Post Tagged with: "完美"

【新片速報】日本網民「完美奄列」煎法    400萬瀏覽Twitter熱傳
by / on 02/07/2019 at 7:26 am

【新片速報】日本網民「完美奄列」煎法    400萬瀏覽Twitter熱傳

通常都係睇落容易,自己落手落腳整就好難。日本有網民示範咗點樣整一隻靚奄列,睇落唔難,好想試!段片唔夠兩日已經有超過400萬瀏覽,好明顯日本人對整靚奄列好有興趣。入嚟有多啲樓主分享嘅小秘訣。

Read more ›

日本網民自製煎蛋     完美色澤用嚟做wallpaper
by / on 15/05/2019 at 7:30 am

日本網民自製煎蛋 完美色澤用嚟做wallpaper

日本人對蛋有一份執著,由玉子燒、溫泉蛋、蛋包飯、煎蛋,全部都係一門藝術。最近有網民自製咗一個佢形容為完美嘅「卵焼」,仲忍唔住用埋嚟做手機wallpaper,放上Twitter後好多人表示認同,有人仲問樓主可唔可以借嚟做wallpaper,似乎日本人對蛋真係好有愛。

Read more ›
Reddit用戶分享S10超正wallpaper    完美隱藏鏡頭
by / on 13/03/2019 at 7:17 am

Reddit用戶分享S10超正wallpaper    完美隱藏鏡頭

Samsung部Galaxy S10電話多咗個大大個鏡頭喺右上角,好礙眼?Reddit唔少用戶就諗到換返張靚wallpaper,將個鏡頭完美隱藏,由金正恩到神盾局局長到星戰都有,超高質!入嚟有得睇。

Read more ›
IG人氣甜品創造師      超爽示範「創造與破壞」
by / on 21/01/2019 at 7:32 am

IG人氣甜品創造師 超爽示範「創造與破壞」

有時睇人煮嘢食都幾治癒,日本有網民分享咗IG一段片,一開始完全唔知廚師整緊乜,睇吓睇吓就感覺到個廚師好勁,不過整完一輪最後佢一手破壞自己嘅製成品嗰下原來最爽!網民話佢完美表達咗「創造與破壞」嘅精神,入嚟有回帶。BTW,原片作者「toplessbaker」喺IG超高人氣,啲整甜品片全部都好正,每次都係親手創作出好特別嘅甜甜,然後喺片尾一手破壞佢,入嚟可以follow埋佢IG。

Read more ›
日本超正「炸蠔雪糕」 完美組合高度推介
by / on 29/10/2018 at 7:15 am

日本超正「炸蠔雪糕」 完美組合高度推介

日本岡山被譽為「日本首屈一指的牡蠣生產地」,佢嘅魚市場「五味の市」可以食新鮮生蠔、炸蠔,真係睇見都流口水,而最近仲有一個好特別嘅產品推出,就係炸蠔雪糕嘞!雪糕兩邊各自插住一隻炸蠔,一邊食蠔一邊點旁邊嘅雪糕嚟食,一冷一熱,有日本媒體親身試咗,話味道超好,去開嘅朋友記住試吓,而且一杯只賣300円,超抵!不過記住早啲去,間店賣完就會提早關門。

Read more ›
日本喵星人變成一個波     超完美圓形
by / on 06/10/2018 at 2:50 pm

日本喵星人變成一個波 超完美圓形

根本就係一個波嚟嘅!有日本貓奴分享咗幾張相,隻喵瞓到捲埋一嚿,仲形成咗一個完美嘅圓形,好叻。不過好快佢就發現咗俾人偷拍,唔好阻住我瞓晏覺啦。

Read more ›

日本完美肌肉喵星人 做完gym流完一身汗擺甫
by / on 01/09/2018 at 1:28 pm

日本完美肌肉喵星人 做完gym流完一身汗擺甫

做完gym流完一身汗,梗係要擺返個顯露自己一身肌肉嘅甫士影返張不經意嘅相。日本呢隻貓呢張相就俾到人呢種感覺嘞,網民都讚嘆呢隻喵一身肌肉同完美線條,而佢好似若有所思望出窗外嘅表情都令人有無限聯想,仲吸引網民出圖回應。

