fbpx

Tag: 導演

床下底發現貓媽媽產子        外國導演突然成為貓爸爸

床下底發現貓媽媽產子 外國導演突然成為貓爸爸

如果有一日你返上樓拎返件褸,點知發現床下底有隻貓媽媽啱啱生咗幾隻細貓,你會點?住喺英國嘅Paris Zarcilla就遇到呢個情況,本身係導演加編劇嘅佢,影咗相放上Twitter,之後超多人RT,最後佢取消晒當日行程,接受自己最新嘅「Cat Dad」身份。期間佢不斷出新圖,將自己嘅心路歷程講出嚟,本身係編劇嘅佢寫嘢又幽默又真誠,將初為人父嘅心路歷程表達晒出嚟,好好睇,加上又有片有相,所以吸引好多人留言。最新情況係有人提議佢要帶隻貓媽媽去做檢驗,又有人話可能隻貓係鄰居嘅,佢就話好唔捨得交返啲貓出嚟,不過都會接受命運嘅安排,睇佢嘅post可以感受到佢已經完完全全成為咗一個貓奴,阿門。入嚟有回帶。

Read more ›

日本網民抨擊《你的名字。》導演新海誠「好嘔心!」

日本網民抨擊《你的名字。》導演新海誠「好嘔心!」

《你的名字。》導演新海誠近日居然俾日本網民話佢嘔心。事緣有網民cap咗新海誠接受訪問嘅片段,話題講到電影出現過嘅「口嚼酒」,新海誠提及:「舐鍾意嘅女仔(用過)嘅縱笛」,仲話:「對十幾歲嘅男生嚟講,唾液係一種戀物要素」,網民睇完紛紛留言話佢:「好嘔心」、「感覺係個會犯罪嘅大叔」。其實佢都係根據返套戲嘅「口嚼酒」借題發揮啫,大家又唔駛太過緊張嘅。

Read more ›
【人面獸身】電影導演變藝術品    宮崎駿/星戰導演新造型

【人面獸身】電影導演變藝術品 宮崎駿/星戰導演新造型

鍾意電影嘅朋友,應該會鍾意藝術家Jonathan Levine呢個系列嘅作品。用咗全球知名導演做主題,樣貌用返導演嘅招牌樣,而身體就集合晒對方嘅經典電影作品,導演包括日本動畫大師宮崎駿、《星戰》嘅佐治盧卡斯、恐怖大師希治閣、《阿凡達》嘅占士金馬倫,仲有史提芬史匹堡、添布頓等等,好正,數唔數宮崎駿個身混合咗幾多個電影角色?

Read more ›
新片速報    假如《蝙蝠俠》導演拍攝《超人特攻隊》‥‥‥‥

新片速報 假如《蝙蝠俠》導演拍攝《超人特攻隊》‥‥‥‥

導演基斯杜化路蘭(Christopher Nolan)嘅《蝙蝠俠─黑夜之神》、《蝙蝠俠─夜神起義》、《潛行凶間》套套受歡迎,所有故事落喺佢手都可以拍到出神入化,啱啱YouTuber Bobby Burns就幻想彼思動畫《超人特攻隊》由基斯杜化路蘭執導,即時刺激曬!片長2分鐘,配樂、剪接都好出色,唔夠一星期已經有86萬點擊,仲有好多人激讚,基斯杜化路蘭會唔會考慮拍吓動畫?

Read more ›
外星人特技化妝曝光 《銀河守護隊》造型圖集

外星人特技化妝曝光 《銀河守護隊》造型圖集

好鍾意睇特技化妝,畫嘅同被畫嘅一樣要好有耐性,閒閒哋幾個鐘坐喺度上妝。最近有套西片《銀河守護隊 Guardians of the Galaxy》仲大鑊,因為戲入面有大量不同造型嘅外星人,導演James Gunn搵咗好多勁人幫手化妝,網上仲公開咗大量圖片同埋製作過程,睇完覺得外星人啲造型都幾趣緻吖,唔恐怖喎。

Read more ›
新片速報   Batman75歲大壽    官方新片狂賀

新片速報 Batman75歲大壽 官方新片狂賀

上年超人Superman 75歲大壽,有《Man Of Steel》導演Zach Snyder加動畫師Bruce Timm嘅2分鐘動畫片賀壽。嚟到今年Batman 75週年繼續有Bruce Timm,今次呢條名為Batman: Strange Days嘅全新動畫,長3分鐘全黑白,講Batman大戰巨人勇救美女,叫得做fans嘅梗係要入嚟睇。

Read more ›

大師出馬!法國名插畫師畫Simpson

大師出馬!法國名插畫師畫Simpson

作為Simpsons嘅fans,呢條片無得唔睇。法國鬼才動畫導演Sylvain Chomet,之前拍過兩套知名動畫《Triplets of Belleville》同埋《The Illusionist》,最近大師出馬,居然幫The Simpsons製作咗一條1分鐘短片,YouTube有得睇,短短5日已經過300萬點擊,犀利!影片風格用返Sylvain Chomet平時靚得嚟有少少懷舊嘅效果,一睇就知出自佢手筆。

Read more ›
哈比人針織公仔       演員Twitter讚神似

哈比人針織公仔 演員Twitter讚神似

呢類針織嘢我好少介紹,不過今次製作者Denise Salway女士好認真,整咗一套《哈比人》針織公仔,而且個樣似層層一認就認倒。佢仲連導演Peter Jackson同埋條火龍都整埋,好有誠意。難怪有份主演嘅Graham McTavish同埋Stehpen Hunter都喺Twitter讚佢,威威!Salway女士話每隻大概要一日半製作,不過條火龍就用咗成個月製作,點解唔整埋咕嚕呀?

Read more ›
新片速報    超巨型Graffiti    短片3日200萬點擊

新片速報 超巨型Graffiti 短片3日200萬點擊

Graffiti見得多,不過咁大型畫晒成個廢置工廠,仲要用Hyperlapse拍攝短片,真係好型好精彩,大開眼界!難怪影片放上YouTube三日已經有接近200萬點擊。講講背景,由導演Selina Miles操刀,今次再同塗鴉師Sofles合作,不過就加埋Treas、Quench同埋Fintan Magee一齊畫,睇到最尾仲見到佢哋一次過將畫過嘅嘢冚晒佢再重新畫過,好厲害,推介。入嚟回帶有得睇返今年6月拍嘅另一條Grafitti實況短片Infinite ,風格類似,都係用Hyperlapse拍攝,一樣正。

Read more ›
新片速報   超人75週年《Man Of Steel》導演短片賀壽

新片速報 超人75週年《Man Of Steel》導演短片賀壽

今時今日講起超級英雄大家會諗起Iron Man,細細過陪自己長大嘅Superman超人呢?今年係Superman誕生75週年,除咗推出咗紀念郵票,DC Comic仲搵咗《超人:鋼鐵英雄 》(Man Of Steel )嘅導演Zach Snyder同埋動畫師Bruce Timm炮製咗套2分鐘嘅動畫同超人賀壽,集合咗超人多年嚟嘅造型同埋經典場面,最有heart嘅地方係官網有晒動畫入面嘅場口解說,超人fans睇一定覺得好熱血。

Read more ›