Tag: 家鄉雞

【有片】家鄉雞出太陽油 乾曬散發炸雞香味

每次經過KFC聞到佢陣炸雞味,都搞到我想入去食番件。雖然夏天過咗大半,但o依家都仲好啱去沙灘曬太陽,咁曬太陽一定要搽油啦,如果你覺得啲太陽油好難聞,咁呢個產品你應該好想要喇,就係「KFC Colonel Saunder’s Extra Crispy Sunscreen」炸雞味太陽油!有防曬效果,又會散發炸雞香味,喺沙灘嘅你仲唔引死人?之前官網話有3000支免費送,不過未見過有就已經送晒,又係繼之前炸雞指甲油後另一傳說中產品……

Read more ›

肯德基唔係雞? 直擊製作過程10個工序

成日有人質疑肯德基用嘅唔係真雞,繼日前麥當勞拍咗條直擊製作工場嘅片之後,KFC肯德基啱啱都玩直擊工場,今次去咗佢哋路易維爾嘅廠房,原來要製作炸雞需要經過10個工序,不過講真又同阿媽喺屋企炸雞嘅程序相差無幾,入嚟有GIF睇。唯一發現係我哋唔會喺屋企整倒家鄉雞,因為佢哋用嘅係特製調味料,另外佢哋用嘅真係雞(似乎係),最後就係嗰度嘅員工Lunch真係可以日日免費食炸雞,不過佢哋唔制。

Read more ›

【有片】雞迷必睇 肯德基上校現身1967年KFC驚嚇廣告 + 魔術手食雞廣告

係,我自細已經同肯德基建立深厚嘅感情,唔知點解,總係覺得上校個造型靠得住過麥叔叔,冇咁奸。講少少歷史先,KFC喺1930年於美國由Harland David Sanders上校(1890年9月9日-1980年12月16日)創辦,而啱啱就喺外國網站見到77歲嘅佢喺1967年嘅廣告現身,呢個廣告有班師奶捉咗佢,想威逼佢講出製雞方法,成個廣告好黑暗,嚇死小朋友!另外因為咁發現咗有個「KFC Videos #1頻道」,裏頭有勁多記錄片同廣告,當中仲有1991年NBA球星Magic Johnson拍嘅一個,係,佢出名鍾意食雞嘅……仲噴火。

Read more ›