fbpx

Tag: 姜崢

讀者不忿姜崢死要脅Cut《山海逆戰》 邱福龍開Post回應

讀者不忿姜崢死要脅Cut《山海逆戰》 邱福龍開Post回應

原來唔只我唔捨得,看來《山海逆戰》姜崢之死真係惹來好大回響。話說邱福龍喺面書開Post,話就長短手之死收到讀者傳真,內容話佢:「十分變態⋯⋯害死咁多好人,係咪為咗谷書而專登死人?」難得龍少無動氣,仲保證姜崢之死絕對有後著,兼好禮貌咁話:「希望呢位讀者唔好口中咁講cut我書。」就此事,可以睇到三點。一,《山海逆戰》係好睇嘅,唔好睇的話就死邊個邊個都無人理喇,證明此書喺廣大港漫迷心目中始終有好高地位,亦證明姜崢呢個角色週塑造得好成功,牽動到讀者情緒;二,讀者Including me係睇得好投入嘅,因為投入所以肉緊,因為肉緊所以先唔捨得姜崢死;三,龍少一啲都唔變態,有嘅係氣量,EQ亦高,不但無嬲嬲豬仲親自開Post回應,此舉值得畀Like嘅。But,不喜勿插,我想講嘅係,呢種作者同讀者嘅真摯互動無疑係好,但亦希望唔好動不動就以「Cut書」要脅,無謂影響龍少創作空間吖嘛,畀啲耐性,慢慢睇有何後著喇。

Read more ›

《山海逆戰》死重要角色 邱福龍賜死長短手姜崢

《山海逆戰》死重要角色 邱福龍賜死長短手姜崢

雖然早一個禮拜,邱福龍已經喺面書賣定廣告話要賜死姜崢,理應有晒心理準備,但睇完今期第248期《山海逆戰》,於我還是非常震撼同捨不得。我係好鍾意呢個角色嘅,長短手造型好破格,向于若蘭示愛講明自己叫過雞嗰幕好Funny,對烈山仁又有情有義,對刁蠻公主又敢愛敢恨,死喺宸胤一招外掛式「三極破星」之下,等於一人獨戰宸胤、夷鼓、于清、于若蘭、伯益、洛王、后瑩、貪龍同自己,都算死得轟轟烈烈了。尤其鍾意死前回憶嗰幾格,非常貫徹姜崢人物性格,臨死都掛住同后瑩做愛做嘅事。半邊身炸開,連視肉都幫唔到手,睇個勢係無任何翻生之餘地的了,拜拜了,長短手……

Read more ›
好有喜感!《山海逆戰》姜崢重生神農臂=兒臂?

好有喜感!《山海逆戰》姜崢重生神農臂=兒臂?

今期第128期《山海逆戰》,我係睇到笑咗出嚟嘅。睇封面,書名叫〈神農臂〉,又畫到姜崢條重生左臂鬼咁型,諗住佢會有啲乜嘢強勁異能喇。點知睇內頁,噓,慘咯,重生嘅係一條兒臂,搞到姜崢左右手極不對稱,好似小兒麻痹咁;不過勾徹講得啱,有總好過無吖,何況呢條兒臂仲活動自如,一生出嚟就可以手執兵器「祥雲」出一招「離火鑠金」,威力有番咁上下?笑完,有少少建議,希望「視肉」真係幫到手,兒臂會繼續改變形態變番正常長度,但異能方面,唔好再玩百毒不侵、力大無窮、暗藏劇毒等大路嘢,改為新增三個甚至四個關節,到時成條手臂點拗都得,揸兵器出招都刁鑽啲,他朝對付炎帝都可以多啲變招。龍哥,有無得諗?

Read more ›