Tag: 射籃

有片:水壩上的霸氣遠投 415呎高入籃

望片都覺得氣勢澎湃,呢個水壩叫戈登壩(Gordon Dam),位於澳洲塔斯曼尼亞(Tasmania),高126.5米,即415呎,處身壩頂,望落壩底都腳仔軟。今次玩乜呢?射籃!壩底Set好籃球架,人就企喺壩頂上面向下投籃,瞄準?都有瞄嘅,咁大風又咁遠,點瞄呀?都係Trial and Error居多。入籃一刻全場興奮,不過我想問嘅係,究竟事前預備咗幾多個籃球呢?又嘗試咗幾多次先成功呢?如果有埋呢啲花絮睇,成條本會更加可觀囉。

Read more ›

新片速報 櫻木顏面射球!Marc Gasol頭槌射籃……唔入!

見到呢個鏡頭,我即時諗起櫻木!事緣奧蘭多魔術隊(Orlando Magic)對曼菲斯灰熊隊(Memphis Grizzlies)嘅一賽NBA聯賽,灰熊隊Marc Gasol喺被侵犯下射失一個籃底波,或者基於失望,又或者覺得好唔抵,又或者只不過純粹童心未泯,佢居然無聊到頂頭槌補射,仲連續頂咗三下添,不過……都唔入。

Read more ›