Post Tagged with: "尤達大師"

【有片】日本黑貓超似尤達大師 瞓晏覺露肚腩IG大人氣
by / on 12/07/2019 at 7:14 am

【有片】日本黑貓超似尤達大師 瞓晏覺露肚腩IG大人氣

黑貓好可愛,好開心見到越嚟越多人養黑貓。日本有網民最近分享咗佢隻黑貓嘅瞓覺片,四腳朝天肚腩向上超可愛,對耳仔仲向下垂,超似Star Wars嘅尤達大師!入嚟有多啲佢嘅片睇,佢同幾隻貓一齊生活緊,貓仔細細嘅佢喺呢套貓之中好搶眼,難怪個個都咁鍾意佢。

Read more ›

【破風圖】神級單車手GPS繪圖 「踩」出黑武士/尤達大師
by / on 18/02/2016 at 7:11 am

【破風圖】神級單車手GPS繪圖 「踩」出黑武士/尤達大師

首先每日平均踩70公里單車已經好誇張,呢位英國破風高手Stephen Lund唔止踩70公里,仲用手機App「Strava」嘅GPS路線功能嚟畫圖。佢嘅完成品包括黑武士、尤達大師、長頸鹿、恐龍等,過去一年就成功畫咗70張圖,最長嘅路線係畫美人魚,踩足220公里,堅!佢話最難係條路要連到一條線,所以要事先設計好路線。睇落幾好玩,有無人想試?

Read more ›
食得落肚嘅尤達大師 超像真蛋糕
by / on 31/12/2015 at 7:00 pm

食得落肚嘅尤達大師 超像真蛋糕

《Star Wars》已經成為全人類生活一部份,為響應由世界各地40個蛋糕師發起嘅「Star Wars: The Bakers Strike Back」活動,北威爾斯蛋糕師Vicki Smith花20小時製作超像真尤達大師蛋糕。有幾像真?唔講係Cake,霎眼望仲以為係Figure!蛋糕主要成份係朱古力,披風紋理用薯仔磨皮器嘅手柄壓製而成,頭髮用糖絲製造,眼睛用食用蛋漿慢慢一筆筆油上去,除咗激光劍之外,所有部份都可以真正啪入肚。不過做到咁靚,我估好多人都會相機食先,甚至唔捨得食。

Read more ›
尤達大師好靚仔     日本網民P圖網友狂RT
by / on 26/12/2015 at 12:17 pm

尤達大師好靚仔 日本網民P圖網友狂RT

而家啲P圖工具有幾強?有日本網民搵咗星戰嘅尤達大師做示範,P完圖無晒皺紋皮光肉滑,好似後生咗480年咁,呢個時候嘅佢應該未做絕地武士,原力應該好弱。張圖放上網唔夠15小時已經有過15000個RT,可能大家都未見過後生版尤達,特別好奇。BTW,仲有邊個星戰人物你想幫佢美圖秀秀?我想睇Chewbacca。

Read more ›
星戰出condom 尤達大師:「Do or Do Not. There is no Try.」
by / on 18/12/2015 at 7:12 am

星戰出condom 尤達大師:「Do or Do Not. There is no Try.」

之前有人出過Star Wars嘅condom,不過都係概念圖,今次唔同,呢兩款星戰condom真係有得買,外國網站Graphic Armor專幫人訂造condom,可以印唔同圖案、文字,今次呢兩款用咗黑武士同尤達大師,最正都係句slogan,黑武士係「I will not be your father」,尤達就係「Do or do not. There is no try.」星戰fans一定識得笑。難怪撳入佢嘅網站已經死咗,唔通太多人湧住去買?至於用咗其實會唔會睇到句句子?唔,May The Force Be With You。

Read more ›
網圖分享:中國畫x《Star Wars》 迪嘉《中式沙鍋》超頂癮
by / on 12/12/2015 at 5:45 pm

網圖分享:中國畫x《Star Wars》 迪嘉《中式沙鍋》超頂癮

是日分享本土藝術家迪嘉「中式沙鍋」系列畫作,英文叫「Chinese star pot」,玩諧音食《Star Wars》熱,屬中國畫筆風,構圖裡面有激光劍、白兵、黑武士、R2D2、尤達大師、BB8等等《Star Wars》元素,配埋「招財進寶」、「好事成雙」、「學業進步」、「貨如輪轉」等揮春式祝福語,相當老嚟,最重要係Made in Hong Kong,支持本土創作,抵讚。值得Save起佢,整個Collage當Wallpaper用,正。

Read more ›

《Star Wars》TOMY車仔一套五款       尤達大師目露兇光
by / on 30/05/2015 at 12:16 pm

《Star Wars》TOMY車仔一套五款 尤達大師目露兇光

TOMY車仔好多人鍾意儲,今次呢套《Star Wars》一式五款應該都好難忍得到手。有齊黑武士、白兵、尤達大師、R2-D2、C-3PO,仲專登將車頭整成佢哋嗰樣,最搞笑都係尤達大師,成個車頭蓋都係佢個樣,對耳就係倒後鏡,仲目露兇光。官方暫定7月18日開賣,每款918円。

