Tag: 宣傳

【有片】日本佐賀溫泉宣傳片 長髮Model大尺度演出

好離譜,呢個由「佐賀県観光アプリ」發佈嘅新宣傳片「DOGANSHITATO?(どがんしたと?)」,竟然用一位黑色長髮Model嚟引誘旅客!成條宣傳片就影佢背面、側面嘅赤裸身體,仲要出埋浴巾誘惑,不過,去到中段我覺得有啲唔妥,點解YouTube會容許呢條有半裸鏡頭嘅影片出街?

Read more ›

新書裝計時炸彈 24小時要讀完 SWAT特種部隊戒備

睇書嘅人越嚟越少,出新書都要諗啲新招宣傳。外國小說家James Patterson最近即將出新書《Private Vegas 》,佢就諗倒喺本書上面裝個計時炸彈,抽中嘅一位讀者要喺24小時讀完本書,佢事前會約呢位幸運兒食晚餐順便送本書比佢,仲會有SWAT特種部隊戒備。另外呢,佢仲會送1千本網上版比讀者,一樣係限時24小時,電子鐘會計時,一夠鐘就會消毁本書,似乎幾刺激,亦證明而家出版業真係幾難撈。

Read more ›

食人腸開腦做甜品 手術遊戲另類宣傳法

本來呢隻iPhone遊戲《Surgeon Simulator》未必會留意倒,不過佢嘅宣傳手法夠爆,忍唔住令人望多兩眼。遊戲入面玩家要幫病人阿Bob做手術,官方就搞咗個晚宴做宣傳活動,仲搵埋真人扮阿Bob瞓喺床上,大家就食佢啲腸,口渴就飲平時驗尿嘅樽仔裝嘅黃色飲品,至於甜品就係切開嘅大腦!要食就要用較剪或者拑,無論食同睇嘅都覺得好刺激。好喇,我哋無份食,不過可以比$48買隻game玩吓,過吓醫生癮。

Read more ›

新片速報 《哈比人》再拍紐西蘭航空 佛羅多驚喜客串

紐西蘭航空,之前已經玩過兩次魔戒哈比人,嚟緊電影第三集就嚟上,係時候再拍返條新片。今次繼續拍飛行安全短片,不過陣容就超強勁,有飾演魔戒男主角佛羅多·巴金斯嘅Elijah Jordan Wood、演員Sylvester McCoy同埋導演Peter Jackson客串。空姐變女精靈教大家扣安全帶,半獸人教戴氧氣罩,緊急跳機嘅乘客可以臨危戴魔戒‥‥‥拍得有心機又食正哈比人橋段,好正。BTW,飾演甘道夫嗰位後生似乎流咗啲,好難唔笑。

Read more ›

網圖分享:搶眼宣傳 非一般的袋

喺呢個呃Like新世代,呃人氣又好,博上位又好,Hardsell甚麼甚麼都好,乜嘢都離不開「宣傳」兩個字,而隨購物附送嘅紙袋膠袋,只要肯花心思,絕對係一個Eyecatching嘅宣傳媒體,以下圖輯就係非常成功嘅例子。

Read more ›

新片速報 熱爆怪嬰周街嚇人 兩日200萬點擊

呢條恐怖BB片喺網上瘋傳,2日點擊已經過200萬。先有一架BB車喺街頭無人駕駛,突然間超邪惡嘅BB彈出,仲怪叫噴奶舉中指,嚇到途人依嘩鬼叫。唔駛驚虐B,因為個BB係假嘅,不過做到超像真,睇到尾先知原來係宣傳即將上映嘅電影《DEVIL’S DUE》。負責製作嘅公司Thinkmodo之前整過網上超多人睇嘅咖啡店鬼上身片,入嚟有回帶,今次依然keep倒水準,好波!

