【似長澤正美?】日本國際小姐代表出爐 網民狂負皮

日本好多唔同類型嘅選美,其中一個係女大學生選舉,今年選出21歲女大學生「山形純菜」,有人話佢有啲似藝人長澤正美,早兩日舉行嘅「2016國際小姐日本代表選拔賽」,佢仲勝出成為代表日本出國選美嘅冠軍。不過網民對由佢代表日本參賽似乎唔多贊成,有人留言批評佢:「額頭好古怪」、「對眼係咪整過容?」、「覺唔覺佢個鼻有違和感?」唔止個樣,連對腳都被評古怪,似乎彈到體無完膚,有網友放返2014年好經典嘅日本國際小姐日本代表「本鄉李來」出嚟,牛眼大面,睇返今年嘅山形純菜,其實已經正常得多,再睇埋佢IG (@junnpii)嘅其他相,老實,又唔係咁差嘅。

Read more ›