Post Tagged with: "專用"

日本網民自製坦克車   喵星人專用Twitter熱傳
by / on 05/05/2020 at 7:18 am

日本網民自製坦克車 喵星人專用Twitter熱傳

日本黃金週長假期,但又唔出得街,留喺屋企做乜好?有日本網民就用大量紙皮箱自製咗架坦克車出嚟,屋企隻貓仲好快坐咗落去,超搞笑。之後唔少網民出圖回應,入嚟有回帶。

Read more ›

日本「在家工作」專用 獨立個室帳篷免受小朋友滋擾
by / on 08/04/2020 at 7:14 am

日本「在家工作」專用 獨立個室帳篷免受小朋友滋擾

最近日本大部份人都留家工作,不過有小朋友嘅就知好難集中精神做嘢,有日本網民就分享咗呢間獨立個室帳篷,開咗佢之後就多咗個獨立個室,不過要再配備多個全隔音耳筒先得。至於現實呢,通常係個小朋友會拉開條拉鍊,然後跳出跳入玩得好開心,最後阿爸被迫讓個帳篷俾佢玩。如果你都想買可以去日本amazon睇睇,開價7980円。

Read more ›
【女生專用】日本超靚「第一次月事套裝」減輕尷尬感
by / on 17/03/2020 at 7:54 am

【女生專用】日本超靚「第一次月事套裝」減輕尷尬感

日本人好細心,去日本便利店買衞生巾,店員會用啡色紙袋包起產品,等顧客免於尷尬。所以呢個「First Period Pads Set」嘅出現都好合理。由品牌amiee推出,專為第一次月事嘅女仔做準備,包裝好靚,而且黃色嘅毛巾袋睇落好似一條手巾仔,袋喺身都唔怕尷尬,女仔平時當傍身緊急用都得,每set賣1320円,喺佢哋嘅網店有售。

Read more ›
《IQ博士》小雲帽扭蛋 狗狗專用零違和感
by / on 13/12/2019 at 7:44 am

《IQ博士》小雲帽扭蛋 狗狗專用零違和感

通常都係喵星人中招,講緊係奇譚專出嘅喵頭套扭蛋,不過最近有新嘅受害者,佢哋推出咗呢款《IQ博士》小雲帽扭蛋,對象係狗狗,估唔到戴起又幾襯,一共5款,12月推出,啱晒做聖誕禮物呀!

Read more ›
日本「機迷專用」寒冬連身服 著名coser親身示範
by / on 26/11/2019 at 7:26 am

日本「機迷專用」寒冬連身服 著名coser親身示範

冬天又到,又係要收埋啲手腳打機嘅時候。日本嘅Damegi 4G推出咗呢套專為機迷打機而設嘅連身服,仲搵咗好萌嘅coser「伊織もえ」Iori Moe 做model示範,特製嘅質料可以鎖住身體嘅熱力,仲可以收埋隻手,連個頭都可以冚埋,賣17160円。另外有其他款有不同顏色,同場加映埋工人褲款,不過就無乜保暖效果嘞。

Read more ›
【有片】外國喵返屋企坐「專用升降機」    住2樓大隻爺爺接載
by / on 01/04/2019 at 7:49 am

【有片】外國喵返屋企坐「專用升降機」 住2樓大隻爺爺接載

出街玩得耐都要返屋企休息吓嘅,外國呢隻住2樓嘅喵好嘆,主人為佢特製咗個「貓專用升降機」,將個紅色桶吊落地下,隻喵識乖乖哋跳入去然後運送返2樓嘅屋企,揸𨋢嗰位爺爺手臂仲非常粗壯,好明顯練習得多。

Read more ›

日本爸爸DIY「私家扶手環」 4歲仔仔搭車專用
by / on 04/02/2019 at 7:28 am

日本爸爸DIY「私家扶手環」 4歲仔仔搭車專用

搭地鐵嘅扶手環好高,有時唔好話小朋友,生得矮啲嘅女仔都握唔到。日本有位爸爸好貼心,為咗俾仔仔搭JR時都可以握實扶手,特別設計咗呢個掛腰嘅小扶手,4歲嘅仔仔身高啱啱好用到,網民睇完都大讚佢嘅設計好正,樓主仲整多三個以抽獎形式送俾網民。另外有網民發現市面上原來已經有類似嘅產品,每個賣3700円,有小朋友嘅可以考慮買返個,或者買嚟送俾你嘅哈比人朋友,入嚟有link。

Read more ›
日本最強裝備玩《Ace Combat 7》 戴美軍專用頭盔
by / on 20/01/2019 at 7:50 am

日本最強裝備玩《Ace Combat 7》 戴美軍專用頭盔

PS4隻《ACE COMBAT 7: SKIES UNKNOWN》出咗,最多人講嘅係佢嘅VR模式,之前有日本戰機迷勁推介,話玩完唔會暈浪。轉頭見到有網民玩仲專,戴埋JHMCS「聯合頭盔顯示系統」,即係美軍用嘅飛行頭盔嚟玩,相信投入度同爆汗指數都會急升,如果加埋個專用操控杆就更正嘞。玩完個頭盔上面仲可以放部VR,擺喺屋企當裝飾都型。

