如果你好鍾意One Piece，又有養寵物，咁以下內容啱晒你嘞。日本Bandai同寵物用品公司Petio合作成立嘅品牌Charapeti，最近推出咗一系列《One Piece》服飾，有貓有狗，貓貓嗰件路飛服裝真係好難忍住唔笑，另外有惡魔果實玩具俾狗狗玩，喵星人亦有海賊旗吊床瞓，啲產品好有heart好搞笑，2月底發售，入嚟有得睇。

作為主人，可以將隻寵物著上腳係咩感受？外國公司Cuddle Clones專門幫人複製寵物個樣變成毛毛拖鞋，全人手度身訂造，不過價錢唔平，一隻要美金$199，買齊一對即係港幣3千蚊左人，主人就開心，不過作為寵物似乎覺得驚驚哋。

呢隻超可愛嘅狐狸仔我哋之前都介紹過，佢係馴服咗嘅狐狸，同屋企隻狗狗仲相處得好好。無見兩年，呢隻狐狸仔而家IG已經有2百萬fans，變咗狐狸界KOL，佢嘅主人啱啱推出咗以狐狸仔做主題嘅新書《Juniper: The Happiest Fox》，鍾意呢位狐狸仔嘅記住買返本支持吓。入嚟有多啲佢嘅近照睇，超可愛呀！

又有《Pokémon》產品出喇，今次Bandai就將《Pokémon》「ラプラス」實體化，雖然冇動畫中咁大，但都超巨型，長成2米，真係可以騎上去！價錢79,400円，7月發貨。

呢兩日日本嘅Twitter好多正相睇，啲主人輪住放自己寵物嘅瞓覺衰相上嚟，加埋hashtag「#飼い主の心臓に悪いペットの寝相コンテスト」，全部參賽作品都好高質，超搞笑。有狗仔、白兔仔、老鼠仔，不過最多都係貓，證明喵星人瞓起上嚟真係可以好樣衰好盡情。大部份都反晒白眼伸晒脷，唔知以為佢哋突然暴斃，真係會嚇親主人。入嚟有得睇晒，睇完再望吓自己嘅寵物，有無得鬥？

最近日本Twitter好流行呢個hashtag「飼い主の心臓に悪いペットの寝相コンテスト」，主人狂貼寵物嘅古怪睡姿。首先跑出有呢輯，鼬鼠仔鑽咗入圓筒形嘅紙皮入面，個樣仲要勁搞笑！其實入面收埋咗兩隻鼬鼠，唔知以為隻鼬鼠拉長咗自己。入嚟有多啲呢兩隻鼬鼠仔嘅相睇，仲有網民嘅貼圖回帶，好可愛！

IKEA宜家傢俬乜都有得買，係無寵物用品，之前有張好細嘅床因為俾貓瞓過而喺網上大紅，唔知係咪因為咁啟發咗佢哋，而家終於推出專為貓狗而設嘅Lurvig寵物系列！床、梳化、咕臣、貓屋、糧食碗同寵物袋一應俱全，價錢都係一貫咁經濟實惠。日本、美加同法國都已經推出，其他地方就預計2018年3月，各位貓主狗主要留意嘞！

今年11月又會有新作，名為《Pokémon Ultra Sun and Ultra Moon(ポケモン ウルトラサン・ウルトラムーン)》，前作嘅御三家會回歸，另外傳說小精靈「ソルガレオ」、「ルナアーラ」、「ネクロズマ」會係今集故事重點，Z-Ring、Z-Move亦都會強化再現，11月17日發售。

有養寵物嘅朋友，最怕就係去旅行時唔知交佢哋俾邊個照顧。外國呢個Trusted Housesitters網就完美解決呢個問題，網站俾世界各地嘅主人交換屋住，當你想去法國旅行時，如果當地有寵物主人想旅行，你就可以免費住佢間屋兼幫忙照顧佢嘅寵物，就算自己無養寵物純粹想幫手照顧兼旅行都得。如果你自己有養寵物，仲可以放上網等想嚟你國家旅行嘅人幫手湊貓湊狗。佢哋分咗貓同狗兩個種類，入會費大約美金100蚊一年。不過會睇評分，想高分就要幫鄰居照顧多啲貓狗儲分，或者將身份證明放上網站做認證都得。網站有分貓同狗兩個類別，地點方面主要集中喺歐美，英國、澳洲、法國、紐西蘭、西班牙，好多屋都背山面海好靚，啲貓仔狗仔仲好得意，各位貓奴狗奴可以諗吓喎！

1996年2月27日，就係GameBoy推出《ポケットモンスター 赤・緑》之時。所以，今日就係佢哋21歲生日喇！日本大量網民出圖，有啲曬珍藏，有啲畫賀圖。另外増田順一都有出圖出片！

《寵物小精靈》，今次搵嚟靈長類最強嘅日本摔跤選手吉田沙保里幫手拍宣傳片。咁佢咁大隻，都要搵番隻小精靈襯番佢嘅，於是就係四隻手嘅「怪力(カイリキー)」喇！仲抱住佢添，真係鐵漢柔情呀！

《Pokémon》嘅小精靈都唔係第一次寫實化，今次就係由呢位「輝桜」出手。佢將初代《ポケットモンスター 赤・緑》嘅「御三家」變成CG，基本上係達到怪獸級別喇……

其實應該係柑。之前都有好多日本人搣柑搣出唔同圖案，今次主角就係火伊貝(ブースター)，一睇就認得啦？之後就有其他網民出場喇，有卡比獸……其實以皮嚟講，係咪應該搣隻皮卡……我意思係比卡超。

雖然都出咗好耐喇，但都唔排除有想換機嘅人未換，或者仲諗緊換唔換。日本就有玩家拍條片俾大家參考吓，左邊3DSLL，右邊new3DSLL，開機玩《Pokémon太陽/月亮》爭幾耐，估唔到都真係爭幾耐……

之前出過比卡超喇，咁如果你鍾意火箭隊，今次就啱數，因為係喵喵怪呀。呢個「ポケットモンスター　PCクッション　ニャース」，基本設計同之前一樣，有隻公仔可以攬，之後個墊就可以墊手，連稅賣5,616円。下年3月出貨。