fbpx

Tag: 奶茶通俗學

奶茶通俗學 x Felix Ip 機動常餐新圖

奶茶通俗學 x Felix Ip 機動常餐新圖

菠蘿油、三文治、熱咖啡、公仔麵同蛋撻,全部可變形成機械人,Felix Ip聯乘奶茶通俗學嘅「機動常餐」又出多咗幅新圖,型到好似電影海報咁。好一個Transformeal,期待你快快出現。

Read more ›

奶茶通俗學x大快活 推出《下午茶之狂想曲》愛要及時篇

奶茶通俗學x大快活 推出《下午茶之狂想曲》愛要及時篇

不嬲鍾意文字插圖創作團隊「奶茶通俗學」嘅創作,今次聯乘大快活推出宣傳動畫《下午茶之狂想曲》愛要及時篇,透過鋸扒溝女眉目傳情Flirt來Flirt去,Sell經典牛扒鐵板餐。畫面好靚好順暢,Last有外賣仔出場帶出「用膳完畢請讓座」訊息,要有嘅元素齊晒,簡單易明,唔錯。

Read more ›
奶茶通俗學x出前一丁出磁石貼 清仔突入《下午茶之狂想曲》

奶茶通俗學x出前一丁出磁石貼 清仔突入《下午茶之狂想曲》

文字插圖創作團隊「奶茶通俗學」嘅系列動畫《下午茶之狂想曲》出到第四話《食麵之法則》喇,今次仲有出前一丁清仔突入添。動畫內容大致係教大家用乜餐具食唔同麵食,除咗紳士同靚女,隻貓仔都繼續有出場。唔敢話非睇不可,但畫面確係幾靚嘅,節奏亦掌握得幾好,唔會悶,即係你一Click開就會自動自覺睇晒成條片咁囉。另,就住呢次聯乘,有關方面會推出磁石貼,磁石貼有三款,即丁麵、炒丁同撈丁,作為精品儲唔錯。

Read more ›
Felix Ip x 奶茶通俗學 機動常餐不日推出

Felix Ip x 奶茶通俗學 機動常餐不日推出

Felix Ip越來越多瓣數,今次聯乘文字插圖創作團隊「奶茶通俗學」推出機動常餐,常餐成員有你我食到慣嘅菠蘿油、三文治、熱咖啡、公仔麵同蛋撻,全部可變形。暫時只具雛形,但單睇兩幅設計圖已經好正,非常期待成品出現。

Read more ›
有歌聽:奶茶通俗學《M小姐音樂劇場》 你有聆聽自己的聲音嗎?

有歌聽:奶茶通俗學《M小姐音樂劇場》 你有聆聽自己的聲音嗎?

文字插圖創作團隊「奶茶通俗學」又有新作喇,請細心欣賞《下午茶之狂想曲》系列動畫《M小姐音樂劇場》。有別於上次外賣仔,今次主角係一個為口奔馳嘅OL,由朝做到晚攰到死,收工搭渡輪過海,成程船眉頭未鬆過,仲一時感觸喊出來。成個動畫圍繞一程船,配一首歌,歌由盧思穎(Lose Wing)主唱,歌名《Moodless》,主題係「你有聆聽自己的聲音嗎?」畫靚,歌好聽,真真唔錯。睇完動畫,聽完歌,我聆聽到自己的聲音了──幾時中六合彩?

Read more ›
奶茶通俗學出2021年曆$128

奶茶通俗學出2021年曆$128

文字插圖創作團隊「奶茶通俗學」套動畫《下午茶之狂想曲》,暫時仲未有得睇,咁大家都可以買個2021年曆頂吓癮先嘅,每個$128,早買有優惠。收到未?

Read more ›

奶茶通俗學出2020年月曆

奶茶通俗學出2020年月曆

面書專頁「奶茶通俗學Milktealogy」推出2020年月曆,雙面印刷,精選12種茶記食物飲品做每月主題,暫時所見有菠蘿油、乾炒牛河、西洋菜蜜同雞尾包,Fine,都幾中我口味!隔住個Mon望相都覺得九彩咁多隻色,擺檯頭應該好Sharp醒,唔知大家有無興趣?

Read more ›
全因黃手套之亂!機動變形常餐+黃手套怪機Lego化!

全因黃手套之亂!機動變形常餐+黃手套怪機Lego化!

因住Cuson嘅「黃手套之亂」,Felix Ip自稱好唔得閒都忍唔住創作咗一隻「黃手套怪機」,又因著黃手套怪機出現,面書專頁「奶茶通俗學」創作咗「機動變形常餐」,與之抗衡。再來,又有面書專頁「整備課花叔」將機動變形常餐Lego化、Dick Cheng將「黃手套怪機」Lego化……Good呀,一於無限Crossover,繼續接龍唔好俾佢停。

Read more ›
奶茶通俗學x香港重機=機動變形常餐?

奶茶通俗學x香港重機=機動變形常餐?

崔氏兄弟扯頭纜嘅面書專頁「奶茶通俗學Milktealogy」,將聯乘超多產兼超多搞作嘅Felix Ip,搞一個名為「機動變形常餐」嘅合作項目,究竟係出畫集?出機械人定點?暫時未知,但正正常常一杯奶茶同香港重機都可以Crossover,我有啲期待呢個茶餐喎。

Read more ›