Read more ›
【有片】日本「喵專用乾燥機」 示範影片Twitter熱傳
by / on 22/12/2018 at 1:05 pm

【有片】日本「喵專用乾燥機」 示範影片Twitter熱傳

咩時候需要用到呢?應該係幫喵星人沖完涼,或者佢唔覺意玩到成身濕晒時?日本Twitter最近熱傳呢部「貓專用乾燥機」,坐咗喺入面隻喵好似好爽咁,不過其實睇落好危險,而且唔係隻隻貓咁定,如果郁嚟有郁或者嚇親佢都唔好嘞,貓奴們都係唔好亂試。BTW,有網民留言話隻喵有啲似星戰嘅尤達大師,亦有人問Amazon會唔會有個俾人用嘅版本,係啦俾人用好嘞,唔好搞啲喵好啲。

Read more ›
麵包超人有牙好恐怖 3歲小朋友牙科檢查專用
by / on 18/10/2018 at 7:51 am

麵包超人有牙好恐怖 3歲小朋友牙科檢查專用

3歲嘅小朋友見到呢個有牙嘅嘅麵包超人,應該會好驚?又或者以後都唔會鍾意佢?日本有網民分享咗呢張相,話佢哥哥嘅牙科診所到3歲小朋友做定期檢查教學時,會用到呢隻公仔。之後有網民話佢細過見過多啦A夢版,入嚟有得睇返,有牙真係勁恐怖!之後好多網民貼圖回覆,當然唔少得超恐怖嘅爆嘴Miffy。

Read more ›
日本網民好物分享   風呂專用眼鏡「浸溫泉」必備
by / on 06/08/2018 at 7:30 am

日本網民好物分享 風呂專用眼鏡「浸溫泉」必備

有戴開眼鏡都知沖涼或者浸溫泉好唔方便,最近有日本網民分享咗呢副眼鏡,標榜係「風呂專用」,以後唔駛怕鏡面濛晒。而且價錢唔貴,每對賣3240円,有唔同度數,樓主話覺得係自己5年嚟買得最好嘅產品。各位近視嘅朋友可以入嚟睇吓,下次去開日本買返副或者送俾朋友做手信。

Read more ›

日本GU超突出新褲 拉鍊位唔同色勇士專用
by / on 01/06/2018 at 7:44 am

日本GU超突出新褲 拉鍊位唔同色勇士專用

Fashion嘅嘢真係好難明,最近有日本網民放咗GU條新褲嘅相,設計相當奇妙。唔知點解喺拉鍊部位多咗塊唔同色嘅布,睇落好大膽好突出,仲有卡其色同白色兩款,分別配唔同顏色嘅布,有無勇士想挑戰吓?

Read more ›
日本女士專用「瞓覺的士」   有得按摩兼卸妝
by / on 25/05/2018 at 7:56 am

日本女士專用「瞓覺的士」 有得按摩兼卸妝

日本嘅Nescafe之後都喺銀座開過間「睡眼咖啡館」,最近佢哋同「日本交通」合作推出「眠れる森の美女タクシー」計劃,俾女士搭一程可以瞓得舒適嘅的士。的士入面舖滿地毯軟綿綿好舒服,仲有卸妝棉、按摩產品等等免費使用,當然有一杯咖啡包埋,不過係不含咖啡因嘅,以免返到屋企瞓唔著。由即日至6月1日運行,只限平日,時間係晚上6時至凌晨12時,主要喺東京23區、武蔵野市同三鷹市行走,收費方面預約收410円,喺指定地點等候加多410円,其餘就按返的士咪錶收費。

Read more ›
【羨慕】超正可乘坐《龍貓》貓巴士      小朋友專用
by / on 21/04/2018 at 11:38 am

【羨慕】超正可乘坐《龍貓》貓巴士 小朋友專用

有睇過《龍貓》嘅應該都好想試吓坐貓巴士 (唔係貓車呀!)最近見到日本推出咗呢款人坐嘅貓巴士玩具,可惜只係俾1-4歲嘅小朋友坐,不過就唔係坐喺入面,但已經令人覺得好幸福好羨慕!售34560円,即係2500港幣左右,都唔平喎。

Read more ›
佛系蛋糕     日本網民分誕佛誕專用蛋糕
by / on 10/04/2018 at 7:34 am

佛系蛋糕 日本網民分誕佛誕專用蛋糕

最近乜都係「佛系」,唔講唔知,日本4月8日係佛誕,香港就遲啲啲,5月22日。有日本網民趁佛誕喺Twitter分享咗呢幾件蛋糕,表面睇係一粒粒士多啤梨,睇真啲原來有一個係佛像嚟嘅,阿彌陀佛!

Read more ›