《古惑仔》立花正仁正式復出 同雷霆有仇?

影埋相,先表明我有真金白銀撐牛佬先。喺我心目中,今期第1872期《古惑仔》係個里程碑,因為正式宣佈立花正仁翻生復出,劇情則講到雷霆俾東英四虎扑濕,受傷休息發夢,夢見立花正仁追殺自己,嚇到扎醒。睇個勢,牛佬好似設定佢同雷霆一早有仇咁,但初初佢哋兩個喺富士山偶遇,好似好有偈傾咁噃,究竟乜葫蘆賣乜嘢藥呢?而雷霆力溝山下詩織,即係等同辣著甘尚武,亦即係等同向成個洪興挑戰。大抵,之前佈下嘅伏線開始收番埋一齊嘞,尚欠下期一條──陳浩南遇立花正仁,唔知浩南哥會唔會誤會佢係山下忠秀呢?

Read more ›