Post Tagged with: "小朋友"

日本黑喵慘遇小朋友 全身變玩具枱坐定定任玩
by / on 19/01/2018 at 12:44 pm

日本黑喵慘遇小朋友 全身變玩具枱坐定定任玩

都話喵星人最大嘅敵人係小朋友,最近又有一個受害者嘞。呢隻日本黑喵坐喺屋企休息緊,不過就淪為小朋友嘅玩具枱,最終擺到成身都係嘢,由頭到尾,不過佢都好乖,全程坐定定,好叻呀!

Read more ›

【多片】日本神級小機迷 玩《GT 6》高手風範
by / on 06/01/2018 at 10:02 pm

【多片】日本神級小機迷 玩《GT 6》高手風範

越嚟越多女仔鍾意打機,不過就算玩賽車都係玩「孖車」多啫?唔係喎,呢位日本5歲小朋友,見佢仲係玩緊PS3,即係《Gran Turismo 6》啦,而且片中喺鈴鹿賽道揸得好好!睇番佢Twitter,原來佢平時仲有玩小型賽車,似乎未來可能係女車手喎!最後留意番,佢隻貓喺薄電視頂都瞓到,都係高手喎!

Read more ›
小朋友想養貓屋企人唔俾    貼大字報展示超強說服力
by / on 13/12/2017 at 7:40 am

小朋友想養貓屋企人唔俾 貼大字報展示超強說服力

唔少人細過都試過求爹哋媽咪俾我哋養寵物,不過去到呢個小朋友咁盡就比較少見嘞。呢位外國小朋友好想養貓但係爹哋唔比,但係佢無放棄,反而不停寫紙仔、畫公仔說服(其實係讉責)對方。內容包括「你令佢哋要喺個好細嘅盒入面乜都做唔到只可以喊」、「你殺害無辜嘅生命!」、「佢哋將會好孤獨咁死去,永遠都得唔到一個家,因為有啲人想佢哋死」,後加好多張自畫或者喺網上下載落嚟嘅貓圖貓相,每張都係喊緊嘅,睇完簡直覺得自己殺咗人咁,好內疚呀!啲相由佢家姐Danielle Grubisic‏放上網,之後喺Twitter熱傳。咁最後結果係點?入嚟睇吓最尾張相就知嘞。

Read more ›
【新片速報】高手在民間   日本超強小朋友自彈自唱
by / on 30/10/2017 at 7:28 am

【新片速報】高手在民間 日本超強小朋友自彈自唱

都話高手在民間,今次仲要係小朋友。呢段片最近喺Twitter好多人分享,片中嘅小朋友拎住結他自彈自唱,水準仲要好高,淨係聽聲會俾佢呃到以為係大人。好多網民都留言話等睇佢大個成為明日之星,入嚟有片睇。

Read more ›
日本網民改裝史萊姆 變小朋友專用背囊
by / on 02/10/2017 at 12:31 pm

日本網民改裝史萊姆 變小朋友專用背囊

史萊姆啲產品好可愛,其實好啱小朋友。之前嘅超大型咕臣同埋眼藥水都好受歡迎,最近有日本網民花咗少少心思,將個史萊姆袋改裝成小朋友專用背囊,仲搵咗自己屋企嘅小model做示範,出嚟嘅效果好可愛,網民喺Twitter狂RT,仲叫佢考慮量產化,如果成事的話應該好多人會買。

Read more ›
【地獄料理】日本小朋友「運動會便當」 獅子狗變雞仔
by / on 30/09/2017 at 12:02 pm

【地獄料理】日本小朋友「運動會便當」 獅子狗變雞仔

日本人好鍾意整便當,仲會自創啲得意圖案出嚟。最近有日本網民放咗呢款奇趣雞仔卷上Twitter,話係呀妹整俾細佬去學校運動會嘅便當。每粒獅子狗卷入面都塞咗兩粒枝豆,就好似一隻隻掙扎緊求救嘅雞仔。之後好多網民出圖回應,原來呢款獅子狗卷好受主婦歡迎,又原來除咗青豆之外仲可以放粟米,千變萬化。

Read more ›

小朋友雨衣戴起似condom   日本amazon有得買
by / on 13/09/2017 at 7:05 am

小朋友雨衣戴起似condom 日本amazon有得買

之前都有類似嘅產品,最近日本網民熱烈討論呢款小朋友雨衣,話著起好似去咗巴黎咁,應該係指頂帽好似紳士啩。之後有網民話其實有大人裝,可以親子裝咁出街,然後有人搵咗大量相似圖,有condom亦有其他搞笑嘢,入嚟有回帶。想買嘅都有條amazon嘅link,不過我估淘寶都有。

Read more ›
日本5歲小朋友 第一次見卡式帶想插USB
by / on 06/09/2017 at 7:22 am

日本5歲小朋友 第一次見卡式帶想插USB

都好正常嘅,21世紀嘅小朋友,對於乜嘢係cassette帶甚至CD或者DVD都應該完全無概念嘞。日本有位媽媽拎咗餅cassette帶出嚟,點知5歲嘅囡囡好自然就拎上耳仔以為可以講電話,又試圖想插個USB頭落去,「喂喂?無聲嘅,快啲叉電啦!」不過就算呢部真係電話,佢好快都會放低,因為都無得睇YouTube。

