Post Tagged with: "奧巴馬"

【我要退休】奧巴馬一個月前後對比 有無咁大分別?
by / on 09/02/2017 at 9:23 am

【我要退休】奧巴馬一個月前後對比 有無咁大分別?

有返工同無返工究竟差幾遠?我諗唔駛講大家都明,不過睇完奧巴馬嘅真人示範,應該有更深嘅體會。有日本網民放咗張對比圖上Twitter,一個月前且一個月後嘅奧巴馬,點解可以相差咁遠架!張圖短時間已經超過4萬個分享。唔知呀侵見到會唔會有啲後悔呢?

Read more ›

一張圖知分別 奧巴馬VS特朗普就職典禮鳥瞰圖
by / on 22/01/2017 at 4:09 pm

一張圖知分別 奧巴馬VS特朗普就職典禮鳥瞰圖

想知奧巴馬同特朗普嘅民望差幾遠,最近日本Twitter熱傳呢張對比圖,左邊係奧巴馬當年嘅就職典禮鳥瞰圖,右邊係新出爐嘅特朗普嘅就職典禮,真係好大差別,不過有人話兩張圖係唔同活動時段,一張係開始咗,一張係未開始,仲有人話,唔應該睇上台時有幾多人支持,應該睇佢缷任時有幾多人擁戴‥‥‥大家即管放長雙眼睇嘞。

Read more ›
特朗普VS奧巴馬 日本Twitter熱傳搞笑對比圖
by / on 10/11/2016 at 7:21 am

特朗普VS奧巴馬 日本Twitter熱傳搞笑對比圖

特朗普當選美國總統全球震驚,不過已經塵埃落定,不如諗吓會有咩影響。日本Twitter就熱傳呢兩張對比圖,睇到特朗普同奧馬巴喺對待老婆、小朋友同動物嘅唔同。睇嚟埋親特朗普身都無乜好下場,老婆要淋雨、小朋友會大喊,連隻鷹都睇佢唔順眼,大家唯有放長雙眼睇吓之後會點嘞。

Read more ›
【P圖時間】奧巴馬與普京對望潛力圖 變Mario變Batman金正恩突入
by / on 10/09/2016 at 11:04 am

【P圖時間】奧巴馬與普京對望潛力圖 變Mario變Batman金正恩突入

啱啱喺杭州嘅G20峰會,普京同奧巴馬有張對望圖成為咗網民改圖嘅目標。由於太有潛力,網民一呼百應,又Harry Potter又Batman v Superman,仲有Mario大叔,一高一矮啱啱好。有網民索性將金正恩放埋入去中間食煙等睇戲,質素好高,仲有張嘴對嘴嘅圖,我又諗起楊岳橋。

Read more ›
【瘋狂改圖】奧巴馬/希拉里世紀擁抱 變《美女與野獸》
by / on 01/08/2016 at 7:12 am

【瘋狂改圖】奧巴馬/希拉里世紀擁抱 變《美女與野獸》

美國總統奧巴馬早前喺民主黨全國代表大會,公開撐候選候選人希拉里,仲嚟咗個世紀擁抱,網民都唔執輸,即刻落力改圖,有人將佢哋P成《美女與野獸》嘅電影海報,又有普京同特朗普攬到實一實,仲有鐵達尼號、戰火漫延等等場面,好好玩。

Read more ›
【揚威海外】山寨奧巴馬紅到日本 網民:「佢似『佐藤望』多啲!」
by / on 11/10/2015 at 12:06 pm

【揚威海外】山寨奧巴馬紅到日本 網民:「佢似『佐藤望』多啲!」

今次中國又揚威海外,但係都正面嘅。呢位住喺廣州嘅中國男子肖基國,因為扮奧巴馬而越嚟越多人識,最近仲比日本網民發現兼拎出嚟研究。肖基國之前做過侍應同保安,2012年開始模仿奧巴馬,仲越嚟越紅,做埋整容代言人(但佢就話自己無整過),而家佢經常喺國內表演,不過由於英文麻麻,所以扮奧巴馬演講嘅時候唯有用自己發明嘅「英文」。BTW,日本都有一位因為扮奧巴馬而一夜成名嘅演員佐藤望(ノッチ),有日本網民就留言話:「都係佐藤望扮得似啲。」、「佢(肖基國)唔似奧巴馬,佢似佐藤望。」個人認為兩個都黑黑哋似似哋,但佐藤望就肥咗少少。

Read more ›

今次輪到副總統 惡搞美國Joe Biden變「Loveliver」
by / on 02/03/2015 at 10:38 am

今次輪到副總統 惡搞美國Joe Biden變「Loveliver」

之前奧巴馬已經被惡搞成為動漫迷,今次就輪到副總統Joe Biden,不過佢就專一好多,唔係咩動漫都鍾意,主要就係《LOVELIVE!》,而且啲相Key得極配合……見到啲相,我感覺到佢好有愛呀!好溫馨呀!

Read more ›
有片:今鋪開大!政治家的日常義務!
by / on 15/01/2015 at 8:04 pm

有片:今鋪開大!政治家的日常義務!

