fbpx

Post Tagged with: "小朋友"

【有片】夢工場老竇神級剪接 屋企變大海阿仔戰鯊魚
by / on 25/08/2015 at 9:30 am

【有片】夢工場老竇神級剪接 屋企變大海阿仔戰鯊魚

又係呢個YouTube頻道「Action Movie Kid」,之前都介紹過,就係一名喺夢工場(DreamWorks)做特技師嘅老竇Daniel Hashimoto,將好多拍阿仔嘅影片加入特效製作而成。今次小主角兩歲James原本安坐家中,但忽然感到危機將至,無幾耐屋企就變成大海,波濤洶湧間,仲有鯊魚跳出擘大血盤大口攻擊佢添,佢跳梳化左閃,打觔斗右避,兼要拯救衣籃裡面嘅小Baby,都拍得幾驚險架。

Read more ›

【有片】路不拾遺 日本小朋友抵讚
by / on 05/06/2015 at 9:00 am

【有片】路不拾遺 日本小朋友抵讚

大人世界充滿爾虞我詐、勾心鬥角,那及小朋友思想單純、知所為而為。際此香港昏亂時刻,鬥唔過奸險小人,惟有獨善其身教好我哋嘅下一代喇。呢條短片睇得我好開心,片中個個日本小朋友都好有教養,大人專登跌銀包,佢哋個個都路不拾遺,雖然性格各異,有小朋友會顯得不知所措,諗緊點出聲提醒大人好;有小朋友執番銀包畀大人,大人無理佢,佢又擺番喺地下,好搞笑;有小朋友考慮好耐,終於鼓起勇氣同大人講跌咗銀包;有小朋友就第一時間執起銀包畀番大人,甚至拍走銀包上面嘅灰塵添。人善良正直,連個樣都可愛啲嘅,希望我哋嘅下一代,都可以咁有教養喇。

Read more ›
憑記憶畫出世界地圖     11歲自閉症兒童神乎其技
by / on 08/04/2015 at 7:20 am

憑記憶畫出世界地圖 11歲自閉症兒童神乎其技

唔好話憑記憶畫出嚟,就算對住幅世界地圖照住畫,都未必畫到咁神似咁細緻。呢幅白板上嘅世界地圖呢幾日喺Reddit好多人談論,畫畫嘅係一位11歲嘅自閉症小朋友,佢喺課堂上單憑記憶畫咗呢幅地圖出嚟,同班嘅女同學影低咗,返到屋企比呀爸睇倒,呀爸覺得好神奇,於是放上Reddit公諸同好。睇完我只係想講一句,呢個小朋友應該係天才。

Read more ›
新片速報:五歲小朋友超強身手 霸氣晒腹肌
by / on 25/03/2015 at 1:00 pm

新片速報:五歲小朋友超強身手 霸氣晒腹肌

嘩!好Cute呀,Cute得嚟又好有霸氣呀!講緊嘅係呢位五歲小朋友,有理由相信十年後會喺奧運見到佢。正當香港班五歲小朋友跟出跟入都要大人睇住,呢個五歲小人仔就連打幾下後手翻、企上凳仔打後空翻、喺凳背玩雙手倒立俾你睇,最勁係玩埋凌空掌上壓,真係少啲手力都唔掂。身手好,仲要勁靚仔,加上表情多多,片尾仲要整多個巴洛迪利式晒腹肌Pose……完美,Perfect,我畀十分!

Read more ›
新片速報   第一次聽性知識   小朋友搞笑反應
by / on 09/01/2015 at 7:10 am

新片速報 第一次聽性知識 小朋友搞笑反應

細個睇電視一見倒有啲情慾場面,一家人都會靜晒,大家又會擰歪面唔係幾好意思,至於性教育嘛,駛鬼教o架咩,大大自己就識o架啦。咁外國人梗係開放啲,尤其是性教育方面,呢條叫「birds and the bees」嘅片,拍咗幾個家長向囝囡講解性知識嘅真實片段,睇片見啲小朋友第一次聽到時嘅反應超搞笑,有啲嚇到呆咗、有啲偷笑、有啲反白眼,連一向唔多鐘意小朋友嘅我都覺得佢哋幾得意。老實,我無詳細睇前半段嘅講解,直接飛去3:30睇小朋友反應,咁佢講嘅我都識嘛,係咪?