Read more ›
【有片】日本5歲小朋友開網店     摺紙/畫作「天價」賣9億円
by / on 02/09/2017 at 12:06 pm

【有片】日本5歲小朋友開網店 摺紙/畫作「天價」賣9億円

5歲就可以做網店店主,呢位日本嘅小朋友嚇親好多大人,特別係定價方面。佢嘅屋企人幫佢整咗個美術館網站,入面放咗佢嘅摺紙、畫作,而定價就由小朋友自已決定,於是你會見到9萬円嘅恐龍摺紙、9億7萬円嘅畫作,連佢媽咪都覺得有啲唔好意思,所以過億円嘅作品都會寫明「不發售」。而入面有幾款幾百円嘅摺紙都已經「售罄」,估計客人包括店主嘅家人同親戚‥‥‥

Read more ›
9歲小朋友去信NASA應徵太空職位     信件Twitter熱傳
by / on 08/08/2017 at 7:26 am

9歲小朋友去信NASA應徵太空職位 信件Twitter熱傳

細個有無想過做太空人?外國有位9歲嘅小朋友Jack Davis好鍾意睇同太空或者外星人有關嘅電影,仲夢想加入NASA美國太空總署,最近佢寫信去應徵Planetary Protection Officer呢個職位,下款仲話自己係「Guardian of the Galaxy」。封信俾佢嘅親友放上網之後而家熱傳緊。之後NASA嘅Director回覆佢,話呢個職位要保護地球好重要,叫呢位小朋友要俾心機讀書,將來希望喺NASA見到佢,好勵志!入嚟有足本版慢慢睇

Read more ›
【新片速報】日本小朋友大開殺戒     開槍狂轟布甸狗
by / on 07/08/2017 at 7:03 am

【新片速報】日本小朋友大開殺戒 開槍狂轟布甸狗

究竟布甸狗做錯咗啲乜嘢要受到咁大嘅懲罰?日本有小朋友揸住支巨型兵器,然後集中火力攻擊布甸狗,期間仲發出幻彩光,睇佢連環開火,似乎一定要殺布甸狗滅口,之後仲近距離開槍,究竟布甸狗知道咗佢乜嘢衰嘢?係咪偷食咗雪櫃筒雪糕?

Read more ›

【連環圖】小朋友/狗狗排排企 好奇心爆棚Twitter熱傳
by / on 13/07/2017 at 7:11 am

【連環圖】小朋友/狗狗排排企 好奇心爆棚Twitter熱傳

小朋友同狗狗有咩共同點?就係好奇心爆棚嘞。最近有日本網民分享咗呢幾張連環圖,最先有兩隻狗狗企晒起身裝吓裝吓,後面個小朋友見到又唔蝕底想睇吓發生咩事,最後三個齊齊企喺度,個小朋友身高仲矮過兩隻狗狗,好可愛,難怪喺日本Twitter有超過13萬個分享。之後發現原來呢家係韓國人,個小妹妹平時同狗狗相處好和睦,入嚟有多啲相睇,仲可以follow埋佢哋IG。

Read more ›
【圖集】日本恐怖遊樂園設施 小朋友見到實喊
by / on 10/07/2017 at 7:57 am

【圖集】日本恐怖遊樂園設施 小朋友見到實喊

有無試過夜晚經過遊樂場,見到入面嘅設施覺得有啲恐怖?日本攝影師Kito Fujio呢輯相「公園遊具記錄」好有驚嚇效果,佢夜媽媽走去唔同嘅日本公園影啲設施,之後再P吓圖tune吓啲光暗,出嚟嘅效果小朋友見到都會喊。

Read more ›
【驚嚇特集】獨留小朋友在家慘烈後果 睇見都驚唔好亂試
by / on 03/07/2017 at 7:57 am

【驚嚇特集】獨留小朋友在家慘烈後果 睇見都驚唔好亂試

成日話唔好將小朋友獨留家中,如果唔理會點?外國網站做咗個合集,睇相都覺得驚嚇。一地都係嘅泡泡浴、油漆,再唔係就係成身食物或者用忌廉搽身,好瘋狂。唔止間屋出事,連屋企隻狗都搞到成身油,睇完應該無人再敢獨留小朋友喺屋企。

Read more ›
【有片】Twitter熱傳  小朋友踩車出馬路  阿媽大巴扯應聲倒地
by / on 30/06/2017 at 7:45 am

【有片】Twitter熱傳 小朋友踩車出馬路 阿媽大巴扯應聲倒地

就算出名謹慎嘅日本都係咁話,最近有日本網民放咗段片上Twitter,揸揸吓車突然有個o靚仔踩住架單車橫過路面,好彩司機煞得切掣,場面勁驚險,之後阿媽衝出嚟道歉同埋一巴摑落個囝囝度,阿囝應聲倒地……嘩!都幾重手,不過應該冇俾車撞咁傷啩!

Read more ›