Post Tagged with: "實用"

日本熱傳「服裝與溫度關係圖」 今日22度著長袖啱啱好
by / on 08/11/2019 at 7:58 am

日本熱傳「服裝與溫度關係圖」 今日22度著長袖啱啱好

呢幾日天氣時凍時熱,出門口諗著咩衫都有啲煩惱。日本網民都遇到同樣嘅問題,所以覺得呢個「服裝與氣溫關係圖」非常實用。25度以上就著短袖;25度唔夠就著長袖;20度唔夠就著返件cardigan針織外套‥‥‥簡單得嚟幾實用。今朝22度,即係著件薄身長袖就啱數!不過都有網民話18度著短袖都無問題,同埋20度著長袖會好熱,大家同唔同意?

Read more ›

日本Pokemon扭蛋夠實用 保護枱角fans必儲
by / on 29/10/2019 at 7:37 am

日本Pokemon扭蛋夠實用 保護枱角fans必儲

枱角位置好易撞親自己,日本扭蛋品牌RE-MENT最近呢款Pokemon枱角裝飾嘅扭蛋好實用,一式八款,不同角色會趴喺枱角保護大家,實用之餘睇落仲好可愛。預計11月11日推出,fans到時記住留意返嘞。

Read more ›
恐怖電影《貞子》出扭蛋 放置桌上雜物超實用
by / on 02/05/2019 at 7:08 am

恐怖電影《貞子》出扭蛋 放置桌上雜物超實用

日本恐怖經典電影《貞子》5月24日上映,繼之前「熊貓之穴」公佈嘅長下巴貞子扭蛋之後,今次到TAKARA TOMY旗下嘅T-ARTS宣佈推出新扭蛋,貞子化身為放置桌上雜物嘅小道具,超創意之餘亦好實用,我最想要係貞子爬出電視櫃嘅便條夾,同埋死亡錄影帶變身嘅賿紙座。入嚟有得睇。

Read more ›
日本網民100円店好物分享 書本叠架超實用
by / on 11/11/2018 at 1:38 pm

日本網民100円店好物分享 書本叠架超實用

日本網民又有好物分享,來自100円Daiso店,可以將書呀漫畫呀叠高兩層,又或者升高啲後層嘅書,令到分前後兩排時易啲搵書,慳咗多啲位就可以繼續買多啲嘞。下次去開日本可以去入吓貨。

Read more ›
《Star Wars》黑武士線香座     光劍變幼線香超創意
by / on 24/10/2018 at 7:40 am

《Star Wars》黑武士線香座 光劍變幼線香超創意

估唔到Star Wars官方會審批呢件產品,所以更加值得買。台灣玩具品牌eyecandle最近公佈咗呢個「半身黑武士黃銅香插組」,平時揸開嘅光劍變咗做線香,仲可以冒煙,效果好正!而個黑武士嘅半身銅像造工都幾靚,高度大約10公分,仲附送18支紅色線香,而家開放預訂,售價港幣$1119.9,有興趣入嚟有link。

Read more ›
日本女網民好物分享         超實用「化妝掃清潔架」100円店有售
by / on 26/09/2018 at 7:43 am

日本女網民好物分享 超實用「化妝掃清潔架」100円店有售

通常女仔化妝都會有千萬種工具,要清洗再晾乾都幾繁複,日本有女網民就推介咗100円店呢個化妝掃清潔架,底版有凹凸設計可以洗乾淨啲掃,然後有幾個不同嘅窿位可以擺放大細、化妝棉、眼影掃等等物品,超實用!去開日本記住買返個!

Read more ›

日本夜光人仔出鎖匙扣 超實用搵鎖匙一流
by / on 15/08/2018 at 7:58 am

日本夜光人仔出鎖匙扣 超實用搵鎖匙一流

呢個夜光人仔「スミスキー」之前都出過唔少產品,最近宣佈推出呢款超實用嘅「鎖匙扣」。夜媽媽返屋企想喺個手袋度搵鎖匙,發住光嘅佢就好容易睇到嘞!預計10月初發售,每個950円,合共有3個款式,買嚟自用或者送俾朋友都正。

Read more ›
【生活智慧】日本網民新發現 錫紙剝皮超實用
by / on 14/05/2018 at 7:09 am

【生活智慧】日本網民新發現 錫紙剝皮超實用

日本人好鍾意玩錫紙,之前有人將錫紙搓成鐵球,最近有日本網民發現可以用佢嚟剝姜皮。方法好簡單,用錫紙包住嚿姜,之後不斷磨擦,完成品好乾淨!有其他網民試咗,發現用嚟剝薯仔皮都得,今晚返屋企教吓媽咪先。