Read more ›
116萬人追蹤Instagram 5歲女揹LV用Chanel紅爆中東
by / on 23/11/2014 at 10:39 pm

116萬人追蹤Instagram 5歲女揹LV用Chanel紅爆中東

呢個小朋友,5歲,但Instagram有116萬個followers,每日有平均6萬個增長……facebook都有20幾萬個like。佢爸爸34歲係南韓人,阿媽係菲律賓人,就係因為佢阿媽將佢啲相放上網,先令佢越嚟越紅,而爆起嗰吓,就係佢拍咗條跳舞片喺中東紅咗,之後成家人仲坐商務去埋杜拜,從此過住奢華嘅生活,佢27歲嘅阿媽Jocelyn仲話同佢行商場時佢有時會問:「點解冇人叫我合照嘅?」成件事,我覺得好恐怖,呢位小朋友嘅童年已經完咗喇,呢個係咪錢可以衡量呢?

Read more ›

幼童與動物友情寫照    俄國農場超溫馨
by / on 19/01/2014 at 12:43 pm

幼童與動物友情寫照 俄國農場超溫馨

呢輯相質素好高,忍唔住要同大家分享。攝影師係Elena Shumilova,主角係佢兩個囝囝Yaroslav同埋Vanya,睇見兩個小朋友同動物、大自然嘅親密關係,香港小朋友一定好羨慕。呢兩位小朋友居住喺農場,所以由細到大可以同一班動物包括高過佢嘅狗狗、貓貓、兔仔等生活。輯相嘅背景係俄羅斯某個農場附近,原來戰鬥民族都有柔情嘅一面。

Read more ›
新片速報    腦癌兒童睇Beyonce演唱會超感人
by / on 28/12/2013 at 3:57 pm

新片速報 腦癌兒童睇Beyonce演唱會超感人

好感人!11歲患有腦癌嘅小朋友Taylon今個聖誕假期好難忘,因為佢去咗拉斯維加斯睇佢偶像Beyonce嘅巡迴演唱會,睇睇吓驚喜事發生,Beyonce突然從天而降喺佢身邊,仲同佢一齊合唱「Love on Top」,之後Beyonce再唱多首好有意義嘅《Survivor》(生還者)送比佢聽,鼓勵佢要努力對抗病魔,坐喺輪椅上嘅Taylon感動到喊唔停,我都睇到眼濕濕。影片放上網幾日已經過百萬點擊,好多人大讚負責籌備嘅慈善機構Make a Wish同埋Beyonce,抵讚!

Read more ›
免費手機新Apps:要小朋友聽話,靠嚇!
by / on 23/11/2013 at 4:23 pm

免費手機新Apps:要小朋友聽話,靠嚇!

好搞笑的一個Apps,專針對唔聽話嘅小朋友而設,如果小朋友扭計典地喊唔收聲,一於畀佢哋聽聽「魔鬼的來電」,保包佢哋即刻乖乖,做番個聽教聽話好孩子。

Read more ›
「100Cameras」慈善攝影計劃      蘇丹小朋友學影相
by / on 28/10/2013 at 7:06 am

「100Cameras」慈善攝影計劃 蘇丹小朋友學影相

影相對於你同我嚟講,可能只係開著部手機影張相放上網咁簡單,不過對於落後地方嘅小朋友嚟講,一部相機可以帶比佢哋歡樂,亦比佢哋由另一個角度認識世界。聽落好沉重,因為想介紹比大家嘅呢個「100Cameras」影相計劃好有意義,由08年開始,將100部相機借出比落後地區嘅小朋友,等大家可以透過相片,睇倒佢哋眼中嘅世界,所有相會放上網拍賣,籌倒嘅錢又會放返落呢個機構入面繼續營運。暫時已經去過南蘇丹、古巴、美國同埋印度,入嚟可以睇晒所有相片,仲可以click個掣買幾張相支持吓。

