fbpx

Post Tagged with: "女友"

【相集】「女友靚相」背後的男人 IG大量making of男友相集
by / on 02/08/2018 at 7:49 am

【相集】「女友靚相」背後的男人 IG大量making of男友相集

今時今日要做個合格嘅男朋友要有強勁嘅「影相」技能,IG嘅「Boyfriends of Instagram」放咗大量男朋友幫手影相嘅落力情況出嚟,表揚吓各位男士。有瞓馬路、一字馬、潛入水、爬樹,全部都係高難度動作,入嚟有得睇 同埋向佢哋致敬。

Read more ›

BB-8+R2D2陪過情人節 送《Star Wars》公仔花束畀女友
by / on 18/01/2018 at 9:30 pm

BB-8+R2D2陪過情人節 送《Star Wars》公仔花束畀女友

提醒番,今年西洋情人節係早過農曆大年初一架,千祈唔好忘記買禮物畀女友呀。如果女友鍾意花而你又覺得買束人有我有嘅花唔環保,兼唔想俾人鋸到一頸血的話,咁呢紮《Star Wars》花應該啱你心水,都紮都成束花咁架,不過裡面擺嘅BB-8、Chewbacca、Darth Vader、Han Solo、Leia、R2-D2等毛公仔,拆咗張花紙就可以擺梳化床頭或飾櫃,係咪化算先?每束79.99美金,諗諗佢喇。

Read more ›
【正義】賣男友9萬円動畫碟 日本同居女被捕
by / on 30/11/2017 at 10:43 am

【正義】賣男友9萬円動畫碟 日本同居女被捕

為咗最愛嘅玩具、影碟攞番個公道,有時真係要大義滅親。喺日本兵庫縣明石市,早前就有一名23歲女性被捕,因為佢偷咗49歲男友啲碟去賣,包括《魔法少女リリカルなのは》、《鋼の錬金術師》DVD,仲有《宙のまにまに》、《電腦奇俠》、《Darker than BLACK -黑之契約者-》、《true tears(トゥルー ティアーズ)》等限量版藍光碟……而報警嘅就係佢男友!據報道講,女方係因為辭咗職而冇地方住搬咗去男方屋企,入主之後就發生呢件事……大義滅親!為男人爭番啖氣,好嘢!

Read more ›
有片:肉貼肉!同靚女友浸冰水浴!凍極有限!
by / on 18/08/2016 at 10:15 pm

有片:肉貼肉!同靚女友浸冰水浴!凍極有限!

呢條片其實幾無聊,但我Loop咗三四次,因為女主角實在係靚,齋睇女都抵。情侶浸冰水浴,鬥睇吓邊個頂唔順跳番出浴缸,5kg冰倒入浴缸究竟有幾凍,我無概念,但應該都唔會凍得去邊,所以我唔明阿男友仔點解會凍到雪雪聲,相反,如果我係男友仔,我諗我應該會好Hot,事關女友仔個樣含糖量超高,身材又好,肉貼肉浸冰水,無理由會凍?呢個Challenge我諗所有男人都想玩,冰唔係重點,大前提係──要先有個靚靚女友囉。

Read more ›
【有片】日本節目偷拍女友     人前讚貓「可愛」人後完全「無視」
by / on 18/08/2016 at 7:13 am

【有片】日本節目偷拍女友 人前讚貓「可愛」人後完全「無視」

女人喺人前人後兩個樣?唔係指化妝,而係對小動物嘅變臉程度。說話有日本網民喺Twitter分享咗一段電視節目。節目一開始拍攝一男一女同一隻貓,女仔一見到喵星人就大讚好可愛。之後返入後台休息,閉路電視就偷拍佢,發現佢坐喺梳化狂撳電話,頭先被形容為「好可愛」嘅喵星人,無論喺佢旁邊翻滾、跨過佢,佢都完全無視!貼呢段片嘅網民就話估唔到呢個女人可以咁表裡不一,所以下次聽到女人話好可愛,甚至讚你好靚仔都唔好盡信嘞。