Read more ›
日本背囊配件超實用 層層分類夠嘥位
by / on 20/03/2018 at 7:31 am

日本背囊配件超實用 層層分類夠嘥位

而家好多人鐘意揹背囊,不過點樣令到入面擺放嘅嘢齊齊整整?日本有網民就用咗呢件產品。直立式分開一格格嘅層架,可以放電話、銀包、水、眼鏡、濕紙巾等等零碎物件,之後再直接放入背囊然後扣實就得,無咁嘥位,睇落又整齊晒,好實用。樂天有得賣,價錢係1463円,有興趣可以入嚟睇吓。

Read more ›
日本攬公仔改善坐姿 又舒服又實用Twitter熱傳
by / on 18/03/2018 at 2:13 pm

日本攬公仔改善坐姿 又舒服又實用Twitter熱傳

我估唔係廣告嚟嘅,最近有位日本網民買咗呢個公仔,然後喺Twitter分享話真係可以改善到坐姿。只要坐書枱做嘢時攬住呢隻公仔,條腰就會自然挺真,而個公仔嘅兩隻手可以放上張枱度,減輕佢嘅重量,睇落舒服得嚟又實用,網上賣3218円,隻嘢個名叫MAMO,好得意,買隻送俾你嘅腰痛朋友啦。

Read more ›
【有片】勁過Chef Lé Mon 過20種伴碟擠醬技巧超實用
by / on 26/12/2017 at 11:57 am

【有片】勁過Chef Lé Mon 過20種伴碟擠醬技巧超實用

自從Chef Lé Mon表演過擠醬之後,而家每次見到類似嘅嘢都會諗起佢。不過今次呢個教學係認真嘅,而且好好睇,雖然無Chef Lé Mon嘅表演咁好笑。舉例有時煮完塊牛扒或者整好件甜品,但就唔識點樣佈置隻碟,呢段片教嘅全部都唔難,但係出嚟嘅伴碟好有大師級效果,快啲save低備用。BTW,睇完好想tag Chef Lé Mon。

Read more ›

日本超實用「封印」膠紙 封iPhone封老闆
by / on 24/04/2017 at 7:29 am

日本超實用「封印」膠紙 封iPhone封老闆

呢卷日本推出嘅「封印」膠紙最近喺Twitter好多人RT。實用度好高,唔想俾人掂嘅iPhone、唔想人偷食嘅食物,唔想呀媽掉嘅玩具‥‥‥全部都可以用。不過好多人最應該係用嚟封住公司嘅keyboard、mouse同電腦芒,長期「封印」咗佢唔駛做,最好「封印」埋老闆,淨係出糧時先解封。

Read more ›
【有GIF】日本超實用啤酒盒 自動移前方便拎
by / on 08/11/2016 at 7:10 am

【有GIF】日本超實用啤酒盒 自動移前方便拎

呢個設計堅正喎,有買個一pack啤酒放喺雪櫃嘅,都知道要拆嗰張硬紙皮有幾麻煩,呢個設計將啤酒分兩層,每次喺下層拎一罐啤酒,上面嘅啤酒就會移前,唔駛拆盒,又整齊又方便,而且可以不斷重用,由Sapporo同ASKUL共同研發,下次見到買返pack先!

Read more ›
【有片】日本製超實用膠水皮套 倒轉放即開即用
by / on 06/07/2016 at 7:13 am

【有片】日本製超實用膠水皮套 倒轉放即開即用

日本人嘅設計幾時都係咁細心。呢個膠水專用皮套,型的嚟又實用,難怪段片放上Twitter後好多人RT。大家都試過要唧膠水時,要倒轉等一輪,等啲膠水倒流返去樽口,然後先唧到出嚟用。呢個支架就可以將支膠水長期倒轉放,用嘅時候只要單手撳個掣,個蓋就會彈開,用完單手又可以閂返個蓋,超實用。唔明仲有片睇示範。

Read more ›
終於推出   實用小文具    5cm濶騎馬釘機
by / on 02/02/2014 at 10:39 am

終於推出 實用小文具 5cm濶騎馬釘機

呢款文具應該早10年推出。有無試過要將notes釘裝,想整騎馬釘– 喺中間落兩口釘釘實,發現煩到頭都爆?一係搵個超大嘅釘書機夾硬攝入去,再唔係就搵齊兩個釘畫機,一上一下釘實佢,最後通常都係拎出去搵文具舖代勞,因為啲專業騎馬釘機鬼叫大台仲好貴o忝。呢個由Daehyun Kwon設計嘅釘書機,細細隻5cm濶,已經可以做倒釘裝效果,仲提名2013 SPRAK award設計獎,好普通嘅發明,但係好實用,希望唔會賣得太貴。

Read more ›