fbpx

Tag: 實驗

【新片速報】老鼠夾夾脷實驗 慢動作重播痛到入肉

【新片速報】老鼠夾夾脷實驗 慢動作重播痛到入肉

出名拍超慢鏡影片嘅The Slow Mo Guys最近又有新嘢玩,今次其中一個隊員Gavin Free好玩唔玩玩老鼠夾,仲要用自己條脷嚟親身試驗,未睇片齋睇標題都覺得赤赤痛,所以抵佢段片幾日已經有2百萬點擊。影片用每秒2000格拍攝,睇慢鏡個夾彈落去條脷嗰吓,真係個心離一離呀!

Read more ›

有片:2公升水加4公升滾油 烈燄沖天

有片:2公升水加4公升滾油 烈燄沖天

冷水倒入滾油會點?火勢會更加猛烈囉。為乜要咁做?我都唔知架,淨係知將兩升冷水倒入四升滾到瀉咁滯嘅熟油,會即時標出一團蘑菇狀火燄,非常非常危險囉。火勢好猛烈,畫面好震撼,做實驗位人兄都醒,預先full gear防火衣,如果唔係?肯定頭髮都燒光呀。

Read more ›
有片:林寶堅尼的誘惑 拜金女出糗了

有片:林寶堅尼的誘惑 拜金女出糗了

成壇嘢好簡單,街頭搭訕,抄牌撩兜風,四眼妹初初嫌棄Say no,之後發覺Cap帽男揸嘅係林寶堅尼,態度即係360度轉變。瞪大對只得S加兩戙嘅眼,回心轉意想上車,點知Cap帽男擺明玩嘢,四眼妹開車門佢就開車,開車兩呎又停一停,四眼妹上唔到車Cap帽男又唔即時揸走架車,如此拖拖拉拉,Cap帽男終於話:「企定,影幅相先,我想話畀朋友知乜嘢叫做拜金女!」拜金,人之常情,拜到咁出面,仲要俾人玩鑊甘,呢次真係瘀爆咯。

Read more ›
【新片速報】森林裝大鏡做實驗    2日過500萬點擊

【新片速報】森林裝大鏡做實驗 2日過500萬點擊

呢條片好勁,兩日已經過咗500萬點擊,主角係一班住喺非洲加彭森林嘅動物,道具係一塊超大型嘅鏡,法國攝影師Xavier Hubert Brierre喺森林入面裝咗塊鏡,等一班從來未見過自己個樣嘅動物體驗吓新事物。大部份動物都比自己個樣嚇一跳,有啲仲自己襲擊自己,不過失敗。臨尾仲見到有自戀系動物,喺鏡前擺晒甫士,我諗佢嘅性別應該係雌性。其實呢個攝影師喺2012年都做過類似實驗,不過當時塊鏡無咁大,亦無set咁多個鏡頭,不過都有動物中招,入嚟有回帶。

Read more ›
有片拆解 紅色可樂 VS Zero可樂糖份測試

有片拆解 紅色可樂 VS Zero可樂糖份測試

飲可樂你會揀Zero定紅色可樂?呢條片唔係最新不過我啱啱先睇倒,之前睇過人煲紅色可樂,外國YouTuber maricv84做嘅呢個實驗就加埋黑色zero,分別拎個煎pan煲滾啲可樂,當水份蒸發晒後,剩底嘅就係糖分,藉此測試紅黑可樂嘅含糖量‥‥‥ 結果都幾出人意表,原來Zero真係健康好多,薄薄哋一層糖分,令人好安心,不過我以後都唔敢再飲紅色可樂‥‥‥

Read more ›
有片   麥當勞芝士漢堡   消化後變黑色爛泥狀

有片 麥當勞芝士漢堡 消化後變黑色爛泥狀

最近麥記搞到滿城風雨,我哋最鐘意食老麥嘅編輯錢無義都戒咗一排,睇嚟影響真係好大。無老麥食不妨翻睇吓之前有科學家做嘅實驗。佢哋將一個芝士漢堡放入同人體一樣嘅胃酸液體裡面,睇吓浸佢一排之後會變成點。結果?就係變成一堆黑色好似污泥嘅物體,我唔知係咪任何食物落肚之後都係咁,如果係,呢個實驗者都幾大整蠱。不過,溶溶爛爛都幾核突吓,睇完希望可以暫時抑制到錢編輯嘅食慾啦。