Read more ›
【記錯日期紋錯身】日本女友紋錯男友生日日期   網民cap圖狂笑
by / on 30/06/2016 at 7:14 am

【記錯日期紋錯身】日本女友紋錯男友生日日期 網民cap圖狂笑

愛情真係好盲目,日本呢個女仔上咗電視節目,講述自己專登去紋男朋友嘅生日日期「1216」喺身,想留個紀念兼俾個驚喜對方,點知返到屋企男朋友覺得好奇怪,原來佢嘅生日日期係12月14日,記錯咗日期,紋咗個唔關事嘅數字上身,而家呢個女仔好後悔。節目播出後網民即刻cap圖討論,有人提議個女仔喺額頭紋多個「私はバカです」(我是笨蛋),有人建議佢同男朋友喺當日做啲特別嘢,令12月16日成為佢哋嘅紀念日。BTW,為自己紋身無問問題,但為男女朋友紋身其實真係好傻。

Read more ›

【係咪寒酸?】日本女友用KFC炸雞殘渣煲湯 樓主:「有啲想同佢分手」
by / on 30/06/2016 at 7:13 am

【係咪寒酸?】日本女友用KFC炸雞殘渣煲湯 樓主:「有啲想同佢分手」

肯德基炸雞大家都鍾意食,咁KFC雞骨湯呢?最近有位日本網民喺2ch討論區訴苦,話女朋友將食完嘅肯德基炸雞殘渣拎去煲湯,佢覺得好寒酸,有啲想同佢分手。好多網民留言都同意咁做好污糟,樓主補充話女朋友有拎啲骨去洗,但都覺得好嘔心。不過亦有網民持相反意見,認為女朋友知慳識儉幾好喎。而且重點係煲湯嘅骨只係佢哋兩個食過,而唔係屋企人或者朋友食剩嘅。大家點睇?BTW,其實日本都有唔少影片同媒體試過用KFC煮食,甚至係將食剩嘅骨攞嚟煲雞湯,入嚟有回帶。

Read more ›
有片:計錯!佢真係計錯!數學題整蠱女朋友!
by / on 30/03/2016 at 10:00 pm

有片:計錯!佢真係計錯!數學題整蠱女朋友!

好鍾意睇呢類數學題整蠱女友嘅短片,見到女友們一臉認真出埋手指都計唔到嘅傻更更表情,好難忍住唔笑。今次嘅數學題係──兩兄弟,大哥4歲,細佬年齡係大哥嘅一半,咁大哥100歲嗰陣,細佬係幾多歲呢?答案係……唔係嘛,你真係諗唔到?唔好嚇我呀。

Read more ›
有片:7出國際Again!女友一句滾!男友話滾就碌地滾
by / on 20/01/2016 at 9:30 pm

有片:7出國際Again!女友一句滾!男友話滾就碌地滾

嗌交啫,邊個唔著都好,做男人嘅唔使無尊嚴成咁呀?片中男人被網民謔稱「杭州翻滾哥」,事緣翻滾哥同女朋友唔知因乜事嘈交,女友嬲嬲豬一句:「滾!」佢竟然喺 商場對面M記門口,大庭廣眾下話滾就滾,仲越滾越遠,女友仲作狀伸咗佢一腳添。 如此窩囊相,連外國網站Rocket News 24都有報導,唉,呢次又7出國際喇。

Read more ›
有片:臭味超像真 慘無人道質女友食假狗屎
by / on 16/11/2015 at 9:45 pm

有片:臭味超像真 慘無人道質女友食假狗屎

俾著我一定反面,大佬屎喎,質食屎喎,唔嬲就假喇,而好彩,呢個只不過係一個Prank。話說男友預先用花生醬、朱古力漿之類材料製造假狗屎,然後約定女友做Massage,上床後話:「We will do a sexy massage today。」女友不虞有詐,乖乖趴低俾男友用手扣鎖住雙手,男友之後拎出假狗屎開條件,一,用假狗屎按摩全身;二,食假狗屎。女友來不及反應,男友已經一舊狗屎質入佢口,嚇到佢喊出嚟,事後知道係Prank都繼續媽媽聲。舊假狗屎點解咁像真呢?因為有味,男友專登向假狗屎噴臭屁噴霧,唔怪得女友一啲都無懷疑喇,陰功豬咯。

Read more ›
有片:女友蠢爆,識讀「Yes」唔識讀「Eyes」?
by / on 23/09/2015 at 4:30 pm

有片:女友蠢爆,識讀「Yes」唔識讀「Eyes」?

