fbpx

Tag: 孫威軍

孫威軍新作《宇宙花園》 面書逐格連載要撐

孫威軍新作《宇宙花園》 面書逐格連載要撐

孫威軍推出新作《宇宙花園》,依家喺面書連載到第八格。係,係「格」,佢一格一格咁畫,一格一格咁掟上面書,所以故事進度會比較緩慢。好唔好睇?公仔OK、字唔多,睇得舒服,不過故事暫時尚在開首階段,所以難下定論。支持本地創作,可以亦應份一撐。

Read more ›

網圖分享:2016港漫人的聖誕賀圖

網圖分享:2016港漫人的聖誕賀圖

一年容易又聖誕,2016年話咁快又得番幾日,普世歡騰嘅日子,大家好應該過得得開開心心,之前有乜不快,唔該統統抹晒佢。港漫人出聖誕賀圖,排名不分先後──王澤、Eric Chow、何志文、杜比、Chan Ming、Cuson、孫威軍、馬遜、鄧本邦、廖光祖、Jim Lai、是但哥、黃國興、門小雷、林祥焜、丹青、黃水斌、邱福龍、崔成安、Tommy Lin──請慢慢欣賞,本網站仝人亦祝大家聖誕快樂,新年進步。

Read more ›
網圖分享:高水準鬼月賀圖晒冷 野士創工送《屍殺列車》記事簿

網圖分享:高水準鬼月賀圖晒冷 野士創工送《屍殺列車》記事簿

睇咗《屍殺列車》未,我未睇,朋友話好好睇,所以我都打算睇。為宣傳,電影公司搵嚟埋野士創工合作,先喺農曆七月十四鬼節開始出「鬼月賀圖」,之後再由8月24日起至今日,玩有獎競猜遊戲,每日頭十位估中賀圖畫緊乜,即送謝森龍異限量版《屍殺列車》翻頁動畫記事簿一大本。記事簿固然靚,我都好想據為己有,但查實賀圖本身都好有水準,值得大家慢慢欣賞。

Read more ›
八大主筆合繪!撐港漫!撐《童年同樂》!

八大主筆合繪!撐港漫!撐《童年同樂》!

見識少,真係唔知道上年原來有本專「繪出70、80後情懷」嘅《童年同閱》,今年再接再厲,出第二期取名《童年同樂》,同樣屬綜合漫畫,內容有漫畫、四格同繪本有,都係講番啲快被遺忘嘅童年趣事,我等七十後屋村仔應該好啱睇。望望主筆陣容,有蚊張、姜智傑、鄧俊棠、Man藏、白水、思詩同棉棉蜂,封面由孫威軍繪畫。係,唔講大話,當中我淨係欣賞過蚊張、白水同孫威軍嘅作品,至於Man藏,係咪即係曹志豪?估中無獎!估錯勿插!話晒有八個主筆參與,成日將「支持港漫」掛喺口邊嘅你,係咪好應該課金捧捧場先?書展推出,每本$88。

Read more ›
網圖分享:港漫人出賀圖賀聖誕

網圖分享:港漫人出賀圖賀聖誕

Merry Christmas!今晚諗掂去邊度玩未呀?聖誕節應份開心,平時做嘢咁辛苦,反正聽日又係公眾假期,今晚一於玩到盡,唔醉唔好返屋企呀。好,換衫出發開Party之前,不如睇埋呢輯港漫人聖誕賀圖先,本網站都祝大家聖誕快樂,新年進步。

Read more ›
網圖分享:白衣厲鬼摑龍蝦 港漫人作畫靚抽

網圖分享:白衣厲鬼摑龍蝦 港漫人作畫靚抽

  呢兩日鬧得最沸沸揚揚嘅新聞,一定係萬聖節白衣厲鬼怒摑龍蝦,花生友固然當鬧劇咁睇,本地漫畫人孫威軍、Cuson、阿Cheap、DDED、爵爵&貓叔、Hello Wong、賤人新世紀亦群起出手作畫,抽到大西洋都乾。鍾意嘅記得入去佢哋facebook讚一讚!

Read more ›

逛K11睇靚畫 孫威軍x Cuson畫展加場

逛K11睇靚畫 孫威軍x Cuson畫展加場

原本唔打算報呢單News,因為知道消息嗰陣已經過晒期,點知呢,因為反應熱烈,所以孫威軍同Cuson喺K11舉辦嘅「Creativity with a single touch」聯展得以延續至9月初。咁就好囉,唔使同人逼又有冷氣嘆,呢個禮拜有好節目囉。Cuson畫作不嬲風趣幽默,今次會展出11幅畫作,其中有兩幅係新畫嘅;至於孫威軍呢,佢喺面書咁話:「展出嘅畫當中,呢張係我為K11畫嘅,當中嘅含意……唔駛諗咁遠,好簡單,就係“愛”囉~」Fine,一於睇吓又有幾「愛」先?

