Post Tagged with: "女士"

【奇妙設計】日本女士夏天「打底內衣」    外形超似T-back
by / on 22/07/2018 at 1:37 pm

【奇妙設計】日本女士夏天「打底內衣」 外形超似T-back

夏天熱到真係想有咁少著咁少,日本Twitter最近熱傳呢位產品,表面睇以為係一條T-back內褲,其實係一件特別設計嘅內衣,專為著V領上衣嘅女仔而設。平時要著件背心打底,但而家就可以套呢個三角形上身,唔會走光,又比起著多件背心底衫更加涼爽,好特別!唔少女網民都留言話想試吓,入嚟有詳細講解點樣用。

Read more ›

日本女士專用「瞓覺的士」   有得按摩兼卸妝
by / on 25/05/2018 at 7:56 am

日本女士專用「瞓覺的士」 有得按摩兼卸妝

日本嘅Nescafe之後都喺銀座開過間「睡眼咖啡館」,最近佢哋同「日本交通」合作推出「眠れる森の美女タクシー」計劃,俾女士搭一程可以瞓得舒適嘅的士。的士入面舖滿地毯軟綿綿好舒服,仲有卸妝棉、按摩產品等等免費使用,當然有一杯咖啡包埋,不過係不含咖啡因嘅,以免返到屋企瞓唔著。由即日至6月1日運行,只限平日,時間係晚上6時至凌晨12時,主要喺東京23區、武蔵野市同三鷹市行走,收費方面預約收410円,喺指定地點等候加多410円,其餘就按返的士咪錶收費。

Read more ›
日本女士求婚專用套裝 自備戒指仲有「回郵信封」
by / on 23/02/2017 at 7:21 am

日本女士求婚專用套裝 自備戒指仲有「回郵信封」

求婚通常都係男士做,不過日本有公司就好有創意,出咗個產品專俾心急女士求婚用嘅套裝。入面包括一隻戒指同一封求婚信,入面有埋官方建議嘅書信內容可以抄考。寫好晒就可以寫埋男方嘅地址然後寄出。如果男方接受嘅話,入面會建議佢拎住隻戒指直接去搵個女仔求婚。不過唔好彩男方唔想結嘅話,封信入面都有個「回郵信封」,將隻戒指放返入去就會寄返去嗰間公司,為免女方難受,公司會收返隻戒指,然後寄條鑽石項鍊俾女方,好窩心。咁最唔好彩應該係男方收咗隻戒指然後走佬嘞,不過唔駛驚,呢個套裝售價只係1萬円,即係港幣700蚊左右,少少錢就可以試到對方人格,其實好抵。

Read more ›
【有片】放屁GIF日本討論區熱傳 女士真實放屁實錄
by / on 23/10/2016 at 12:37 pm

【有片】放屁GIF日本討論區熱傳 女士真實放屁實錄

放屁呢啲嘢通常都係匿埋偷偷做嘅,不過總係有啲無公德心嘅人,諗住無人見到無證無據,於是喺公眾場合排放有毒氣體。不過原來喺熱能探測感應器之下,呢啲行為會無所遁形!有日本網民放咗段GIF上2ch討論區,拍攝到個女人趁無人為意時放咗個屁,又原來,個形態係咁樣架喎!好似睇緊漫畫咁。有網民留言話:「好熱呀!」、「噢,原來咁樣就會敗露,好恐怖」、「感覺到好臭!」強烈建議所有電梯內要加裝熱力探測器。另外唔止人,原來狗仔都會放屁,仲幾得意。入嚟回帶有得睇返整個測試。

Read more ›
日本酒吧女士防衞術熱傳        網民鬧爆:「係咪想殺人?」
by / on 25/09/2016 at 11:10 am

日本酒吧女士防衞術熱傳 網民鬧爆:「係咪想殺人?」

去到酒吧俾飲醉酒嘅男人纏住點算好?日本有本教女士防衞術嘅書就有呢招陰招,仲成為Twitter同2ch討論區嘅熱話。首先用條濕毛巾包住個煙灰缸,然後將條好似雞脾嘅物件一嘢爆落對方個頭度,一嘢轟到你稀巴爛‥‥‥有圖有真相,雖然旁邊有註明係俾無腕力嘅人嘅過激反擊法,不過網民都好驚驚,有人留言話:「係咪想殺人?」、「超現實搞笑漫畫?」、「纏住就要殺人?」、「如果咁樣俾人打,就算唔死都會有後遺症」,好恐怖,女士唔好亂學。

