Post Tagged with: "孖寶兄弟"

【新片速報】日本網民超勁筆記本       重製孖寶兄弟全版關卡
by / on 10/02/2019 at 10:23 am

【新片速報】日本網民超勁筆記本 重製孖寶兄弟全版關卡

好勁!有日本網民喺自己本筆記簿度,重新繪製返Super Mario Bros嘅全版關卡,中間超流暢,仲有埋食菇變大、食星星加速等等嘅效果,好癲!入嚟有片睇。

Read more ›

新片速報 瑪利奧大叔學超音鼠 360度疾走卡關
by / on 07/08/2015 at 7:09 am

新片速報 瑪利奧大叔學超音鼠 360度疾走卡關

老鬼機迷睇呢條片應該幾有共鳴,YouTuber Dorkly好鍾意惡搞《孖寶兄弟》,最近又有新片,主角照舊都係Mario大叔,玩嘅係好似平常嘅《孖寶兄弟》咁,不過就加咗超音鼠元素,例如最經典嘅超音鼠360度疾走圓圈路線,Mario大叔都有照玩,不過就卡晒關,但係啲回憶就湧晒出嚟。

Read more ›
有片  16位勇士辭工絕招     厚顏無恥高官必睇
by / on 29/10/2014 at 7:13 am

有片 16位勇士辭工絕招 厚顏無恥高官必睇

有啲人厚顏無恥,戀棧高位賴死唔走,好想同佢講句:「你扯吧啦。」不過有人就頂唔順無賴上司高調炒老闆魷魚。之前有台灣動新聞嘅鬼妹編輯拍晒片劈炮唔撈而大紅,入嚟仲有其他15位勇士辭工嘅絕招,最正都係有人整咗隻孖寶兄弟遊戲比老細,玩到最後就知佢要辭職;另外仲有人整蛋糕,有人賣晒廣告,睇完都係想同唔肯走嗰位講:「辭工啦,你扯吧啦。」

Read more ›
幽默插畫  《教父》玩加菲貓   木偶仔鑽木取火
by / on 04/09/2014 at 7:11 am

幽默插畫 《教父》玩加菲貓 木偶仔鑽木取火

幽默感嘅嘢有時真係與生俱來,好似呢位叫Ben Chen嘅插畫師,就將大家耳熟能詳嘅動畫角色、遊戲人物改頭換面,變成充滿幽默感嘅插畫,例如兩個原始人用木偶仔個鼻嚟鑽木取火、街霸印度佬用Yoga Fire點蠟燭,仲有經典電影《教父》抱住嘅‥‥‥加菲貓?!

Read more ›
Mario 大叔Figure第二擊   Luigi大叔配食人花出場
by / on 30/07/2014 at 7:59 am

Mario 大叔Figure第二擊 Luigi大叔配食人花出場

S.H.Figuarts五月時都出過Mario大叔套裝,仲極之搶手,有買咗嘅玩家大讚好玩。好喇,係時候再出新系列賺多啲金幣,最新公佈就係網上好紅嘅Luigi大叔同埋配件組C餐,C餐有齊食人花、紅水管,仲有我最憎嘅黑殼龜,有咗佢哋,就可以隨時將Luigi大叔放入水管,或者同先前買嘅Mario大叔、陣容。 

Read more ›
有片   孖寶1up又有bug   無限加隻數新景點
by / on 22/06/2014 at 1:06 pm

有片 孖寶1up又有bug 無限加隻數新景點

以前打孖寶兄弟,最開心係搵倒1up位,尤其是有Bug可以狂攞1up嗰啲,日本YouTube頻道Games Haya咁多年嚟仲不停搵緊《Super Mario Bros.》入面1up嘅Bug,最近又比佢搵倒一個,喺1-2關卡入面,仲拍埋片親身示範,而家已經有150萬點擊,睇嚟大家都好懷念1up嘅bug,我都好想開機試吓呀!

Read more ›

有片  孖寶兄弟Transformer   唔係山寨有根據
by / on 10/05/2014 at 1:09 pm

有片 孖寶兄弟Transformer 唔係山寨有根據

第一眼見倒呢兩隻孖寶兄弟嘅Transformer我真係嚇一跳,好有山寨feel。不過睇返介紹,原來追溯到2009年,當時負責《變形金剛》角色設計嘅Derrick J. Wyatt,喺網上公開嘅第三季角色構想圖,入面的確有兩隻好似Mario同Luigi嘅變形金剛。雖然最終無成事,但就引起好多人熱烈討論。好喇,最近有個玩具人Mech iDeas決定將佢哋變成真嘅figure,就係呢兩隻特殊風格嘅變形金剛孖寶兄弟,網上有得預訂,開價美金$50。各位孖寶或者變形金剛fans,有無興趣入手?