Read more ›
佛法無邊     C-3PO黑武士變大肚佛
by / on 11/01/2015 at 1:19 pm

佛法無邊 C-3PO黑武士變大肚佛

大肚佛,又叫做彌勒佛,即係成日笑口常開,好大方露出個圓咕碌肚腩嗰位佛祖。估唔倒外國都有捧場客,用咗佢嘅大肚腩做招牌,不過就改頭換面變晒Star Wars角色,連Batman、Iron Man都有份玩。識揀嘅,一定係揀佛法無邊嘅金色款,當中又以C-3PO最啱feel。上外國網Etsy嘅muckychris店舖就會見倒大量大肚佛,仲有三個呎吋任揀,價錢由美金$8至$28不等,拎埋去師傅度開光就啱晒數。

Read more ›
超巨型尤達大師嚇死人     熱氣球節玩升天
by / on 19/10/2014 at 12:23 pm

超巨型尤達大師嚇死人 熱氣球節玩升天

2014國際熱氣球節,我都係第一次聽,原來會有咁巨型嘅尤達大師熱氣球,近距離見倒都咪話唔驚。我仲見倒好大個黑武士頭,一樣霸氣。呢個熱氣球展喺美國新墨西哥州人口最多嘅城市阿布奎基舉行,每年都係10月頭舉行,今年喺10月4日至12日舉行,數以千計嘅熱氣球一齊升上天,好震憾。夜晚仲有煙花睇,下年10月唔知去邊度旅行可以考慮吓佢。

Read more ›
星戰睡房   尤達大師名句貼上牆
by / on 25/09/2013 at 7:42 am

星戰睡房 尤達大師名句貼上牆

前幾日報導過孖寶兄弟睡房,啱啱又睇倒星戰睡房,睇嚟為人父母嘅,都好鐘意將自己細過達成唔倒嘅心願,放喺仔囡嘅睡房入面。呢間睡房唔算好誇張,床舖地毯少不了,我最欣賞係牆上貼埋尤達大師嘅金句,仲加多兩支激光劍,得閒可以同仔仔喺房格吓劍,好溫馨呀!

Read more ›
新片速報   日本騎呢廣告大集合Part 2   七分鐘無悶場
by / on 16/09/2013 at 7:24 am

新片速報 日本騎呢廣告大集合Part 2 七分鐘無悶場

上次報導過嘅騎呢日本廣告大集合,喺YouTube好受歡迎,閒閒哋已經三百幾萬views,再接再勵,今次佢哋再推出第二集,廣告新好多,有熟口熟面嘅木村、上戶彩、同埋‥‥‥尤達大師。講騎呢唔夠上集勁,不過七分鐘都好充實,星期一返工悶悶哋睇啱晒。

Read more ›

星戰推出官方寵物系列   尤達大師Leia公主超得意
by / on 06/09/2013 at 7:42 am

星戰推出官方寵物系列 尤達大師Leia公主超得意

Star Wars系列睡衣、裕袍、cosplay衫,數得出可以著上身嘅都出過,不過寵物系列就好少見,今年初官方宣佈會同Petco合作推出寵物系列,反應好熱列,而家終於有得賣喇!個人認為尤達狗狗服同埋黑武士坐墊床必買,唔只狗仔有得加入星戰行列,貓仔都有得玩,Leia公主頭飾超搞笑,仲有極大量細細隻嘅玩具,價錢由港幣$40 – $150不等,身為星戰迷嘅貓主狗主真係好難忍手。

Read more ›
固力果乘Star Wars    激光劍變百力滋
by / on 17/07/2013 at 7:58 am

固力果乘Star Wars 激光劍變百力滋

老實講,呢個固力果X Star Wars百力支,包裝真係麻麻,不過我鐘意佢嘅概念,唔單止因為激光劍同百力滋本身有啲似,而係每條百力滋都有獨立包裝,每將一條百力滋抽出時,我都好似感覺倒有股氣都埋有滋滋聲,有網友拍埋短片,睇到我忍唔住笑咗出嚟。每盒有六條獨立包裝嘅百力滋,包括士多啤梨味、抺茶味同埋巨峰提味各兩支,而家開始有得買,另外今個月仲出咗朱古力味嘅黑武士百力滋、尤達大師咖哩汁等等,去開日本記住掃幾包返嚟做手信。

Read more ›
Star Wars浴袍系列 屋企Cosplay尤達R2-D2
by / on 01/01/2013 at 4:11 pm

Star Wars浴袍系列 屋企Cosplay尤達R2-D2

呢幾日凍到不似人形,晚上浸浴是常識吧!而浴袍就可以由浸完浴直至上床匿入被竇前都陪住你,極其重要!為大眾謀福利,我上網一口氣搵咗一系列Star Wars浴袍,由R2-D2、Bounty Hunter、Jedi、尤達大師、白兵、Chewbacca以至黑武士都有齊,仲有小朋友size!價錢成人size大約港幣600左右,小朋友就300蚊唔駛。比個貼士大家,我都有啲心動嘅啡毛暖笠笠Chewbacca已經極速斷貨,有興趣入手嘅星戰迷要快手!

Read more ›