呢條片我Loop咗三次,每次都笑到Gap Gap聲。話說片中男友問女友「Y-E-S」點讀,女友答得出;之後再問「E-Y-E-S」點讀,女友居然唔識答,不但反問男友係咪無呢個字、係咪作弄佢、係咪腦筋急轉彎之類小遊戲,仲嘗試亂咁拼音當答案添……吓?睇到呢度你都唔明?你唔係真係唔識讀呀?唔係真係咁蠢嘛?大佬,「E-Y-E-S」喎,「eyes」喎,眼睛喎,幼稚園都有教咯喎……不過你唔識都唔使覺得瘀皮,真人真事,我問過枕邊人,佢一樣唔識,一樣亂咁拼音……

Read more ›

【即場斷正】喬裝成女友入試場考試    女網民勁冧
by / on 13/06/2015 at 12:23 pm

【即場斷正】喬裝成女友入試場考試 女網民勁冧

  又一個可歌可泣嘅愛情故事,今次發生地點係哈薩克,20歲嘅男子Ayan Zhademov居然喬裝成女仔,代17歲嘅女朋友去考大學入學試。戴上假髮化埋濃妝仲著咗短裙嘅佢,成功混入試場,不過考考吓試就比眼利嘅監考官發現有異樣,當佢被詢問時,仲嘗試以高八度嘅聲線回答,不過當然即場比人識穿啦,考官都話以為係第二個女仔代考,估唔到you竟然是個boy。咁個男仔當然即時被勒令執嘢走啦,但就成為咗網絡紅人,好多女仔讚佢浪漫,仲比當地人形容佢係「本年度最浪漫嘅男人」。商人Olzhas Hudaibergenov仲出手幫佢比咗一半罰款,原因係佢好感動仲有真愛存在‥‥‥我最唔明點解佢女朋友見佢扮成咁都仲比佢入場,衰硬架喎!

Read more ›
有片:扯甩女友頭髮?抵打!
by / on 15/05/2015 at 2:00 am

有片:扯甩女友頭髮?抵打!

「ViralBrothers」N咁多條惡作劇短片,內容九成離不開情侶互相整蠱對方,睇得多我不禁心諗:「會唔會夾埋做戲呀?有乜理由中咁多次伏都無戒心?」不過呢條短片呢,我就覺得百分百堅嘞。一,女友全裸沖涼,只得馬賽克遮住三點,如果唔係Prank,我唔信女友肯如此大犠牲;二,男友幫女友洗頭,扮扯甩女友頭髮,成個過程都幾天衣無縫吓,女友爆晒粗發惡嘅表情非常發自內心;三,女友知道係流料之後,餘氣未消,一個排雲掌推到男友腰撞水龍頭,成條腰瘀晒,真係唔似做戲囉。

Read more ›
【鋸開劈腿男】日本女友再顯身手 怒鋸花心男友iPhone
by / on 01/05/2015 at 12:05 pm

【鋸開劈腿男】日本女友再顯身手 怒鋸花心男友iPhone

早個星期,見識過日本女友將劈腿男友嘅電子用品全線浸落浴缸,好狠心。不過你不仁我不義嘅報牛行為一直都喺唔同地方發生……最新見到嘅犧牲品就係呢部iPhone,勁在係用電鋸由中間鋸開,絕對可以表現出女友嘅怒火,男朋友見到應該個心寒一寒,個人縮一縮……

Read more ›
新片速報:情人節送乜畀女友?
by / on 05/02/2015 at 10:00 am

新片速報:情人節送乜畀女友?

OK好笑嘅一條短片,剖析港女心態都幾透徹,情人節就快到嘞,究竟送乜禮物女畀女友好呢?呢條片將女友分成五大種,同時講出呢五大種女友最想收嘅禮物係幾咁不切實際,聽落都幾中Point,絕對笑得出架。

Read more ›