Read more ›
泰國拳賽實錄相集    6歲小朋友被迫參賽賺錢
by / on 12/10/2013 at 7:23 am

泰國拳賽實錄相集 6歲小朋友被迫參賽賺錢

我哋睇《激戰》睇得好過癮,見倒張家輝嗰六塊朱古力心都離埋。講打拳,點少得泰國?不過估唔倒泰國打拳比賽居然連6歲小朋友都唔放過。外國攝影師Sandra Hoyn旅居泰國,親眼目睹泰國多場拳場居然由細路仔參賽,有啲仲細到得6歲,睇住佢哋喺台上拳來拳往,攝影師忍唔住影低佢同大家分享,佢仲話好多小朋友係比父母強迫上台比賽,淪為父母嘅賺錢工具。對比起香港日日為子女仆心仆命排隊攞幼稚園報名表嘅父母,我覺得香港父母真係好偉大。

Read more ›

星期日悠閒靚早餐    網站過百食譜DIY
by / on 08/09/2013 at 11:32 am

星期日悠閒靚早餐 網站過百食譜DIY

星期日悠悠閒,你會選擇啪個出前一丁,定係喺廚房起個壇整個靚早餐?外國網站little nummies入面有大量靚到唔捨得放入肚嘅食物,全部擺到好似一幅畫咁精緻,因為靚媽Kellie Strickland有三個女,每日淨係諗煮乜嘢氹佢哋開心都諗到頭痕,於是開埋網站將作品公諸同好,有埋整法等大家跟住學,不過靚還靚,睇落應該唔多飽肚,唔知佢三個囡囡有無同感?

Read more ›
免費手機新Game:考你腦筋急轉彎
by / on 14/08/2013 at 1:16 pm

免費手機新Game:考你腦筋急轉彎

勁鍾意玩「IQ大挑战」呢類遊戲,因為問題著實抵死過癮,48條玩食字、玩諧音、考常識、考數學等等IQ題,有老正有明裝你彈弓,你又可以答啱幾多條?

Read more ›
兒童讀物「喪屍手冊」   從小教食腦
by / on 08/07/2013 at 9:13 am

兒童讀物「喪屍手冊」 從小教食腦

  電影《World War Z》眨吓眼落咗畫,但係我對喪屍嘅愛並無減退。呢本專為小朋友而設嘅喪屍圖書《A Brain is for Eating》,有實體版有電子版,最啱小朋友放暑假溫習。內容主要教喪屍小朋友點樣搵啖食,萬一真係有喪屍出現,人類小朋友好應該作好準備。而我呢,就諗住訂一本送比我鄰居,因為佢每日都好似喪屍咁行屍走肉,相信佢5歲嘅囡囡都好快步佢後塵變喪屍。

Read more ›
真人版《Toy Story》      世界各地小朋友玩具圖輯
by / on 17/03/2013 at 12:01 pm

真人版《Toy Story》 世界各地小朋友玩具圖輯

記唔記得自己擁有嘅第一件玩具係咩?我第一隻玩具係Barbies,仲同隔籬屋小朋友一隻玩,好懷念。意大利攝影師Gabriele Galimberti拍攝咗一輯真人版「Toy Stories」相集,包含世界各地小朋友同佢哋嘅玩具珍藏。透過相片,我哋睇倒富裕國家例如美國、意大利、甚至中國嘅小朋友,都擁有好多好多玩具。最令我感觸嘅,係東非國家肯亞嘅小朋友Tangawizi,佢只有1隻馬騮毛公仔玩具,不過我相信呢隻公仔比其他公仔更幸福,因為主人會特別愛錫佢,就好似電影《Toy Story》一樣。

Read more ›