Read more ›
Cuson x 孫威軍開班 教漫畫創作技巧

Cuson x 孫威軍開班 教漫畫創作技巧

係咁意畫幅圖掟上網,呃到三五百個Like就自稱漫畫家?No喇,「漫畫家」呢三個字唔係人人擔當得起,至少,要好似Cuson同孫威軍咁,有一定知名度、出過實體書、接受過媒體訪問,咁先可以名正言順以漫畫家稱之。兩人家陣開班授徒,Total四堂六個半鐘,課程內容包括繪畫真人卡通化秘技、人物同背景嘅關係同用色概要、故事流程及分鏡、數碼軟件勾線及落網技巧等等,學費每位$1800,5月2日前報名平$180,有興趣拜佢哋為師的話,報名要快。

Read more ›
孫威軍「憤怒龍貓圖」 變海報免費索取

孫威軍「憤怒龍貓圖」 變海報免費索取

只恨阿政協大媽唔周幾日襲警訓街,如果唔係,我諗喺孫威軍幅「龍貓憤怒圖」裡面,一定見到佢蹤影。「龍貓憤怒圖」上周五製作成易拉架,豎立喺老旺佔領區,人人讚好,人人爭住影相留念,孫威軍有見及此,趕製五百幅海報落區派發,點知一分鐘唔夠派完。有見如此受歡迎,家陣決定再加碼,最新一批海報已經進駐界限街24號地舖「基隆茶餐廳」,坐低,求其嗌杯嘢飲即送,勿忘初衷之餘,也勿忘向老闆免費索取海報呀老友。

Read more ›
網圖分享:表態筆伐 港漫人的心聲(十一)

網圖分享:表態筆伐 港漫人的心聲(十一)

犀利喇,唔知收咗幾多錢呢?三丁友夠膽死公然向黎智英淋豬雜,以為爆兩句粗就可以甩身呀,咪衰到俾人撳喺地硬食閃光燈囉,呢鋪光祖耀祖啦,上硬A1頭條咯。小弟雖然人微言輕,但亦不禁振臂疾呼:「肥佬黎,千其咪向惡勢力低頭呀。」表態筆伐,仲有大把港漫人撐你呀,睇畫喇──

Read more ›
網圖分享:筆伐表態,港漫人的心聲(九)

網圖分享:筆伐表態,港漫人的心聲(九)

港漫人的心聲去到第九輯,畫作日日推陳出新,絲毫不見緩下來之趨勢,數目越來越多之餘,質素仲越來越勁。唔講邊個就講Man僧同馮展鵬,一個畫摺起褲腳嘅習總,一個畫挺住個大肚腩嘅江澤民,兩位領導齊齊撐起黃雨傘,精湛畫功絕對值得Save as wallpaper,好勁,真係好勁──

Read more ›

網圖分享:筆伐表態 港漫人的心聲(七)

網圖分享:筆伐表態 港漫人的心聲(七)

誰說太陽底下無新事?鑊鑊新鮮鑊甘至真,每朝訓醒睇面書,都總有嘢令我O晒嘴。威咯,呢鋪真係光宗耀祖咯,圍《生果日報》已經夠薑,今劑玩到連記者都打添,如此打壓新聞自由,邊個係暴徒,邊個收咗錢做嘢,邊個有心令香港亂上加亂,我諗都唔使再解釋嘞啩,沉默的大多數,呢劑又點睇呀?無眼睇呀,睇吓港漫人的心聲喇──

Read more ›
學員畢業 動漫節出《漫畫大師班畫集》

學員畢業 動漫節出《漫畫大師班畫集》

邊行都好,最怕青黃不接,港漫有過光輝歷史,我哋作為讀者嘅,都希望港漫可以繼續發熱發亮,馬榮成算唔話得,幫新一代準漫畫家推銷新書,呢本《漫畫大師班畫集》,好值得大家捧場。

Read more ›
《宮本武藏的末世傳人》第三期$38

《宮本武藏的末世傳人》殺人的藝術

拿,真係無收錢,唔係賣廣告,我覺得《宮本武藏的末世傳人》係十分十分好睇嘅,好簡單,隔成三幾個月先出一期,我都仲記得故事講乜,足以證明故事有番咁上下吸引力。

Read more ›
創刊號《宮本武藏的末世傳人》$48

《宮本武藏的末世傳人》出年先出第二期?

未睇過《宮本武藏的末世傳人》小說,唔敢斷定孫威軍畫嘅漫畫版是否跟足原著,如果真係無任何刪減改動的話,咁小說作者天航真係幾難能可貴,作為一個理應被影像寵壞荼毒到漠視文字存在嘅九十後,呢本小說可讀性應該相當高。

Read more ›