Read more ›
新片速報   48隻水杯演奏孖寶配樂
by / on 17/04/2014 at 7:11 am

新片速報 48隻水杯演奏孖寶配樂

西人真係寧舍得閒,好似呢位Dan Newbie就用咗48隻水杯、兩支鉛筆同埋一個煎pan,敲擊出孖寶兄弟嘅經典配樂,原來呢種方法演釋出嚟嘅孖寶配樂都幾好聽!作為由細打孖寶兄弟打到大嘅我哋,齋聽音樂都好有親切感。可惜入水管嗰吓聲,敲水杯都做唔返出嚟,唯有用返原聲囉。

Read more ›
Red Bull X 孖寶兄弟?  蘑菇 / 無敵星補充體力
by / on 08/04/2014 at 7:20 am

Red Bull X 孖寶兄弟? 蘑菇 / 無敵星補充體力

眾多品牌之中,Red Bull出名玩得,而且對於機迷嚟講,通宵打機嘆返罐的確有助提神。所以Red Bull推出呢個孖寶兄弟特別版系列都好合理。我最欣賞係每罐都係孖寶入面增強實力嘅食用品,例如增高蘑菇、噴火花、無敵星、飛天葉等等。如果真係出我都想買返套。係,呢個只係秘魯設計師Jhonatan Ayala嘅概念設計,Red Bull不如認真考慮吓,我諗好多機迷想買返套擺喺屋企,而且肯定唔捨得飲。佢哋仲設計整咗個sexy edition,有GIF,公主打晒格仔好刺激,入嚟有得睇。

Read more ›
新片速報   超級瑪利喵     貓爪玩謝敵人
by / on 06/04/2014 at 2:39 pm

新片速報 超級瑪利喵 貓爪玩謝敵人

瑪利奧大家玩得多,如果主角變咗係隻喵會點?外國YouTuber Mr.TVCow拍咗條片叫Super Mario Cat,有貓有特技,隻曳爆黑貓走到入孖寶世界繼續高竇,有金幣唔食有問號唔頂,一心只係想伸爪玩死幾隻敵人,轉頭踩吓龜殼,出名身手敏捷嘅貓貓點會比彈返轉頭嘅龜殼陰倒?梗係一嘢跳起避開咗,最正係搵啲花嚟玩,好切合貓大哥嘅個性,貓貓呀,啲花唔可以亂食o架,會中毒o架。

Read more ›
動漫人物以邪代萌,超恐怖!
by / on 14/01/2014 at 10:00 am

動漫人物以邪代萌,超恐怖!

理論上同實際上,經典動漫人物必定色彩豐富,造型要不萌爆要不就型英帥,總之做得主角就好少一身邪氣,而當萌爆主角一變邪牌,原來恐怖指數可以幾何級咁上嘅。

Read more ›

公主營救瑪利奧    巨型雕塑反傳統
by / on 10/10/2013 at 7:11 am

公主營救瑪利奧 巨型雕塑反傳統

平時瑪利奧救公主救得多,估唔倒佢始終都要Game Over,波蘭藝術家Kordian Lewandowski整咗呢尊高過人嘅巨型雕像,今次輪到公主做主角,瑪利奧就係配角,仲要係死咗嘅配角。甫士情景明抄米高安哲羅嘅著名雕塑「哀悼基督」(Pietà)。不過Kordian居然用鋸作為製作雕像嘅主要工具,呢點相信原作者米高安哲羅都做唔倒。

Read more ›
方糖砌8-bit圖     重造孖寶場景
by / on 02/10/2013 at 7:14 am

方糖砌8-bit圖 重造孖寶場景

細過有無試過攞一粒粒嘅太古方糖出嚟玩?我試過,仲比阿媽鬧到飛起。其實睇真啲,一粒粒嘅方糖好適合用嚟整8-bit畫面,俄國攝影師Dina Belenko就用佢哋嚟整成孖寶兄弟、俄羅斯方塊、食鬼同埋Space Invaders等場景,幾有諗頭。除咗方糖,佢仲用咖啡甚至威化餅砌公仔,比阿媽見倒實鬧死。

Read more ›
孖寶兄弟主題房     幸福囡囡隨時開機打
by / on 19/09/2013 at 7:09 am

孖寶兄弟主題房 幸福囡囡隨時開機打

而家啲小朋友係喺Angry Birds、Candy Crush嘅世界下成長,孖寶兄弟?仲有細路仔玩咩?外國有個機迷爹哋,決定將自己囡囡間房變成瑪利奧主題,熟悉嘅過版拉旗畫面,跳高頂龜都有,我懷疑佢當滿足自己童年願望。BTW,佢總共用咗70小時完成今次巨作,間房開燈時仲會有瑪利奧經典音樂,仲有,門口有部電視長播瑪利奧遊戲,任何時候都可以開機玩,爽。

Read more ›
開心街頭藝術    薩爾達水渠蓋   垃圾筒變鬼臉
by / on 15/09/2013 at 2:07 pm

開心街頭藝術 薩爾達水渠蓋 垃圾筒變鬼臉

設計師Aiden Glynn好鐘意整古作怪,之前試過將孖寶兄弟嘅蘑菇,key入超級市場蔬菜櫃。最近轉移目標,為街邊嘅垃圾筒、水渠蓋,加對眼伸條脷,令佢哋變cute晒。我最鐘意係薩爾達水渠蓋,咁啱比佢搵倒個三角形標誌,好襯。

Read more ›