Tag: 小島秀夫

小島神出攬枕 外國fans攬住好high

小島秀夫大把fans,我都係,但只限於想玩佢嘅遊戲,亦都想買佢遊戲入面嘅精品,最多想攞埋佢簽名同合照啫,攬枕……外國大把fans要喎!當然冇版權,但呢個小島神攬枕就喺好多活動中有得賣,好似底特律嘅J-POP活動「Youmacon 2015」咁,仲有女fans買咗之後帶小島秀夫去食薯條……29.99美元,可遇不可求。

Read more ›

【小島怡情】繼續遊山玩水 小島秀夫走訪《Infamous》遊戲廠

早兩日報道過,開咗新公司KOJIMA PRODUCTIONS Producer嘅小島秀夫同PS4嘅Lead Architect Mark Cerny,去咗參觀幫《The Last of Us》、《The Order 1886》呢啲遊戲做Motion Capturer嘅地方;咁話會一齊10日,梗係仲有好多景點啦?小島個Twitter就見到佢去咗《Infamous》嘅Sucker Punch Productions,仲有製作過《Resistance: Retribution》、《Uncharted: Fight for Fortune》呢啲遊戲嘅SCE Bend Studio……吖但係呢個Trip唔見新川洋司喎。

Read more ›

【放心】新川洋司齊脫K?小島秀夫Twitter以圖答fans

今日最大件事,都係小島秀夫正式離開Konami,自己搞Kojima Productions,而且仲同PlayStation出新片,話第一隻遊戲會係PS4獨佔!咁好多fans包括我都好關心佢嘅好拍檔、美術總監新川洋司係咪齊齊脫K?小島都應該俾好多人留言問,於是佢出圖嚟答大家!另外,新公司官網都開咗張,可以入去撐吓。同埋小島個Twitter好多人出圖,有人仲幫佢整咗個新嘅有鬚頭像,亦有人已經用咗佢個標誌做Wallpaper!

Read more ›

小島正式離開Konami 10月9日已舉行farewell party

「小島秀夫」將會離開Konami已經報道咗好耐,本來之前消息話係12月,不過,外國傳媒就收到消息,原來佢已經喺10月9日正式撒離Konami嘅東京總部,而且仲搞咗個farewell party。不過,據講當日方丈……即係社長「Hideki Hayakawa」或者C.E.O.「Sadaaki Kaneyoshi」都完全冇出現,貫徹小家作風(定冇邀請佢哋?)。講多少少,小島喺1986年加入K社,嚟到差唔多30年呢個時候終於離開,希望佢快啲自組公司開發新Game啦,無論係咩遊戲,我相信機迷都必定撐場!好喇,我又諗起一段片,今次唔係鐵甲飛拳,而係「what took you so long?」閃啦! 【更新】Konami官方話小島仲係K社員工,而小島開發團隊現正休假當中……

Read more ›

小島神解構 最後《Metal Gear Solid V》血腥海報背後意義

上個星期,小島秀夫喺Twitter公開咗呢張血腥嘅《Metal Gear Solid V: The Phantom Pain》海報,原來腥處未算腥,佢講話張海報係想表達「伝説の英雄」今次會跌入地獄(Outher Heaven),佢想用視覺而唔靠文字去表達呢種感覺,不過呢張血腥海報早幾個月就被拒絕採用,因為太恐怖咁話。之後佢仲講,話《MGS1》就係講殘留嘅核威脅同遺傳學問題,《MGS2》就係講遺傳學文化,《MGS3》就係冷戰時代,《MGS4》係無人機、PMF嘅戰爭,到《PW》就係和平另一面嘅抑止力,到《MGS5》,就係描述復仇帶嚟嘅連鎖效應。 其實講番起,呢隻都幾乎肯定係小島負責嘅最後一隻Metal Gear,9月1日一定撐埋佢之餘,真係有啲唔捨得……始終,落入其他人手中嘅蛇叔,已經唔係我哋由後生睇到老嘅蛇叔同埋Big Boss喇。

Read more ›

【狂賀】小島秀夫夥拍「Guillermo del Toro」 開發非《Silent Hills》新計劃

係非《Silent Hills》,因為版權屬Konami,K廠都講明呢個計劃已經完咗,即係唔會有遊戲出。所以離開咗嘅小島秀夫當然唔可以用呢個牌頭。不過咁,之前隻「P.T.」正成咁,仲同《Pacific Rim》導演Guillermo del Toro合作,fans都極級期待,如果你都係,咁有好消息喇!因為Guillermo del Toro接受IGN訪問時講,佢同小島秀夫有新計劃進行緊,雖然只係初步階段,都夠我日日J喇。不過記得要預埋《Walking Dead》箭佬Norman Reedus呀!K廠拜拜!