Read more ›

薑餅人殺人事件 壓爆頭超血腥

聖誕節又係薑餅人出動嘅時候,不過佢成日笑口噬噬懶友善,我對佢無乜好感,反而呢輯相將佢嘅邪惡一面表露晒出嚟就令我耳目一新。今次薑餅人將自己嘅同類用磨芝士嘅廚具壓碎爆晒血,甚至硬生生將對方個圖塞入多士爐,惡搞味極重,目的係宣傳外國一本恐怖雜誌《Fangoria》。食正聖誕熱潮又突顯倒雜誌嘅特性,好殘忍好正呀!

Read more ›

新片速報 坐吓有Tablet送 朱古力Kit Kat賣大包

食Kit Kat朱古力要鬆吓抖吓,但係估唔倒抖吓都有部Nexus 7平板電腦拎走咁爽皮!Kit Kat最近喺荷蘭街頭租咗幾塊廣告牌,上面離奇地有個座位,原來根據指示牌嘅時間坐上張椅抖吓,無幾耐就會有人送部tablet比你,就係咁簡單,易過中六合彩。睇片見倒路人即時飛撲上去坐定定,有啲仲兩個人迫埋一齊博有機會拎多部,睇落好緊張,唔太鬆吓抖吓,仲令我好葡萄o忝!

Read more ›

有片 放底手機三分鐘 齋企送冰凍啤酒

外國嘅宣傳計劃好有創意,仲幾濶佬㖭。之前介紹過機場有部咖啡機,行埋去打個呵欠就送你一杯Douwe Egberts咖啡,最新有呢個啤酒品牌Amstel Bulgaria,將部啤酒機放喺保加利亞首都Sofia嘅路中心,經過嘅人企埋去,三分鐘乜都唔做齋企,部機就會跌一罐冰涷啤酒送比你。目的就係想你放低部手機,感受三分鐘寧靜時光,好有heart。呢個品牌年初都喺酒吧搞過相似嘅活動,整咗個儲物櫃,各位入場飲酒前lock起部手機就會送你一pint啤酒,鼓勵你好好感受同朋友嘅歡聚時間,香港嘅酒吧會有無興趣效法?

Read more ›

內地手機玩佛祖 如來神掌八式變賣點

中國人嘅創意有時候真係令人O嘴,好似呢款由內地TOOKY京崎手機廠商推出嘅新手機「京崎K1」,5.7呎芒行四核,未算最頂尖,不過宣傳上居然用如來神掌八式作為宣傳賣點,例如第一式唔係佛光初現而係「指點乾坤」,即係touch screen啦;另外有一式叫「佛渡無量」,原來係標榜有1G RAM + 4G ROM嘅儲存,除咗佩服我都諗唔倒第二個形容詞,想知道萬佛朝宗即係咩?入嚟自己慢慢研究啦,我無佢咁好氣。

Read more ›

新片速報 百事魔術男凌空飛起 熱爆YouTube

最近百事可樂好忙碌,睇《World War Z》見倒畢彼特飲百事,上YouTube又見倒呢個百事宣傳嘅魔術短片。事緣百事搵咗魔術師Dynamo喺倫敦嘅巴士廣告牌旁表演凌空吊起,途人個個爭住影相拍片,迫住睇埋車身上嘅百事廣告,短片3日已經吸引150萬人睇過,十足睇緊真人版《非常盜》。其實魔術原理好簡單,嗰隻扶住車頂嘅手只係一隻假手,07年都有街頭表演者Johan Lorbeer嘅巡迴示範過,所以話橋唔怕舊。入嚟有拆解同埋回帶。

Read more ›

獵奇新片 狼狗上司 擔任P&G市場董事

P&G旗下品牌Old Spice,專出男士身體噴霧同埋清潔用品,宣傳策略一向了得,而且玩得夠盡。啱啱就宣佈任命Mr Wolfdog狼狗先生擔任市場部總裁,呢隻狼狗有Twitter有website有Tumblr,仲識拍片宣傳自己。喉嚨位裝咗變聲翻譯器,將狼話變英文,片入面狼生識計數識蓋印,仲識得熄燈食埋啲同事,越睇越似我上司。唔知佢出糧係咪出一噸鮮肉?今個星期仲會推出「適者生存」新片兼接受訪問,忙到呢。

Read more ›