係,政治家、領導人、經濟家、宗教領袖嘅一舉手一投足,分分鐘可以影響到千萬人生死,但係,政治家都係人,係人就要開大。乜嘢開大?爆石呀!意大利藝術家Cristina Guggeri提醒大家唔好當佢哋神咁拜,專登創作呢系列圖片,一個人幾偉大幾叻都好,都免不了完就屙,呢個,係做人嘅責任。

Read more ›
東京鐵塔歡迎奧巴馬 兩日限定變美國國旗
by / on 24/04/2014 at 1:19 pm

東京鐵塔歡迎奧巴馬 兩日限定變美國國旗

美國總統Obama去咗日本,除咗食壽司之外,日本仲準備咗歡迎活動,就係東京地標嘅燈飾。繼311悼念燈光之後,今次就係開心嘢,喺噚晚同前晚4月22日同23日兩日,呢個高333米嘅鐵塔由黃昏6:20至零時都會有紅、白、藍美國國旗顏色嘅燈飾,網絡即刻有唔少靚相上載。

Read more ›
美金一蚊玩拼貼    美國總統幾可亂真
by / on 15/08/2013 at 7:20 am

美金一蚊玩拼貼 美國總統幾可亂真

藝術無價,外國藝術家Mark Wagner好明白呢個道理,仲好豪氣咁用一大堆美金整成一系列collage拼貼作品,不過佢唔係大花筒,作品入面用嘅都係美金一蚊,整成嘅作品由林肯至新任總統奧巴馬都有份,睇真啲,會見倒佢幾乎用盡每一張銀紙嘅每一個角落,而且製成品樣貌幾可亂真,淨係剪同貼已經難過登天,真心佩服,難怪佢喺美國藝術界地位超凡,入嚟開吓眼界啦。

Read more ›
文藝復興鬥執相   Iron Man、Mr.Bean 變古典男
by / on 25/05/2013 at 7:52 am

文藝復興鬥執相 Iron Man、Mr.Bean 變古典男

外國網站Worth 1000呢個執相比賽好好睇,將外國名人改裝成為文藝復興時期油畫像,冠軍得主係我好鐘意嘅Angelina Jolie,另外好有古典美嘅Natalie Portman都入十甲,不過最搞笑反而係十甲之外嘅漏網之魚,例如Iron Man Robert Downey Jr.、Mr. Bean同埋阿諾舒華辛力加,連Lady Gaga同奧巴馬都有份,點解無碧咸同埋畢彼特o架?!

Read more ›

美國總統變喪屍  8吋figure買起奧巴馬布殊
by / on 07/02/2013 at 11:00 am

美國總統變喪屍 8吋figure買起奧巴馬布殊

外國人真係特別有幽默感,好似呢套用上7位美國總統嘅8吋figure,將奧巴馬、布殊、克林頓全部變成環球電影嘅經典恐佈片角色。老實,啲戲我一套都唔識,但係睇倒奧巴馬嗰兩隻疆屍牙、布殊個喪屍樣,真係嗶一聲笑咗出嚟。價錢$25美金一隻,想儲齊一套可以買boxset,售價美金$175。其實年宵應該出返套特首喪屍版,我想睇佢變喪屍呀。

Read more ›
白宮又有新投訴 《Devil may Cry》下架 向奧巴馬要回舊版但丁
by / on 22/01/2013 at 4:30 pm

白宮又有新投訴 《Devil may Cry》下架 向奧巴馬要回舊版但丁

唔,美國真係一個自由嘅國家,白宮官網可以俾人寫嘢上去再收集簽名,有一定數量就會有專人處理,好似之前白宮收到Star Wars迷要求建造Death Star咁,政府就好認真咁回覆……今次,輪到啱啱由Ninja Theory開發嘅《DmC: Devil May Cry》,呢位Gamer投訴話作為機迷應該有權要求官方開發舊版《DMC》嘅最新一集,用番白髮長袍但丁,唔需要新造型咁話,更希望新呢隻遊戲可以下架……暫時有39個人同佢癲,但要喺2月19日前收集到10萬個簽名,官方先會跟進……

Read more ›
奧巴馬Twitter破紀錄  65萬人狂轉載
by / on 07/11/2012 at 11:28 pm

奧巴馬Twitter破紀錄 65萬人狂轉載

雖然我哋仲未有得選特首,但呼吸吓美國嘅民主空氣都特別醒神。今日大家嘅facebook都比奧巴馬瘋狂洗版,而佢喺twitter發佈自己當選嘅post,更加威到破咗twitter有史以嚟嘅紀錄,暫時已有65萬人轉載。呢個twitter簡而精,一句「Four more years」加一張同老婆擁抱嘅溫情相,恰到好處,真係要讚佢嘅背後團隊好醒目。題外話,奧巴馬呢個tweet專登揀喺佢上台發表感謝宣言前發佈,時間都係無懈可擊,不過我最佩服係佢喺結果發佈前,約咗以前公牛嘅名宿Scotie Pippen打籃球減減壓,咁人性化嘅奧巴馬,真係無得輸。

Read more ›