Read more ›

「DD」都有份出「Play Arts改」 小島秀夫Twitter出相

  《Metal Gear Solid V: The Phantom Pain》將會繼續出好多「Play Arts改」,Quiet、蛇叔之外,原來連呢隻「DD the wolf」都有!呢隻Big Boss嘅好朋友,會喺9月2日推出嘅遊戲中同Big Boss齊齊出任務,傷咗隻眼,同收養佢嘅蛇叔一樣會戴眼罩,唔知佢識唔識用紙箱……

Read more ›

【小島有份!?】《Goat Simulator》遊戲credits 現「小島秀夫」名字

小島秀夫同埋佢工作室個名,喺《Metal Gear Solid V》遊戲嘅封面、網頁中移除,方仗真係好小氣。不過唔緊要,大把人爭住同佢打關係,好似噚日(7日)推出「GoatZ」喪屍羊DLC嘅遊戲《Goat Simulator》咁。Coffee Stain Studios喺官方facebook放咗張相,就係見到遊戲credits中「Extra Special Thanks」加咗「小島秀夫」呢個名,仲要寫句:「We heard that Hideo Kojima was removed from the credits for Metal Gear Solid 5 so we added him to the credits for Goat Simulator. You’re always welcome to work with us Kojima.」型!到底,小島係咪有份?或者將會有份?

Read more ›

真正最後《Metal Gear》 小島秀夫年尾將離開Konami!?

應該係話,如果呢個消息屬實,《Metal Gear Solid 5: The Phantom Pain》應該真係由小島秀夫負責嘅最後一集《Metal Gear Solid》。日本網民發現咗到幾件事,首先,小島工作室嘅Twitter叫人想知新情報就要留意番Metal Gear公式Twitter,另外亦發現MGS官網上面已經刪去「小島工作室」等標誌,另外,Konami製作人員名單都冇咗小島監督。外國方面,Gamespot就話有內部知情者透露,小島秀夫同小島工作室部份高層都會喺今年12月約滿離開……睇個勢,今次堅堅哋,如果小島真係離開Konami,咁就係時候真正著手開發全新遊戲喇。不過對於fans嚟講,係好事定壞事?仲有隻《P.T.》喎!

Read more ›

新片速報 小島秀夫 X 《Silent Hills》X《The Walking Dead》箭佬 黃金組合

嗚呀!今次真係要嗌!小島秀夫監製嘅《Silent Hills》,將會有埋《Pacific Rim》嘅導演Guillermo del Toro聯手製作,加埋《The Walking Dead》箭佬Norman Reedus做男主角!睇完呢段預告(P.T.遊戲之後嘅Bonus影像),未跟開SH嘅玩家,但只要係小島或者Walking Dead fans,應該都會有興趣玩啦!PSN已經有得下載互動式預告,但就冇講係咪PS獨佔。

Read more ›

小島秀夫Twitter再發功 Remote Play玩《MGS V: Ground Zeroes》

小島神又嚟,繼兩張用PS4玩Metal Gear之後,再用埋PS Vita Remote Play《MGS V: Ground Zeroes》!佢仲大讚話畫面好靚,而且可以帶出街玩!遊戲3月18日推出,有機真係要買PS4版,見到佢用PS Vita玩的確係好正!

Read more ›

紐約PS4活動 小島最愛攬Cushion

香港時間噚晚,PS4喺美國紐約有個開售前發佈會,最勁係小島秀夫都會出場。外國網站放咗一啲現場相出嚟,當中每張梳化上都有一個PS Cushion,而呢個Cushion,連小島神都好鍾意,仲攬住嚟影相,送個俾你,整隻獨佔遊戲嚟吖?

Read more ›

小島秀夫親身上陣 即將現身《Metal Gear Solid V》!?

小鳥神真係好鍾意玩嘢俾fans估,最近佢就喺自己個Twitter度上載咗幾張著住Motion Capture衫嘅相片,仲留咗幾句言:「Why the hell? What am I going to do? CQC?」CQC即係「close quarters combat」,《Metal Gear Solid》內蛇叔摶擊技,唔通佢諗住喺《Metal Gear Solid V》度現身?不過留意佢塊面係冇黐感應器,咁即係……有啲動作佢要親身示範?定約貪玩?

Read more ›

小島秀夫激讚《GTA V》 謙虛王話《MGS V》都比唔上

點解小島秀夫叫小島神?點解佢喺好多機迷心目中嘅形像咁有型,就係因為佢咩都夠膽玩,而且夠謙厚有風度。佢之前喺Twitter狂讚《悍戰太平洋》好睇,我估佢都冇收過廣告費;今次就仲大方,睇完《GTA V》最新條Gameplay預告片,喺自己Twitter話勁正,自由嘅操控係未來遊戲嘅重要原素,最重要一句:「我唔覺得我嗰隻『V』可以達到《GTA V》嘅質素。」但係,我期待《MGS V》多啲喎!

Read more ›

小島秀夫Twitter激讚 《Pacific Rim》Otaku必睇

《Metal Gear Solid》嘅小島秀夫,應該一定係巨大機械人迷,佢睇完香港7月18日上映嘅《Pacific Rim(悍戰太平洋)》之後,就喺Twitter出咗8條Post,激讚話電影帶嚟嘅衝擊好大,仲可比《2001: A Space Odyssey》以及佢細個睇嘅《Jurassic Park》!更加話好似佢等Otaku必睇!講真,小島秀夫嘅品味絕對信得過,睇佢啲遊戲咁有電影感就知啦!最後一提,GameoverHK嘅送優先場門票活動聽晚截止,有成30張飛,唔駛錢其次,快人一步入場感受呢份震撼先最重要!入嚟有詳情。

Read more ›