Post Tagged with: "宅男"

理想與現實 日本宅男形象圖Twitter熱傳
by / on 13/09/2018 at 7:18 am

理想與現實 日本宅男形象圖Twitter熱傳

可能係時代轉變咗,又或者係之前電影《電車男》嘅造型太深入民心,一講起宅男嘅造型,大家都會聯想起格仔恤衫攝入牛仔褲再揹背囊。日本呢位網民就做咗個對比,左邊係宅男嘅一般形象,而右邊呢,就係實際上嘅宅男,白Tee再加件外同側揹袋,好貼地!好多日本網民留言表示贊同,仲推介另一款必入手嘅袋,入嚟有得睇。

Read more ›

【多圖】日本女偶像單眼攬頸 網民:「好易令宅男誤會」
by / on 26/05/2016 at 7:12 am

【多圖】日本女偶像單眼攬頸 網民:「好易令宅男誤會」

日本女偶像富田真由俾男粉絲刺傷震驚整個日本,啱啱喺2ch有網民就放咗啲其他握手會嘅圖,話啲偶像單眼又攬頸,好易令宅男誤解。其實近年日本偶像嘅宣傳手法越嚟越激,例如買2000隻CD就可以同偶像去浸溫泉,1000隻就可以共晋晚餐,挑戰粉絲定力。希望今次事件會令偶像們嘅公司檢討吓而家嘅方案,或者最少一定要加強保安嘞。

Read more ›
【偽毒可恥】你中唔中?日本雜誌列出10種「現充宅」特徵
by / on 27/01/2016 at 10:35 pm

【偽毒可恥】你中唔中?日本雜誌列出10種「現充宅」特徵

o依家呢個世界,唔只香港,日本都偽毒橫行。喺2ch,就有人出咗一張雜誌圖,入面列出「リア充オタク」10種特徵,包括「周圍同人講自己係宅男」、「認為自己好潮好有型」、「現實中有女友,亦有二次元女友」等等……咦?嗊嘰?之後網民就留言話:「嗰啲係偽毒?」「咁即係睇小毒男啫?」

Read more ›
【你的樣子如何】日本醜男大集匯 毒L一定醜嗎?
by / on 22/10/2015 at 7:12 am

【你的樣子如何】日本醜男大集匯 毒L一定醜嗎?

呢類型嘅醜男貼圖post都唔係第一次見,但每次都好多人睇,最近日本網友又喺2ch放咗大量醜男圖出嚟,個題就叫:「你哋真係生得咁醜?」其中右下角嗰個好經典,大家應該喺網上見過,其餘嘅都各有特色,不過其實毒L唔一定醜嘅,好多金融才俊同政府高官都好L樣衰啦。

Read more ›
日本紅十字會專吸宅男血     歷年海報回顧
by / on 08/10/2015 at 7:12 am

日本紅十字會專吸宅男血 歷年海報回顧

日本紅十字會好早已經打宅男嘅主意,經常用動漫角色做海報引大家去捐血,捐完血又有動漫嘢送喎,由於反應熱烈,所以每季都會同唔同嘅單位合作。最近日本2ch就放咗兩張捐血現場相,睇見連捐血都要舉牌話額滿就知反應超好。網友們仲發力搵返歷年紅十字會嘅動漫主題招募海報,除咗萌萌嘅角色之外,仲有One Piece同戰國無雙,識睇當然睇埋留言:「如果有美少女因為事故要輸血,諗起啲血可以輸入去就覺好興奮嘞!」、「宅男嘅血雖然不潔,但肯定安全啊!」官方仲出咗隻吉祥物,睇落幾可愛,應該想連女仔嘅血都吸埋。

Read more ›
【2ch】85/95/現在 日本宅男房間對比圖掀話題
by / on 26/09/2015 at 6:38 pm

【2ch】85/95/現在 日本宅男房間對比圖掀話題

85年你出咗世未?我出咗,不過未有自己間房,95年都未有,所以好難投入到呢個想像空間。日本2ch最新就有人放咗呢張1985年、1995年同o依家嘅宅男房間對比圖。有人問點解冇2005年,有人就答其實2005年同2015年差唔多;咁到2025又會點?到時應該係喺一間無菌房間戴住VR眼罩……仲有就係日本網民話日本75年好少人有自己一間房,而且當時係文青年代,85年幅圖就爭部Walkman同榻榻米地板……你間房又點先?

Read more ›

【神級宅】27年無出街       日本超級宅男成網上熱話
by / on 20/07/2015 at 7:35 am

【神級宅】27年無出街 日本超級宅男成網上熱話

鍾意留喺屋企做宅男宅女無問題吖,不過呢位日本嘅真樹先生就比較極端,43歲,同媽咪同住,27年嚟每日都留喺屋企唔出街,啱啱佢成為咗7月19日播映嘅富士電視台節目「ザ・ノンフィクション」嘅主角,仲引起日本網友熱烈爭議。佢每日嘅主要節目係睇電視同報紙,無手機無電腦,傾訴對像只有69歲嘅媽媽,節目中佢透露有時都會覺得有孤獨感。網友就話叫佢千祈唔好買電腦,因為終於踏出街買完電腦返到屋企之後,佢應該會變得更加宅‥‥‥但係節目尾聲似乎講佢已經踏出第一步買咗電腦練習緊。BTW,個人認為上網識多啲網友,可能對佢嘅情況有幫助喎。

Read more ›
新片速報 「ヲタ芸」教學 1小時可學懂?
by / on 02/07/2014 at 3:57 pm

新片速報 「ヲタ芸」教學 1小時可學懂?

真心,其實我覺得「ヲタ芸」真係好有型,絕對將宅男嘅潛力發揮晒出嚟,淋漓盡致。你想唔想學?呢條片有就有去上野公園求教,而呢班高手就用咗1個小時嚟教佢……入夜之後,出手喇!將你學到嘅嘢全部爆發出嚟啦!

Read more ›
瘋狂假面   整容漂白變Superman   16年狂整19次
by / on 10/09/2013 at 7:13 am

瘋狂假面 整容漂白變Superman 16年狂整19次

女人去韓國整容聽得多,不過堂堂大男人,走去同醫生講:「我想整到Superman咁。」真係要相當大嘅勇氣 。呢個菲律賓男仔Filipino Herbert Chavez 5歲開始迷上電視上嘅Superman,35歲終於完成變身,將自己徹底改造成飾演超人嘅明星Clark Kent,手術包 括漂白膚色、隆鼻整下巴等等,總共用咗16年,做咗19次手術!好彩手術費全免,因為醫院決定用佢嚟做生招牌,佢亦樂此不疲著上最愛嘅超人服飾落力宣傳。睇見佢嘅蝦餃下巴,我淨係覺得好心寒。

Read more ›
精品宅男盛夏祭 減價囡囡玩嘆息之牆
by / on 15/07/2013 at 8:15 pm

精品宅男盛夏祭 減價囡囡玩嘆息之牆

今個星期走落深水埗精品, 馬上會見到一面嘆息之牆玩封路, 不過佢唔係用星矢砌嘅, 而係用開心好多嘅囡囡砌成, 女僕、法師、學生妹、三點式……有Q版、有成人, 真係唔理你鍾意邊個Type, 都一定走唔甩; 最開心係全部做減價, 絕對係宅男盛夏祭, 而且好多都係新返冇耐, 價位件件減過百, 如果嗜此道者, 落去真係要好少小心!

Read more ›