中國木製過山車 世上第一尖叫機器

過山車恐怖,中國製嘅過山車更恐怖,呢個仲要係木製,難怪日本網民形容「未坐已經尖叫!」呢個位於中國安徽省蕪湖市嘅木製過山車「叢林飛龍」,聲稱係中國東部最大嘅過山,全長1060米,高32米,最高時速91公里,最近比日本網民熱烈討論,有人話:「想自殺嘅請去吧!」、「會急速下滑到地獄!」、「如果出咗事可以一把火燒埋佢,好合理嘅設計!」,其實日本三重縣嘅Nagashima Spa Land都有木製過山車White Cyclone,不過啲木係白色嘅,感覺無咁原始,最重要係製造地點,中國喎,木製喎,時速91公里喎,真係未玩已經尖叫。

Read more ›