Post Tagged with: "實景"

台灣迷你實景神人作品 高達被打太慘唔入圍GBWC?
by / on 15/08/2017 at 6:47 pm

台灣迷你實景神人作品 高達被打太慘唔入圍GBWC?

呢位Hank Cheng我哋之前都介紹過,就係製作咗好多迷你街景、實景嗰位,手工超好,作品超真實。啱啱佢就出咗圖,係佢嘅高達模型作品「寂滅之都」,極戰損嘅RX-78-2坐喺市街度,無論機動戰士本身或街景大樓都繼續超強真實感,可惜,竟然未能入圍GUNPLA BUILDERS WORLD CUP 2017!佢喺facebook寫咗,話可能因為高達被打得太慘,所以未能入圍……應該失望之餘講吓笑啫,加油呀。     想即時睇到更多日本文化、ACG、網絡最新資訊,請即加入facebook! https://www.facebook.com/GameoverHK

Read more ›

日本動漫迷聖地巡遊     自製漫畫公仔實景拍攝
by / on 04/01/2017 at 7:17 am

日本動漫迷聖地巡遊 自製漫畫公仔實景拍攝

日本放咗幾日新年假,好多動漫迷都去聖地巡遊,重臨漫畫動畫嘅聖地。呢位日本網民仲好有heart,專程帶埋畫好嘅漫畫紙公仔去現場,再影埋實景相,效果好正!下次自己去都可以考慮吓喎。

Read more ›
【P圖】日本網民實景動畫化 二次元街道重現靠P圖
by / on 05/04/2016 at 7:14 am

【P圖】日本網民實景動畫化 二次元街道重現靠P圖

一入呢個日本網民嘅Twitter就知佢係動漫迷,佢最近嘅作品好多網民RT,就係用P圖軟件,將日本街道實景圖變到好似動畫嘅場景咁,睇落又唔算好難,但就勁有滿足感。不過喺香港地想搵個靚嘅場景都難,都係睇吓人P算嘞。

Read more ›
【透明裙】時裝新拍法   挑空效果實景襯托
by / on 26/06/2015 at 7:10 am

【透明裙】時裝新拍法 挑空效果實景襯托

有時影相同創作除咗靠手藝之外,創意同觸覺都好重要,好似呢位叫Shamekh Bluwi嘅藝術家,正職係建築師加時裝插畫師,佢嘅呢輯作品名副其實融入生活,因為佢筆下嘅女仔,每個條裙都係縷空,要靠背後嘅真實景物襯托出嚟,勁在每條裙都襯得好靚,甚至令人好想買返條著吓,如果呢啲圖案真係印得出甚至識得發光嘅話。

Read more ›
《Assassin’s Creed Unity》實景對比相集   新舊巴黎合併
by / on 27/11/2014 at 7:12 am

《Assassin’s Creed Unity》實景對比相集 新舊巴黎合併

今集《Assassin’s Creed Unity》一句「遍地開花」,吸引倒好多香港人唔玩都買隻撐吓。今集出喺次世代主機,好多人讚畫面靚,究竟有幾真實?攝影師Damien Hypolite, aka Tidamz就將遊戲畫面用截圖方法再曬成相片,然後手持相片喺巴黎現場做對比影咗呢輯相,以1979年嘅巴黎同2014年嘅巴黎做對比。BTW,遊戲畫面其實好正。

Read more ›
新片速報   emoji公仔入侵現實生活
by / on 18/07/2014 at 7:02 am

新片速報 emoji公仔入侵現實生活

玩WhatsApp目的之一就係用Emoji得意公仔?唔用emoji公仔就表達唔倒自己?emoji公仔已經成功入侵大家嘅生活,之前有emoji猜謎手機遊戲,又有藝術家將emoji公仔放入畫作,最近有人甚至將emoji公仔拍埋片,呢條「Emoji Among Us」短片,入面有我最常用嘅emoji公仔,睇見佢哋我覺得好親切,親切過見朋友。

Read more ›

emoji公仔跳入實景   落入藝術家手變高級
by / on 25/06/2014 at 9:25 am

emoji公仔跳入實景 落入藝術家手變高級

emoji公仔我哋成日喺WhatsApp用,不過落喺藝術家手效果即時高級晒。John Stoughton最近將一系列靚景相加入emoji公仔,實景加咗卡通公仔,感覺好得意。例如自由神像反轉咗個頭,上海東方明珠電視塔頂多咗個紅色大頭針,我最鐘意都係紅衣女沙灘跳舞嗰張,表現到一種孤獨嘅冷。

Read more ›
世界盃睇Google Maps    睇勻12個球場實景
by / on 06/06/2014 at 7:12 am

世界盃睇Google Maps 睇勻12個球場實景

倒數!仲有6日就到世界盃,今年要睇波經常要捱眼瞓到凌晨三、四點,好大鑊。斷估你同我都好難有機會親身飛去非洲睇波,Google Maps就開放咗12個比賽場地比大家入去感受吓足球氣氛部睇吓實景,有得360度旋轉睇勻全場,旁邊亦有球場簡介比你讀熟,可惜球場上無球星亦無觀眾,怪怪哋。嫌唔夠喉,可以睇埋26個巴西嘅最新街景圖,感受吓滿街塗鴉掛旗嘅氣氛,不過都係無人冷清清,得啲熱鬧裝飾,反而感覺有少少恐怖‥‥‥

Read more ›
Star Wars模型實景寫真   高質必睇
by / on 15/04/2014 at 7:19 am

Star Wars模型實景寫真 高質必睇

表達對Star Wars嘅愛有好多種方法,馬來西亞攝影師Zahir Batin就用佢最擅長嘅攝影技術,再加上幾隻Star Wars模型,影咗大量高質素嘅Star Wars實景相同大家分享。例如白兵遇上小雞仔、黑武士兵天雪地chok住擺甫等等,去佢嘅facebook仲可以知多啲攝影技巧,星戰迷必睇。

Read more ›
新宿實況影片 停下來為311地震默哀
by / on 11/03/2013 at 3:56 pm

新宿實況影片 停下來為311地震默哀

兩年前嘅今日,下午2時46分,就係日本311大地震發生嘅時間。兩年後今日,日本已經重新振作起嚟,但重建之路依然漫長……今日日本各地都有默哀儀式,喺本時極為熱鬧嘅新宿,就喺嗰一分鐘變得完全寧靜,睇呢條日本傳媒拍嘅影片,寧靜得只聽到相機的Shutter聲,忙住工作或者放學去玩嘅人都停低落嚟……

Read more ›