Tag: 女朋友

洛克人女朋友睡衣 連頭盔大炮賣5500円

洛克人女朋友睡衣 連頭盔大炮賣5500円

日本品牌Sazac專出遊戲角色睡衣,最近洛克人30週年就有呢款連身睡衣,仲專登加咗頂連帽頭盔,睇落暖笠笠唔怕凍親頭頂。不過最正都係支可拆卸嘅炮,可以拆出嚟當枕頭瞓,全套賣5,500円,10月6日推出,無女朋友又生得細粒啲嘅男仔都可以買嚟冬天著保暖。

Read more ›

女朋友回來了!《Love Plus》新作始動!

女朋友回來了!《Love Plus》新作始動!

2015年,當《LovePlus》製作人內田明理同人設「ミノ☆タロー(箕星太朗)」離開Konami時,男朋友們都諗住唔可以同女朋友行落去喇……點知,啱啱官方宣佈會推出新作《Love Plus EVERY》,而且人設箕星太朗都出圖喎!即係有佢份啦,穩陣啦!自2009年出第一作喺NDS之後,高嶺愛花、小早川凜子、姊崎寧寧做咗好多人女朋友,搞到有機迷同遊戲內女朋友結婚搞婚禮,再嚟仲有2010年嘅‏《LovePlus+》、2012年嘅《New LovePlus》,隔咗5年,你哋去咗邊呀?去咗電話度呀,冇錯,係電話遊戲嚟,可唔可以有VR呀?

Read more ›
【新片速報】水瀨仔攬實毛公仔女朋友 超萌影片Twitter熱傳

【新片速報】水瀨仔攬實毛公仔女朋友 超萌影片Twitter熱傳

水瀨仔唔止個樣得意,行為都好萌。日本有網民拍咗段片放上Twitter,吸引好多人RT。片中嘅水瀨仔好幸福有個女朋友,就係隻粉紅色嘅水瀨仔Q版毛公仔,佢真係當正係自己女朋友咁,攬到實一實,之後眼瞓得濟瞓著咗,無幾耐醒咗又好肉緊咁攬實,好似驚人會搶佢女朋友咁,超可愛,入嚟有片睇。

Read more ›
有片:撩鬼攞命!用槌扑用水沖!毀滅女朋友化妝品!

有片:撩鬼攞命!用槌扑用水沖!毀滅女朋友化妝品!

如此大逆不道嘅勾當,我真係諗都唔敢諗,莫講話真係做。無乜嘢架咋,只不過完全毀滅女朋友嘅化妝品啫,將啲甚麼Lotion呀、胭脂呀、粉撲呀、眉筆唇筆呀等等掟晒落洗手盆,用水沖完再攞槌仔打爛佢之嘛,仲要用唇膏喺玻璃寫「I Love You」,都唔知攞景定贈興。如此惡作劇,難得阿女朋友嬲就都有啲嬲,但無話大吵大鬧,埋尾仲肯對住鏡頭笑。如此好女仔,娶得過。

Read more ›

有片:打爆紙袋扮中槍嘔血!女朋友嚇到喊!

我衰,我認我係非常鍾意睇啲整蠱女朋友短片嘅,一見到啲女朋友嚇到依嘩鬼叫,我就開心架喇,例子有以下呢個詐死嚇女朋友Prank,道具唔使多,假血加一個紙袋就夠,方法係趁女朋友上咗樓,男朋友喺嘴邊畫定假血,喺地下又倒定一笪假血,之後打開大門對空氣說話,扮到好似有壞人闖入屋咁,再之後吹脹紙袋再打爆佢扮槍聲……就是如此這般,女朋友已經嚇到梨花帶雨,跑上跑落搵電話打算報警,一臉彷徨嘅表情同全身軟晒嘅肢體動作,非常之我見猶憐,但我越睇就越開心,係,我認我係變態嘅,哈哈……

Read more ›

【男神級數】代女朋友照顧喵 自製迷你版班戟冧爆全球女性

女朋友Kenzie Jones要出trip,臨走前交帶男朋友Stout幫手餵隻新收養嘅喵星人Wilson,呢位男朋友好盡責,佢整班戟俾自己食之餘,竟然整多份迷你版餵養呢位喵星人貴賓!細細塊好可愛,仲有三層高。喵星人即時食到舔晒脷。輯相放咗上網後勁多人share,大家都讚呢位男朋友好可愛兼有愛心。之後佢仲講笑問女朋友可唔可以加朱古力,當然大家記住,貓係唔可以食朱古力架!!另外呢位男朋友屋企仲有隻狗狗Huey,仲好快同隻喵打成一片,玩得咁開心,女朋友返到嚟可能隻喵唔捨得走。

Read more ›

【討論】女朋友「肥肥哋」接唔接受到? 日本網民放圖測試

鍾唔鍾意女朋友肥肥哋有啲肉?肥到乜嘢程度可以接受?日本網民最近放咗呢幾張相上網,問大家接唔接受到呢種程度有肉地嘅女朋友?網民嘅留言好正,例如:「我女朋友肥佢一倍」、「唔好講笑,呢種體型我最鍾意」、「感覺上除咗衫後會係熊嘅身型」。BTW,其實呢個女仔係村上友梨,之前出過寫真,仲幾性感吓,又唔算好大隻,個樣仲好可愛,入嚟有多啲相睇。

Read more ›

有片:偷食Oreo吖嗱!用水淋醒女朋友!

