Tag: 小島秀夫

【生日快樂】小島秀夫工作室過54歲生日 大量賀圖禮物

【生日快樂】小島秀夫工作室過54歲生日 大量賀圖禮物

其實遲咗喇,因為噚日8月24日就係小島秀夫嘅生日,1963年出生嘅佢54歲,睇佢喺工作室吹蛋糕之餘,仲有好多friend送禮物同賀圖,當中包括佢好朋友Geoff Keighley啦。另外,Kojima嘅官方Twitter仲有新消息,就係會同出Tee出配飾嘅Insert Coin有合作計劃。

Read more ›

箭佬Norman Reedus訪問 「小島秀夫係天才。」

箭佬Norman Reedus訪問 「小島秀夫係天才。」

  Norman Reedus自從參演《Silent Hill》嘅試版之後,就同小島秀夫結friend咗喇,所以小島獨立後嘅新作《Death Stranding》都搵佢做主角啦。早前外國傳媒就訪問呢位《The Walking Dead》而爆紅嘅箭佬,當中講到角色Daryl,佢就話好多人都唔知佢真名,不過佢唔介意,因為我當中有佢,佢當中都有我。訪問中仲問到佢同小島秀夫合作成點,佢就話小島真係天才,仲講到佢哋開始合作時嘅情況。仲有,原來佢有養貓嘅,仲話裝咗鏡頭睇隻貓,同埋希望隻貓識講嘢……如果你都係fans,呢個訪問值得睇嘅。

Read more ›
【有片】PS4首席架構師講《Death Stranding》 睇過Gameplay讚最強小島作品

【有片】PS4首席架構師講《Death Stranding》 睇過Gameplay讚最強小島作品

PS4嘅lead architect Mark Cerny,同小島秀夫一向friend嘅,咁雖然今年E3冇小島新作《Death Stranding》新片睇,但佢就喺一條講PlayStation 4 Pro嘅影片中透露已經見過Gameplay。佢講嘅係Decima Engine同Kojima Productions嘅《Death Stranding》配合得好好,亦都提到演員Mads Mikkelsen喺遊戲入面真嘅一樣,仲有佢話佢睇過gameplay,雖然冇拎手掣上手玩,但都可以肯定呢隻係最勁嘅「a Kojima game」,賣花讚花香啦,不過我都有信心嘅,有小島又有後台,希望東京遊戲展會有消息,慢慢嚟唔駛急。

Read more ›
小島秀夫更新Twitter 玩玩具其實係工作

小島秀夫更新Twitter 玩玩具其實係工作

大家都等緊小島秀夫嘅《Death Stranding》,作為fans,都希望佢唔使急,慢慢搞,最緊要好玩。不過佢耐不耐都會滲啲新嘢俾大家睇嘅,又要玩《Horizon Zero Dawn》又要玩《Ghost Recon》嘅佢,出咗兩張玩具圖,加多一句:「I am not playing around. (part of my job)」之後好多網民都有自行聯想,有啲回應都幾好笑。

Read more ›
【有片】《Horizon Zero Dawn》鳴謝Credits露玄機 《MGS》主要班底全跟小島走

【有片】《Horizon Zero Dawn》鳴謝Credits露玄機 《MGS》主要班底全跟小島走

最緊要小島秀夫同新川洋司,係,但都唔可以抹殺《Metal Gear Solid V》幕後一班功臣,到底有幾多個跟咗小島秀夫去開新公司Kojima Productions?竟然喺《Horizon Zero Dawn》完咗之後出Credits有玄露,其中Speacial thanks一欄,就見到小島秀夫同好多人名,有網民就發現佢哋都係喺《Metal Gear Solid》系列作品中擔任重要角色,不過亦有人話應該未夠主要班底,因為開發一隻《MGS》呢類大作,最少都有100人以上。

Read more ›
新片速報 小島秀夫有份玩 《Horizon Zero Dawn》有彩蛋

新片速報 小島秀夫有份玩 《Horizon Zero Dawn》有彩蛋

  小島秀夫同開發《Horizon Zero Dawn》嘅Guerrilla Games關係都幾密切,首先俾個引擎Decima Engine小島用啦,之後小島又砌咗隻機械獸,再嚟就係原來遊戲入面都有佢嘅彩蛋,首先係入面有啲嘢係小島間公司嘅LOGO,就係新遊戲《Death Stranding》嘅嘢,再嚟遊戲入面仲會發現《Death Stranding》預告出現過嘅BB公仔、手扣……

Read more ›

小島怡情系列 《Final Fantasy》30周年活動有佢份

小島怡情系列 《Final Fantasy》30周年活動有佢份

o依家冇咗廠商嘅包袱,出席邊間廠嘅活動都冇問題啦。可能你會覺得佢成日遊山玩水,咁玩多啲攞多啲唔同靈感都係好事嘅,講真,小島新作真係唔使急,最緊要好玩嘛。好喇,小島秀夫啱啱喺Twitter又出咗圖,就係同新川洋司齊齊去咗噚日(31日)舉行嘅《Final Fantasy》30周年活動。