Read more ›
日本品牌推出大胸女性專用服裝 網上集資火速達標
by / on 11/07/2016 at 7:14 am

日本品牌推出大胸女性專用服裝 網上集資火速達標

之前介紹過日本內衣品牌Feast專為細胸女性設計內衣,最近另一個日本品牌Heart Closet都造福女性,將會生產專為大胸女性設計嘅服裝。品牌總監Mizuki Kurosawa本身擁有H Cup身裁,佢發現大胸女士要買衫好困難,通常啲衫鈕會扣唔到,又或者因為上身撐起而露臍。如果要遷就胸部大小而買衫,件衫通常都會變得好鬆好唔啱身。今次設計嘅恤衫同外套主要針對呢啲問題,仲搵嚟模特兒親身示範。個計劃放咗上網集資好快已經達標,原來喺日本,每4個女性就有1個擁有E Cup以上嘅身裁,唔怪得之咁快集資成功嘞。

Read more ›

【新片速報】女士捲髮器又變廚具 美容編輯整蛋大成功
by / on 27/04/2016 at 7:11 am

【新片速報】女士捲髮器又變廚具 美容編輯整蛋大成功

早前報導過日本有天才網民用妹妹嘅捲髮器夾爆谷,呢件事啟發咗外國女性雜誌《Cosmopolitan》嘅美容編輯Carly Cardellino,佢決定照辦煮碗,改用女士經常用嘅另一款捲髮器整蛋!今次個捲髮器係圓筒狀嘅,食物就係預先發好嘅蛋漿,睇片佢將捲髮器放入蛋漿度轉幾轉,一塊卷蛋好快就完成,佢仲即場試食兼大讚好味。有無死士夠膽今晚拎呀媽/呀妹/女朋友/老婆個捲髮器嚟試吓?

Read more ›
同是天涯淪落人 女士shopping男士呆等心酸相集
by / on 30/12/2014 at 7:10 am

同是天涯淪落人 女士shopping男士呆等心酸相集

好悲壯!成日喺網上都見倒呢啲烈士圖,每次睇完都覺得好心酸,無錯,就係男士呆等女士shopping時被偷拍嘅相。呢個叫miserable_men嘅Instagram戶口,之前我哋都介紹過,專門放啲男士等女士shopping時嘅可憐樣,至今居然已經吸引咗13萬個追隨者,最近12月購物月,又係男士死期,佢哋嘅Instagram都update得密咗好多,睇完係咪滿腔眼淚,好有共鳴?

Read more ›
女士站立小便工具   三角膠片用完即棄
by / on 15/09/2014 at 7:22 am

女士站立小便工具 三角膠片用完即棄

女士坐低小便是常識,不過有人就發明咗一個硬膠片,等女士們可以好似男士咁企起身小便。名為Stand Up嘅三角形膠片,摺好之後就可以有漏斗作用,至於點解有咁嘅設計?設計公司話因為眼見公共廁所嘅廁板經常好污糟,如果女士都可以企起身小便,咁就可以衞生啲。另外,個Stand Up膠片仲可以摺平放喺手袋,用完即棄,咁以後女廁駛唔駛裝尿兜?

Read more ›
恐怖變臉     「索」女面具一戴即變
by / on 12/09/2013 at 8:04 am

恐怖變臉 「索」女面具一戴即變

打定底,唔係新料,但極獵奇,忍唔住share吓。想變大眼、長睫毛、高鼻、尖下巴原來唔一定要整容,成個面具戴出街都得。外國公司Uniface利用bionic-skin科技,創作咗一種接近人體皮膚嘅面具,女士們唔駛化妝唔駛整容,戴上面具就可以即時變「索」,仲可以照講嘢同埋做啲好膠嘅表情。表層有毛孔可以令皮膚抖氣,洗面簡單用落妝液就得,一個面具賣港幣3千蚊左右。好喇,我要開估喇,其實呢個面具係假嘅,不過成個網站做到似層層,仲有幾個女仔扮model,原來係想諷刺女人為咗靚會喪失理智。其實好多女星整完個樣都係咁「膠」,可能佢哋都買咗個面具。

Read more ›