Post Tagged with: "小海"

《古惑仔》送潮爆貼紙 賀伊文華唔使死
by / on 26/02/2018 at 4:41 pm

《古惑仔》送潮爆貼紙 賀伊文華唔使死

今期第2108期《古惑仔》封面,我覺得好型,南哥啖煙兼眼睥睥嘅表情,韓賓耷晒頭嘅肢體動作,好表達到韓賓呢個洪興龍頭對南哥「功高震主」嘅憂慮,內文韓賓同佐敦通話嘅幾段對白,亦非常精彩,睇嚟三聯離間計開始得逞。今期送「古惑仔父子」潮爆貼紙,我買嘅係雷霆同雷耀揚版,好Like;而更加Like嘅係,雖然俾小海打到仆街裂胸骨,但伊文華只需瞓床唔使死,算不幸中之大大大大大幸咯,我幾驚新年流流又死多件二代呀。

Read more ›

《古惑仔》送超靚素描年曆卡 伊文華過唔到狗年?
by / on 15/02/2018 at 7:50 pm

《古惑仔》送超靚素描年曆卡 伊文華過唔到狗年?

今期第2015及2016期孖寶號《古惑仔》送素描賀年卡,一如上期有陳浩南版同大飛版兩款選擇,又一如早幾日咁樓下報紙檔只得大飛版賣,奇怪。張大飛賀年卡真係畫得好靚,倫裕國手畫真係無得頂,不得不寫個服字!今期孖寶號,一次過睇兩期,感覺一氣呵成好多,尤其采妮趕南哥出門口又跪南哥嗰幾格,究竟求南哥啲乜呢?係咪已經Sure咗豹子健已經係游子健?之後又整多格南哥疑似功高蓋主唔放洪興龍頭韓賓在眼內,啲衝突位開始慢慢浮出嚟嘞,估計呢Part故事應該幾正!不過我驚嘅係,為咗製造高潮兼煲勁小海武值同頭腦,牛佬好似想整死伊文華咁款喎。唉,最好唔好喇,二代死吓一個死吓又一個,斷估好多讀者都會同我一樣,好傷心架。

Read more ›
有相有片《亞特蘭提斯》台灣靚女Umi 造型照直擊
by / on 18/11/2012 at 7:00 pm

有相有片《亞特蘭提斯》台灣靚女Umi 造型照直擊

好喇,揭盅喇,前兩日放工時段放嗰張靚女相,佢扮緊嘅就係香港Gameone(智傲集團)同中華網龍再度攜手合作、喺12月7日推出嘅電腦網上遊戲《亞特蘭提斯 – 帝國謎城》。呢隻年度MMORPG會由大隻佬黃德斌代言,今日下晝就同埋由台灣到港嘅靚女小海Umi影宣傳照,遊戲有幾好玩、黃德斌有幾大隻、靚女咩來頭就過兩日另文詳細再講,今日出咗啲唔重要但有份量嘅相同片先!嗱,睇佢套衫就知,呢隻game有幾咁史詩式啦!

Read more ›