Read more ›
小島怡情 砌LEGO還原《Horizon Zero Dawn》機械獸

小島怡情 砌LEGO還原《Horizon Zero Dawn》機械獸

小島新作《Death Stranding》會同《Horizon Zero Dawn》用埋同一個引擎,friend嚟嘛,咁小島秀夫都要郁吓手,佢用LEGO砌咗遊戲入面嘅機械獸出嚟,再現度好高。

Read more ›

【有片】實在太勁!小島新作兩條預告 同步睇有玄機

小島秀夫真係好神!呢隻新作《Death Stranding》嘅新預告片出咗之後,佢話叫fans再睇番之前舊嗰條,會發現到秘密。於是,好快有外國網民搵到喇,如果兩條Trailer同時一齊睇,就會有奇事發生……當新嗰條片入面Guillermo del Toro插著個BB嗰吓,就係舊嗰條Norman Reedus手上嘅BB消失之時,唔明可以入嚟睇片或者gif!不過我試過好似都爭啲時間……亦都有人發現漂喺水度嘅BB個肚,同Norman Reedus個肚條疤痕一樣,咁,即係兩個平行時空?定係點?未知小島神玩咩,但真係有心思嘅!

Read more ›

新片速報 小島秀夫《Death Stranding》4分鐘新預告 Mads Mikkelsen參演!

之前都講咗會到Game Awards 2016,之後周末仲會去埋PlayStation Experience 2016。咁啱啱喺Game Awards,小島秀夫嘅新作《Death Stranding》就有新片睇喇,今次唔見箭佬Norman Reedus,但就有新演員出場,就係演過《奇異博士》Kaecilius同嚟緊《星球大戰外傳:俠盜一號》都有份嘅Mads Mikkelsen!同小島friend底嘅導演Guillermo del Toro都有份,另外仲見到有坦克、軍人,但好似有啲唔妥……

Read more ›

【喊出嚟】小島秀夫搭飛機聽《Metal Gear Solid V》歌曲眼濕濕 網民:「不能原諒K社!」

作為小島秀夫嘅成名作,仲要咁多年,一定有感情,離開K社代表要同呢個自己創作嘅系列講再見,難免係會有傷感嘅……小島秀夫啱啱喺Twitter出咗圖,佢話喺搭飛機時聽歌,聽完「Quiet’s Theme」,之後「Here’s to you」再「Not Your Kind Of People」同「Nuclear」,聽到眼濕濕……再睇番網民嘅留言應該仲感動啦,有人話:「I’m with you boss, forever.」亦有人話呢啲係真正嘅「THE PHANTOM PAIN」,當然亦要每日一任務……其實諗起小島秀夫同蛇叔應該冇乜機會再聚,我哋都有啲傷感。  

Read more ›

【有片】《Metal Gear》變負評王 小島秀夫TGS上台:「Metal Gear唔會有喪屍。」

噚日K社公開嘅《Metal Gear Survive》新片,令到「小島秀夫」fans好團結,因為段片喺YouTube已經有8千幾個負評喇,正評得6百幾個啫,而啲留言都係嗰啲啦,大家都知F同K嘅關係。好喇,今朝(18日)「小島秀夫」就同「新川洋司」喺「PlayStationR祭&一遊入魂」台上,主持人都好識做,走去問佢關於《Metal Gear Survive》嘅問題,話有傳呢個都係佢剩落嚟嘅idea,「小島」即時話呢壇嘢唔關佢事,而且《Metal Gear》係講關於政治同間碟嘅遊戲,點會適合有喪屍出現?台下超多fans,全部拍晒手,一個直球搞掂佢。再嚟講番佢隻新遊戲《Death Stranding》,佢話發售日會喺《Akira》嘅時代之前,《Akira》動畫入面係2019年,咁……

Read more ›

銀Tee好有型 Kojima Productions推出店舖限定產品

Kojima Productions嘅網上店舖都有產品賣,不過今次係特別版喎。「小島秀夫」喺Twitter話9月16日開始,喺「ファミマ!! 品川シーズンテラス店」、「ファミマ!! 秋葉原UDX店」都會有店舖限定產品發售,件Tee同網上賣緊嗰件唔同,個Logo係銀色嘅!之後仲有電話殼同File同袋……好彩有朋友去東京遊戲展,唔該!

Read more ›

【E3】新片速報 小島秀夫「箭佬」再合作 新作《Death Stranding》正式公開

好喇,終於有片睇喇!小島秀夫自己出嚟搞嘢之後第一隻遊戲,名為《Death Stranding》,喺啱啱E3嘅PS發佈會中仲出嚟站台,而最令fans尖叫嘅,就係《Silent Hill(P.T.)》合作過嘅「Norman Reedus」,即係《The Walking Dead》入面嘅「箭佬」Daryl!可惜未有任何Gameplay……不過,見到PS應該幫到手,咁穩陣。

Read more ›
新片速報 「小島秀夫」近況半粒鐘 講電影講DiCaprio

新片速報 「小島秀夫」近況半粒鐘 講電影講DiCaprio

「小島秀夫」自立門戶之後,準備開發新遊戲,仲準備緊……不過就keep住都拍片。HideoTube (ヒデチュー)嚟到第2回,佢講吓自己攞獎入名人堂嘅感受,又講吓電影講吓Leonardo DiCaprio攞奧斯卡男主角,都有講吓自己間公司運作成點……嗱,抖夠好開始做嘢喇。

Read more ›