Tag: 女高中生

日本扭蛋「遮臉女高中生」 第二彈     超搞笑設定4月推出

日本扭蛋「遮臉女高中生」 第二彈     超搞笑設定4月推出

香港人對蒙面應該有好深感受,呢套日本 TAMA-KYU出嘅扭蛋「隠崎さん2 -DEAD or ALIVE-」用幽默嘅手法遮面,已經出到第二彈。記性好嘅應該記得第一彈係女高中生打排球俾個波擊中臉部嘅造型,入嚟有回帶。嚟到第二彈,有瑜伽有貓臉仲連雞仔都出埋,合共五款造型,全部都好有創意,4月推出,鍾意嘅記住留意返嘞!

Read more ›

日本女高中生迪士尼扮死    網民不滿放Twitter聲討

日本女高中生迪士尼扮死 網民不滿放Twitter聲討

日本JK界嘅熱潮層出不窮,最近佢哋就流行喺東京迪士尼嘅車仔前面瞓底扮死,再將啲相放上IG,有日本網民瞓唔過眼放咗上Twitter,話咁做好危險又無禮貌,仲引起大家熱烈討論。BTW,佢哋仲有另一種玩法,入嚟有得睇。

Read more ›
好青春呀! 「日本一可愛女高中生」各縣代表出爐

好青春呀! 「日本一可愛女高中生」各縣代表出爐

又嚟到新一年度嘅「日本一可愛女高中生」選舉,分成北海道・東北、關東、中部、關西、中國・四國、九州・沖縄六個地區,之後入面各縣都有代表,早前投票就已經選出咗各縣嘅代表,入嚟睇吓,再睇吓身邊啲女同學,香港係咪有優勢呀?

Read more ›
【有片】《貓之報恩》劇情?日本女高生京都救黑貓

【有片】《貓之報恩》劇情?日本女高生京都救黑貓

  睇到呢啲片個人真係特別開心,女高中生喎,貓仔喎,仲唔係《貓之報恩》?片中地點係京都堀川通七条,有隻黑貓仔喺馬路跌跌撞撞,仲好似俾車揩到,有人停車,有電單車司機準備落車,但都唔及個女高中生果斷,一嘢就除晒啲書包放喺地,之後就衝出馬路抱走佢!希望隻貓平安啦,最完滿就梗係俾女學生收養埋,之後帶佢去貓之王國……

Read more ›
到站請叫醒我 日本「女高中生」原來係男人

到站請叫醒我 日本「女高中生」原來係男人

如果喺日本列車入面,見到有女高中生瞓緊覺,後面寫住到站時請叫醒我,我諗好多人都會幫忙啦。但如果個女高中生係男人呢?係,個女高中生係男人呀!有日本網民就捕捉到呢個moment,咁梗係要不能只有我看到啦。

Read more ›
【理想與現實】日本最可愛自拍女高中生 網民:「第二位好想打佢」

【理想與現實】日本最可愛自拍女高中生 網民:「第二位好想打佢」

又到理想與現實嘅時間,日本最近做個街訪,訪問咗300個涉谷男仔,問佢哋邊位先係最可愛嘅自拍女高中生。結果出咗嚟嘞,第一位嘅「ゆきゅん」屬於清純類型;第二位「あやまる」就係濃妝可愛型,至於第三位嘅「りったん」就屬於短髮清爽型。不過2ch網民好快起底,將佢哋平時嘅相放晒出嚟。第一位嘅變化唔大,不過第二位原來差咁遠,塊臉漲咗好多,有網民仲嬲到話想打佢。不過話明係自拍比賽,其實佢應該攞冠軍先啱。

Read more ›

【有片】日本女高中生Pose演變史 V手鴨嘴講到1684年

【有片】日本女高中生Pose演變史 V手鴨嘴講到1684年

日本JK自拍時總有自己一套動作,最近興做咩動作?之前又有咩經典?呢條docomo嘅宣傳片一次過睇晒,而且數到1684年都有,喂當年真係興擺呢個動作?

Read more ›

日本網民親試女高中生美圖App 蘿蔔變白滑Twitter熱傳

而家嘅美圖App有幾強勁?日本最近Twitter熱傳呢兩張相,有網民搵咗條大根,即係蘿蔔嚟做測試,用咗而家女中學生最愛嘅美圖App,條蘿蔔竟然由原來嘅凹凸不平乾燥暗啞,變到又白又滑仲有少少反光!除咗蘿蔔,有人仲試埋蕃茄同男演員,所以話,網上見到嘅靚女相真係唔好盡信。

Read more ›

【有片】女高中生淥麵跑跳打空翻 動作感人動物科幻喪屍元素大集合

日清呢隻即食麵「チキンラーメン」,原來嚟緊8月25日就係58周年記念!呢條宣傳片「侍ドローン猫アイドル神業ピタゴラ閲覧注意爆速すぎる女子高生」中有齊超大量熟口熟面元素,即係用嚟賣過廣告嘅元素啦,有身手超敏捷玩Parkour嘅女高中生,之後又有武士又有喵星人仲有親情兼有喪屍、爆速炸麵等等等,最後,介紹番,演女高中生嗰位係Parkour高手,叫Kenichi,咦?

