Post Tagged with: "密實袋"

【有片】密實袋Ziploc聯乘日牌Beams 超驚喜20號網上開賣
by / on 17/08/2018 at 7:17 am

【有片】密實袋Ziploc聯乘日牌Beams 超驚喜20號網上開賣

以聯乘產品嚟講,今次都算幾突破。專出密實袋嘅Ziploc最近同日本時裝品牌Beams合作,推出咗一系列透明產品,最驚喜係個透明背囊,示範影片仲裝咗全袋銀紙,睇見都想要!另外仲有腰包、帽、雨遮、圍裙等等嘅產品,全部都保留返Ziploc嘅透明設計再加密實封口,而家日本嘅Beams已經有得買,網店就8月20日開賣,想買嘅記住留意返嘞。

Read more ›

有片:野外求生唔使鑽木 密實袋一樣起到火
by / on 14/10/2016 at 9:45 am

有片:野外求生唔使鑽木 密實袋一樣起到火

野外求生,如何自救?最少,我諗起碼都要有一團火。卻原來,唔使辛苦鑽木,只要有一個透明密實袋都一樣可以生火,不過事前要收集到幾樣嘢,一,乾樹皮,將之壓扁,磨碎成粉狀;二,大小不一粗幼唔同嘅樹枝,越脆越好;三,枯草,不能太短,可以摺叠成一團,越乾越好;四,水。方法係密實袋入水兼紮成球狀,之後放喺太陽底下聚焦,靠熱力辣著粉狀樹皮,到一有煙出即鋪上枯草,再之後努力向枯草吹吹吹吹,增加氧氣助燃,到真正起到火嘞,就狂掟樹枝煲大團火。唔算好難,非常有用,女仔都搞得掂。

Read more ›
有片:鉛筆對穿密實袋!居然唔漏水!
by / on 02/09/2015 at 9:45 pm

有片:鉛筆對穿密實袋!居然唔漏水!

水遇冷變冰,遇熱變番水,再熱啲就變水蒸氣,大眾對水嘅認識,我諗大致都係咁上下。睇完呢條片,你會發覺原來水都可以咁好玩,密度、表面張力、顏色、水壓、溫度唔同,會做成千變萬化嘅物理反應同視覺效果。成條片最令我O嘴一幕係,裝滿水嘅密實袋畀幾支鉛筆對頭穿過,居然唔會漏水,呢鋪真係學吳若希話齋:「點解嘅?點解嘅?」唔係吹水,我有諗過自己試一次……

Read more ›
蠱惑密實袋   綠色霉菌防小偷
by / on 16/12/2013 at 7:02 am

蠱惑密實袋 綠色霉菌防小偷

如果你有個好為食嘅同房,或者好鐘意偷嘢食嘅同事,呢個特別版密實袋就好啱駛。表面睇佢係一個普通密實袋,但係其實佢有好蠱惑嘅仿發霉綠色圖案,用佢裝住嘅嘢,為食精應該會忌佢三分。網上有得買,一包25個賣美金$9.49,不過最怕係好心人以為真係發霉幫你順手掉落垃圾筒,到時就喊都無謂‥‥‥

Read more ›
密實袋變外套    潮人零食look
by / on 09/05/2013 at 7:09 am

密實袋變外套 潮人零食look

最近兩日狂風暴雨,不過又無颱風喎,激死。呢件用密實袋整成嘅外套,最啱而家嘅天氣著,相中幸運兒叫Jaya,件褸由佢老友Diane親自縫製,分明整蛊。件褸分成一格格,可以裝唔同零食,除咗好似相中人咁放薯片同聰明豆,仲可以玩大啲將夜晚食剩嘅pizza、朝早飲茶嘅蝦餃燒賣分格放入外套自創潮look,著住佢肯定好受朋友歡迎,不過點洗呢?

Read more ›