又係痴線的!偷食咗包Oreo之嘛,都唔咁大忝罰呀呀,所以我好懷疑呢個係藉口,片中男友根本就有心拍低女友醜態,放上網俾人笑。女朋友就慘豬豬咯,訓得好好哋,分分鐘發緊綺夢,就喺毫無防備嘅情況俾水淋醒,難怪佢事後粗口連篇……話時話,放諸香港,你又敢唔敢咁樣整蠱你女友?Please記住,港女喎,唔玩得架喎……哈,諗吓好喇。

Read more ›

有片:整蠱出浴女朋友!一地蟲躝來躝去!

又到整蠱女朋友時間!今次就趁女朋友沖澡嗰陣,將一袋二袋Bug倒喺浴室地下,可惜畫面濛濛哋,睇唔清楚究竟係乜Bug,斷估應該唔係屎蜢,不過已足夠女朋友嬲到Fuxk Fuxk聲。衫嚟唔切著,摟條浴巾就想走?走唔甩喎,因為浴室門已經俾男友鎖實。確實係幾頭痕嘅,莫講話無殺蟲水,拖鞋都無對,赤腳踩死佢又嫌核突,拍又無多個,想搵嘢打死佢又唔得……畀著係你,你會點做?

Read more ›

【首先你要有個女朋友】狂打《Fallout 4》冷落女友 機迷送花補鑊

呢排好多新game出,不過依然有好多人繼續沉迷喺《Fallout 4》嘅世界。外國有個機迷嘅女朋友最近放咗張相上Reddit,引起好多網友討論。張相影住一紮花,下面有張咭寫住:「Sorry about Fallout. (You’re being very reasonable about the whole thing.)」,應該係佢男朋友因為狂打《Fallout 4》冷落咗女朋友,所以送紥花補鑊。有網民就突破盲腸:「佢應該出game前已經訂定紮花,吩咐花店喺出game後1星期自動send出」,亦有傳呢位唔係「女」朋友而係hehe組合。仲有網民話花店可以考慮新設呢個代機迷送花服務,其實有得諗。BTW,都係嗰句,首先你要‥‥‥

Read more ›

有片:一刀穿喉一地血 扮死驚嚇女友

我都知整蠱女朋友係好過癮,但玩到扮俾人謀殺,會唔會玩大咗呢?成壇嘢好逼真,除咗搞到成個浴室一地血,扮死位人兄仲要用粗麻繩箍住條頸另加一刀穿喉,死狀異常血腥恐怖。女友已經俾想像中鎮定架嘞,邊喊都識邊解開麻繩不斷話:「Oh, my God, Nick, Wake up……」無話嚇到一味尖叫騰騰震,得知係個惡作劇之後,佢仲識喘住氣爆粗:「Oh, my God, don’t do that, Fxxk you……」又係嘅,俾著我咁俾人玩法,何止爆粗呀,我分分鐘動粗添呀。

Read more ›

新片速報:紮糉加膠桶笠頭 叫醒女朋友

呢個Prank係癡線嘅,話說男友攞牛皮膠紙加膠桶入房,將好夢正酣嘅女友摷醒,趁女友尚未回魂之際,就用牛皮膠紙綑住佢身體,膠紙打圈又打圈,女友慘變人肉糉,動彈不得。咁都未止呀,男友仲將膠桶兜頭笠,搞到女友盲舂舂又騰唔出手解圍。無聊?Extremely無聊到極喇,係鬼仔先玩到咁癲。俾著我,我唔殺人我唔姓尉遲!

Read more ›

新片速報 汽車虛擬女友 嗌你入油報天氣

年過30歲仲用交通工具唔係罪,有車冇女嘅感覺可能仲寂寞,呢間製造汽車配件嘅公司ZMP Inc就係咁諗。於是就製造咗電子女朋友app俾你裝喺智能手機度,咁你就有女朋友陪你遊車河,至少有把聲。因為阿女朋友佢會連接汽車感應同埋GPS導航系統,所以經過高山流水佢就會大叫:「嘩山呀!(當然係日文高8度)」到你架車就快冇油佢又會提你,得閒仲會同你報吓天氣添!其實咁,佢哋話呢個裝置仲有好處,因為載住人嘅交通意外發生率係遠俾自己一個人揸車低喎。咁日本網友又點睇呢?「如果我冇車咁點?」「可唔可以孭喺背脊踩單車?」「好嘈喎!」「見到山啫,使唔使嗌得咁誇張呀?」「快啲整女僕版啦!」好中肯。  

Read more ›

情人節噩夢「男女朋友襟章」魔鬼現身!

女讀者,如果你有個好鐘意打機儲白金獎盃嘅男朋友,啱晒嘞,今年情人節你可以買呢套「男朋友襟章」訓練佢。襟章總共12個,每個都係一個任務,例如見完家長可以獎一個襟章;交換鎖匙?頒獎啦!其他襟章仲有共用櫃筒放內褲、共同放屁、嘔吐時幫忙掃背等等。男讀者,係咪好驚?快啲盡可能冚住呢單消息唔比女朋友知,又或者,買埋呢套「女朋友襟章」,一式六個,有「接受打機」、「一齊食快餐店」、「胸部push up」、「月事情緒管理」等等,哈哈,真係好絕!

Read more ›