Read more ›

【有GIF】日本女高中生真空壓縮 網民:「好似Mii角色呀!」

呢段GIF好好睇,真空壓縮見得多,不過用喺真人身上就好少見嘞。日本呢個女學生藝高人膽大,真人示範俾保鮮紙直接抽真空嘅過程,睇佢一開始倒抽一口涼氣,之後保鮮紙不斷收縮,最後將佢塊臉壓到變形,完成品超爆笑!有網民話好似任天堂Wii嘅虛擬角色Mii,亦有網民好關心佢會唔會窒息,仲有人聯想起星戰嘅Han Solo,入嚟有得瘋狂笑。

Read more ›

集資製嚴禁癡漢襟章 日本女高中生向鹹豬手說不

  家陣唔係拍MV,現實世界真係有好多鹹豬手,喺擠逼火車車廂對無辜女生上下其手,醜行令人髮指。日本多癡漢,呢一點人所共知,為此,有高中女生喺Crowd Works招募集資,製作「Stop Chikan Badge」。「Chikan」者,「癡漢」是也,襟章藍色底色,中間一字排開幾個女生剪影,另加一對孖葉圖案,並附字句曰:「我不會保持沉默」及「癡漢是犯罪」,訊息呼之欲出。招募日期即日起至11月24日,希望呢個襟章扣真係發揮到實際用途,女生扣喺書包手袋肩帶之後,可以警惕到一眾鹹豬手喇。

Read more ›

日本61歲變態大叔 偷女高中生雨褸146件被捕

日本小偷潛入人屋企偷內褲呢啲新聞經常聽倒,不過今次係偷女裝雨褸,唔,只可以講佢呢位61歲嘅男人品味好奇特。話說早兩日日本京都府嘅警察逮捕咗一個61歲嘅疑犯大江藤雄,仲喺佢屋企起出咗146件女高中生著過嘅雨褸!喺日本好多女仔會將件雨褸放喺單車入面嘅籃然後將架車停泊喺路邊,其中一個女高中生就喺咁比疑犯偷走咗件雨褸,之後去咗報警。老實,呢個大叔都好無良,偷咗人哋件雨褸,唔通係想睇住人濕身踩單車?定係鍾意落雨天囡囡嘅汗味?好變態,不過據聞日本仲有人偷女高中生嘅鞋、單車坐墊,入嚟有相睇,大開眼界。

Read more ›

【日本人都食】JR車廂食沙律 高中女生被網民恥笑

香港地喺港鐵食嘢好易引發罵戰YouTube見,以為日本咁有紀律一定唔會發生?最近有日本網友影到有個女高中生喺JR車廂內食沙律!件事即刻引起熱烈討論。有人話佢白痴,有人話應該喺月台食完先上車,不過就有人突破盲腸,問如果真係勁肚餓嘅話,點解食沙律唔係食麵包?BTW,有日本網民話喺車廂見過人食杯麵,我都諗起有人喺港鐵食KFC呢單嘢,有圖有真相。

Read more ›

南韓女高中生校服巡禮 網民:「性感過日本水手服」

    睇日劇日漫大嘅我哋,對日本女學生嘅校服相當熟悉,近期大熱嘅南韓校服又點?網上搜羅咗大量韓國女高中生嘅校服相,好多網民睇完話南韓校服仲性感過日本,梗係啦,好多都係直身裙十足OL制服,而且條裙又貼又短,同日本嘅水手服比別有一番風味。個人認為最重要係韓國嘅女高中生比較天然,起碼個樣唔會全部一模一樣。

Read more ›

2014再揭裙底 兩色校服裙月曆 女生Memo褲褲寫字

上年都出過,就係女高中生揭裙底月曆,每一個月揭一次,揭到最後,你就會見到……今年又再出,多一個顏色你揀,係灰色裙,如果藍色係夏季校服,咁灰色咪冬季囉,不過小褲褲嘅顏色就冇變,係好pure嘅白色……賣2,100円一個。另外,今年仲有Memo紙,好正,可以四圍黐,同樣要揭起條裙先睇到人哋留俾你嘅訊息,而啲字,就寫喺白色褲褲上面,呢個平啲,680円……冇計,侷揭。

Read more ›