Read more ›
西日本豪雨後「道路修復」 完美重建網民激讚
by / on 23/07/2018 at 7:04 am

西日本豪雨後「道路修復」 完美重建網民激讚

早前西日本豪雨,好多道路斷裂、水浸。啱啱有網民分享咗幾張圖,廣島縣嘅國道2號線已經重新通車,之前陷沒嘅道路完全修復好,佢仲放埋對比圖,相隔兩星期,而家睇落就好似咩事都無發生過一樣,絕對要佩服日本人嘅復原能力。樓主仲話好感謝一班工作人員,因為最近日本天氣咁熱,要喺高溫下重修道路真係一啲都唔容易。

Read more ›
喵星人「完美圓形」圖集 捲埋瞓覺超可愛
by / on 11/04/2018 at 8:09 am

喵星人「完美圓形」圖集 捲埋瞓覺超可愛

喵星人瞓覺鐘意捲埋一嚿,日本呢隻喵就捲成一個好圓嘅圓形,完美無縫,之後有網民貼圖分享,原來佢哋啲喵都得,一個一個圓形超可愛。

Read more ›
日本網民分享「乙女椿」 超完美靚花Twitter熱傳
by / on 20/03/2018 at 8:58 am

日本網民分享「乙女椿」 超完美靚花Twitter熱傳

最近係花開嘅季節,除咗賞櫻花之外,日本人仲會欣賞其他花,例如噚日報導過嘅梅花園,同埋呢朵好靚嘅「乙女椿」。有網民見到屋企樓下嘅公園有呢朵花,仲開得好靚好完美,之後其他網民分享白色嘅版本,一樣好靚。大家可以留意自己附近嘅風景,賞唔到櫻一樣有好多靚景可以欣賞嘅。

Read more ›
有片:巨乳唔係大晒 歷史上的理想女人身形
by / on 31/01/2015 at 8:00 pm

有片:巨乳唔係大晒 歷史上的理想女人身形

審美眼光隨年代轉,依家有事業線者有事業,君不見大中小明星奀星暗星紙上明星嫩模老模,莫不拋胸露罅晒長腿以博見報?但你又無諗過,如果周秀娜生於意大利文藝復興年代,佢嘅魔鬼身材根本無男人會睇上眼?睇完呢條片,我先知原來喺古埃及,無膊頭嘅女人先係最靚;喺古希臘,女人生到成尊佛咁成叫索;喺漢朝呢,幼腰細腳大眼妹為絕色;喺意大利文藝復興時期仲爆,象腿配水桶腰加麒麟臂先多男人鍾意;喺英國維多利亞時期,男人似乎最睇重女人有無巨躉;踏入二十年代,瘦就係美;去到荷李活黃金時期,瑪莉連夢露就係天使魔鬼混合體嘞;六十年代又一個循環,男人鍾意番啲高瘦平女人;八十年代係超模年代,追求健康性感,上中下三段段段有之餘,仲要符合比例;九十年代,瘦到見骨先叫性感,真係難為了女人,食嘢彷彿係罪;去到今日嘞,唔使講喇,巨乳係基本要求,腳要長腰要幼,先為之「Ideal Body Type」。

Read more ›

圖集 完美爆笑時刻 影在慘劇發生前
by / on 07/12/2013 at 7:44 pm

圖集 完美爆笑時刻 影在慘劇發生前

影相可以留低最美一刻,不過好多時會唔覺意影低最爆笑嘅一刻,例如笑住影合照點知頭髮著火、又或者坐嘅位置歪咗導致女身男相,再唔係臨食波餅前大家面容扭曲嘅樣‥‥‥呢一刻好難補捉,而通常影完相後,悲劇就會發生。精選咗45張來自網上嘅完美時刻,鐘意幸災樂禍嘅會睇得特別開心,例如我。

Read more ›