東京奧運會「審查委員8人組」逃亡 日本網民:「不負責任!」

又係東京奧運會嘅新聞,之前報導日本官方宣佈棄用「佐野研二郎」設計嘅logo,日本網民狂賀,最令人開心係日本政府聽市民意見,勇於承認錯誤,唔似得我哋嘅香港政府。講返正題,最近日本網民就話呢班負責審批今次出事logo嘅「審查委員8人組」喺出事後大逃亡,實情係有媒體想採訪佢哋,但其中3位就拒絕採訪,另外3位就話無可奉告,最後剩返嗰兩位直情聯絡唔到潛咗水。網民就大興問罪之師,鬧爆呢班委員唔負責任,仲話終於明白點解會選咗之前嘅設計出嚟。而家大家最想都係見到新logo,如果好似網民設計嗰啲瑪利奧大叔或者多啦A夢版本就好喇,雖然都無乜可能‥‥‥入嚟有回帶睇返網民嘅精彩設計。

Read more ›