Tag: 媽咪

【新片速報】日本媽咪1:1紙牌測試    防止1歲兒爆喊

【新片速報】日本媽咪1:1紙牌測試 防止1歲兒爆喊

小朋友見少媽咪一陣都會喊,好似日本呢位1歲嘅痴身小朋友,為咗防止佢爆喊,屋企人諗到整呢個1比1等身高嘅媽咪紙牌楝喺屋企,效果超正!仲有站立同坐低兩款,睇落好和諧,小朋友無爆喊,樓主話最終維持到20分鐘,入嚟有片睇。

Read more ›

日本媽咪用「恐怖手機wallpaper」 阻嚇小朋友偷手機玩

日本媽咪用「恐怖手機wallpaper」 阻嚇小朋友偷手機玩

今時今日啲小朋友最鍾意拎呀爸呀媽部手機嚟玩遊戲,日本呢位媽咪就諗到個解決方法,就係將個wallpaper轉咗做呢款面具「能面」,果然成功嚇走個小朋友,不過第二日已經無效嘞,於是佢再換其他面具。件事放咗上Twitter後好多人RT,有人建議佢下次轉用恐怖片嘅「貞子」,有人建議佢用識眨眼嘅GIF,相信佢個小朋友好快變到百毒不侵,乜都唔驚。最驚就係無手機用。

Read more ›
【相集】外國媽咪自製可愛食物 超強創意講求健康

【相集】外國媽咪自製可愛食物 超強創意講求健康

有個識整嘢食嘅媽咪真係好幸福,外國呢位媽咪Laleh Mohmedi更加係高手之中嘅高手,整乜似乜,而且食材超多樣化,作品包括海棉寶寶、Minion、白雪公主、功夫熊貓、怪獸公司嘅毛毛等等,全部都難佢唔到,而且食材配搭仲好豐富,佢標榜全部都係健康食材好有益,入去佢IG有多啲食品睇。

Read more ›
日本輪盡媽咪分錯便當 兩兄弟慘痛經歷Twitter熱傳

日本輪盡媽咪分錯便當 兩兄弟慘痛經歷Twitter熱傳

有媽咪整便當真係一件好幸福嘅事,不過如果媽咪輪盡嘅話‥‥‥最近有日本網民分享咗佢嘅慘痛經歷,喺Twitter好多人RT。佢同細佬分別有兩盒便當,本來一盒飯一盒餸好合理,不過打開後發現媽咪搞亂咗,將相同嘅飯盒放埋咗一齊!而家一個有兩盒白飯,一個有兩盒餸。睇返啲餸其實好好味,有牛肉、玉子、炸物同前菜,淨食餸應該都夠飽,不過食白飯嗰位就‥‥‥

Read more ›
日本媽咪Red King當首飾架      物主無奈Twitter熱傳

日本媽咪Red King當首飾架 物主無奈Twitter熱傳

日本嘅媽咪好有創意,經常將屋企嘅物品循環再用,之前有網民隻「星之卡比」公仔俾呀媽用咗嚟插大頭針,最近又有另一位受害者,有網民屋企有隻Red King(レッドキング)模型,點知呀媽可能見擺喺度無乜用,竟然用咗佢嚟掛頸鍊‥‥‥咆哮嘅怪獸配埋啲珍珠頸鍊,變咗個癲佬,突兀得嚟仲超搞笑,難怪喺Twitter好多人RT。

Read more ›