌聲。

Read more ›
網圖分享:崔成安的《倩女幽魂》圖

網圖分享:崔成安的《倩女幽魂》圖

繼李小龍巨幅後,崔成安又開始創作另一大作,今次有請王祖賢同張國榮出場。無錯,就係畫《倩女幽魂》,家陣未係成稿已經靚成咁,上埋色肯定靚到爆,唔知今次Size如何呢?

Read more ›
李小龍1127冥壽 崔成安50呎長畫致敬

李小龍1127冥壽 崔成安50呎長畫致敬

識唔識唱呀?「有佢教曉我哋,唔係東亞病夫,黃皮膚都可以做番自己,唔要跟人哋抄人哋黐人地,中國人唔要睇死自己~」LMF首《1127》呀喂。1127係大日子,80年前嘅11月27日,李小龍誕生。崔成安出名係龍迷,作50呎長巨幅致敬之,拍埋片加埋聲效,好熱血呀喂,幅畫好正呀,如果印製成實體Poster的話,我諗大把人搶。

Read more ›

戴志良師傅《技擊解碼》 崔成安出手畫封面

戴志良師傅《技擊解碼》 崔成安出手畫封面

崔成安又獻墨寶,幫戴志良師傅新書《技擊解碼》畫封面。對照番戴師傅本尊真人,五官好似,肢體動作好型,確係一個構圖好靚嘅高水準之作來的,值得大大力畀掌聲。

Read more ›
網圖分享:崔成安再畫劉萬梁師傅耍雙節棍

網圖分享:崔成安再畫劉萬梁師傅耍雙節棍

唔係第一次的了,但次次都咁有驚喜,一老一少又擦出火花,劉萬梁師傅耍雙節棍,崔成安畫師傅耍雙節棍。對此還原度極高嘅作品,劉萬梁師傅喺面書公開致謝,並留言曰:「老師的功力,藝術角度大大提升了雙節棍美感魅力,使不可能動作都可以淋漓盡致呈現眼前,讓視覺更震撼,更讚嘆!」講得非常中肯,武學加美學,好Match。

Read more ›
崔成安《嫦娥奔月圖》海報+兩Q版畫$30 限量30套

崔成安《嫦娥奔月圖》海報+兩Q版畫$30 限量30套

Fans有福了,之前報導過崔成安畫咗幅《嫦娥奔月圖》賀中秋,最新消息係黃國興將之印製成實體A3海報,連同兩張Q版畫一次過售賣,套餐開心價$30。講明先,限量30套,想要,要去黃國興間「123漫畫精品專門店」搶。

Read more ›
網圖分享:崔成安《嫦娥奔月》

網圖分享:崔成安《嫦娥奔月》

  話說八月十五將至,崔成安以嫦娥奔月為題,作畫13幅賀中秋,並題字「但願人長久,千里共嬋娟」。佢先揀了其中有最有心水嘅6幅草稿公諸同好,再問讀者意見邊幅好。佢本身鍾意第六幅,但經讀者一致裁定第三幅最正,最後亦從善如流,一幅充滿古典美嘅《嫦娥奔月》就如此這般面世了。佢仲話:「其餘12張,報廢啦!」嘩,乜咁嘥呀?千其唔好丟呀,珍貴墨寶呀,不如搞個網上抽獎送畀Fans,當係中秒節禮物喇。

Read more ›
網圖分享:崔成安的自由木蘭

網圖分享:崔成安的自由木蘭

劉亦菲主演嗰套《花木蘭》上映無期,就算會正式公映,我亦無打算入戲院睇。要睇,我不如睇崔成安畫嘅自由花木蘭,畫中人靚好多吖嘛,心善則人美吖嘛。

Read more ›

網圖分享:崔成安畫《秦俑》

網圖分享:崔成安畫《秦俑》

第三彈了,又係穿越劇,崔成安今次畫嘅係大卡士大製作《秦俑》。屈指一算,已經係30年前舊電影了,鞏俐呀,張藝謀領銜主演嗰套呀,主題曲係《焚身以火》呀,記得未呀?Click入嚟睇睇,之前介紹過嘅第一And第二彈《九五至尊》同《尋秦記》,有埋著色版睇。

Read more ›
網圖分享:崔成安畫《尋秦記》

網圖分享:崔成安畫《尋秦記》

喂?我見到古天樂、雪兒、宣萱同埋江華,畫得好似呀。如無估錯,崔成安今次應該係畫另一套時空穿越劇《尋秦記》。期待上埋色,肯定更精采,畀掌聲Please。

Read more ›
超高質畫作 崔成安贈畫邵美琪

超高質畫作 崔成安贈畫邵美琪

很羨慕邵美琪,原來佢同崔成安係好好好好好朋友,好朋友到崔成安私贈靚畫三幅。三幅畫,一畫嫵媚女人味,一畫古代女俠風,一畫PTU制服剛陽氣,好靚。

Read more ›
崔成安賀劉萬梁遷館 賜《雙節棍道》賀圖

崔成安賀劉萬梁遷館 賜《雙節棍道》賀圖

劉萬梁師傅與崔成安係一少一老好朋友,前者嘅香港雙節棍總會遷址,後者作此畫《雙節棍道》賀之。畫作構圖與用色一貫的靚,正中央係劉萬梁師傅擺型Pose,側邊圍住大班小朋友,主旨講雙節棍道之八大元素──知禮、感恩、專注、堅持、自信、自律、擔當同分享。查實,呢個唔只係雙節棍道,直頭係做人大道理,做得好呢八瓣,人都唔壞得去邊。

Read more ›