Read more ›

新片速報   心寒短片熱爆    流浪漢咳到嗌救命無人理

新片速報 心寒短片熱爆 流浪漢咳到嗌救命無人理

你的樣子如何,你的日子也必如何。究竟呢句說話有幾真?有幾恐怖?法國組織NorniTURE呢條短片,短短三日YouTube有超過270萬點擊,引起好多人反思。短片一開始見倒有個流浪漢打扮嘅男士喺鬧市狂咳,最後咳到跌落地,甚至不停嗌途人救佢,但係過咗5分鐘,所有途人居然無視佢嘅存在!好喇,換個著晒西裝嘅後生仔出現,做同樣嘅事,恐怖嘅事發生嘞,一跌落地,途人即刻爭相圍埋去問佢有無事,同一件事,由不同人演繹,效果截然不同,睇到人好心寒。呢個實驗無非係想提醒大家,無視係最恐怖嘅兇器,所有人唔理嘅嘢唔代表就係正確,片中仲有個真實案例,睇到人好不安,睇完不妨花多3分鐘,反思一下自己會唔會係其中一位袖手旁觀嘅途人。

Read more ›
有片    英國老麥玩調包    巨無霸有幾吸引?

有片 英國老麥玩調包 巨無霸有幾吸引?

為咗證實麥當勞嘅巨無霸有幾吸引,英國麥記最近拍咗條YouTube短片,佢哋喺街上做咗個實驗,一對男女搵途人幫手影合照,途中有幅超大嘅巨無霸油畫經過,然後被攝者就調包換咗人。兩次測試,攝影師都唔發現被攝者調咗包。不過睇完我覺得未必因為巨無霸分散咗攝影師嘅注意力,可能係被攝者唔夠靚女唔夠性感啫‥‥

Read more ›
新片熱播 《我要做Model》真人版    參加者嬲爆爆

新片熱播 《我要做Model》真人版 參加者嬲爆爆

外國傳媒Buzzfeed最近拍咗條片引嚟好多爭議,YouTube四日已經有過200萬點擊。說話佢哋搵咗4位普通女性影雜誌封面相,比佢哋一嚐做model嘅滋味,化妝整頭換靚衫,影完再幫佢哋Photoshop執靚靚。最後當4位女性見倒自己嘅完成品時,居然不約而同表現出唔開心!我估計原因係執得太多,令佢哋自尊心受挫,不過都有得著,因為今次實驗令佢哋接受咗唔完美嘅自己。西方網民當然大讚佢哋政治立場正確, 不過亦有口痕友話只不過執相嗰位功力未夠導致太膠‥‥‥

Read more ›
新片速報    2磅乾冰加熱水  《志明與春嬌》廚房版

新片速報 2磅乾冰加熱水 《志明與春嬌》廚房版

《志明與春嬌》入面玩乾冰一幕好震憾,睇完相信都會返屋企試玩吓。外國有個後生仔都好鍾意玩乾冰,佢今次買咗足足兩磅嘅乾冰,不過唔係學志明咁倒入廚所,而係放入廚房鋅盤再加熱水,唔駛三秒成個廚房好似水浸咁煙霧彌漫,佢個friend仲玩到瞓喺地,轉頭就比啲霧淹沒變咗隱形俠,的確好無聊,不過我又眼定定用咗4分鐘睇晒條片,睇完仲心思思想試吓o忝! 

Read more ›
新片速報     螞蟻奇觀越睇越痕

新片速報 螞蟻奇觀越睇越痕

一隻蟻唔恐佈,但係一大堆蟻爬嚟爬去,就睇到我起晒雞皮。今次係《New York Time》嘅一個科學實驗,佢哋發覺火蟻(Fire Ant)有啲古怪習性,例如通過漏斗將佢哋唧出嚟嘅時候,啲蟻會好似水咁樣流開;又例如將佢哋聚成球體再向下墜時,佢哋又會黏實大家變成一個固體,入嚟有得睇片慢慢欣賞,不過對我嚟講,睇呢條片都係旨在挑戰吓自己忍耐力,因為一路睇一路個身就好痕好痕‥‥‥

Read more ›