fbpx

Tag: 套裝

【女生專用】日本超靚「第一次月事套裝」減輕尷尬感

【女生專用】日本超靚「第一次月事套裝」減輕尷尬感

日本人好細心,去日本便利店買衞生巾,店員會用啡色紙袋包起產品,等顧客免於尷尬。所以呢個「First Period Pads Set」嘅出現都好合理。由品牌amiee推出,專為第一次月事嘅女仔做準備,包裝好靚,而且黃色嘅毛巾袋睇落好似一條手巾仔,袋喺身都唔怕尷尬,女仔平時當傍身緊急用都得,每set賣1320円,喺佢哋嘅網店有售。

Read more ›

【崩壞】日本少女夢幻戒指   戴起變Thanos「無限手套」

【崩壞】日本少女夢幻戒指 戴起變Thanos「無限手套」

係,本來呢套戒指係好多少女嘅夢想,戴咗佢就遙身一變成為可愛嘅動畫少女。不過由於復仇者嘅威力太強,而家戴咗佢,只會令人諗起Thanos嘅「無限手套」‥‥‥日本仲有小朋友親身試咗,快啲撻手指!

Read more ›
日本「迷你食物模型」套裝 串燒盛合/海鮮丼超精緻

日本「迷你食物模型」套裝 串燒盛合/海鮮丼超精緻

嚟到星期六日,食好嘢都好合理吖。有玩開玩具攝影嘅都會發現,要搵迷你嘅日本食物唔容易,日本 M.I.C. 公司最近開發咗呢個食物系列,有串燒盛合、滑蛋豬扒丼、饅魚丼、天婦羅丼、刺身海鮮丼、烤鯛魚合共六款食物,睇落幾細緻,仲好似好好味咁,12月底有得買,售價1539円,鍾意嘅記住留意返嘞!

Read more ›
一蘭拉麵自閉位都有得買 超正套裝全方位體驗

一蘭拉麵自閉位都有得買 超正套裝全方位體驗

去過一蘭食拉麵嘅,實記得佢哋嘅自修室式設計,一格格自閉位等食客可以專心食麵。而家除咗佢哋嘅拉麵可以買走,連呢個自閉式食枱都有得買嘞!不過係用紙摺成嘅,仲有埋教學,坐喺屋企自己食特別有風味。而家喺一蘭嘅網店有得買,盛惠3500円,有麵又有枱,不過暫時都係要有日本地址先登記到,想買嘅要搵吓代購網幫手嘞。

Read more ›
《漫畫Buddy 3》Folder套裝限量200套

《漫畫Buddy 3》Folder套裝限量200套

《漫畫Buddy 3》推出精品,實用嗰隻,包括主筆Folder系列,細分有海武、天姬戰x魔幻月夜天、逆天‧楚漢、霸王達加度、最強x萬能鉸剪、童年日志六款,每款盛惠$30;有選難困難症嘅,都唔使煩,有埋主筆Folder套裝,包晒上述六款Folder兼送多三張Postcard同一張Poster,盛惠$188,限量200套,報告完畢。

Read more ›
【喵慎入】超靚喵星人套裝 著和服縛蝴蝶結呆晒

【喵慎入】超靚喵星人套裝 著和服縛蝴蝶結呆晒

喵星人其實最憎著衫,一著咗就好似俾人點咗穴咁,郁都唔郁。不過睇返品牌united bamboo嘅喵model親身示範,我都好似呢位日本網民咁,雖然係舊圖,但都睇得好開心。BTW,呢幾套貓相,其實係2014年united bamboo出嘅月曆,專登將當年嘅品牌推出嘅時裝造成貓呎吋,然然再影埋相做月曆,當年仲限量推出少量貓套裝,結果大受歡迎。唔知嚟到2017年佢哋會唔會再考慮出新款呢?

Read more ›

日本女士求婚專用套裝 自備戒指仲有「回郵信封」

日本女士求婚專用套裝 自備戒指仲有「回郵信封」

求婚通常都係男士做,不過日本有公司就好有創意,出咗個產品專俾心急女士求婚用嘅套裝。入面包括一隻戒指同一封求婚信,入面有埋官方建議嘅書信內容可以抄考。寫好晒就可以寫埋男方嘅地址然後寄出。如果男方接受嘅話,入面會建議佢拎住隻戒指直接去搵個女仔求婚。不過唔好彩男方唔想結嘅話,封信入面都有個「回郵信封」,將隻戒指放返入去就會寄返去嗰間公司,為免女方難受,公司會收返隻戒指,然後寄條鑽石項鍊俾女方,好窩心。咁最唔好彩應該係男方收咗隻戒指然後走佬嘞,不過唔駛驚,呢個套裝售價只係1萬円,即係港幣700蚊左右,少少錢就可以試到對方人格,其實好抵。

Read more ›
【強國創意】夜光火柴人套裝 淘寶熱賣仲有情侶裝

【強國創意】夜光火柴人套裝 淘寶熱賣仲有情侶裝

有時真係幾佩服強國人嘅創意同品味,之前有大媽沙灘專用飛虎面罩,最近有呢款火柴人螢光表演服,著咗呢套黑衫,就好似漆黑中嘅螢火蟲一樣,咁鮮明,咁出眾!淘寶賣緊人仔$190,有齊大、中、細碼,仲有十隻色揀。唔單止最簡約嘅火柴人,連情侶組合套裝、外星人套裝都有,無見過嘅可以入嚟開吓眼界。

Read more ›
【PS遊樂園】《GUILTY GEAR》平安夜出中文版    PS4聖誕套裝優惠

【PS遊樂園】《GUILTY GEAR》平安夜出中文版 PS4聖誕套裝優惠

外國感恩節,啲嘢好似唔駛錢咁,係人都衝埋去搶。香港無咁好氣氛,不過都有聖誕套裝。講緊係12月5日出嘅「PlayStation®4繽紛節日套裝」,一部機跟4隻遊戲送多一年保養。另外格鬥遊戲系列《GUILTY GEAR》日本版今個星期出,繁體中文版剛剛宣佈12月24日推出,平安夜無街去可以留喺屋企格鬥,好悲。最後今日仲有隻賽車新game《The Crew》推出,玩《DRIVECLUB》玩到炆炆哋嘅會唔會轉軚?

Read more ›
Xbox 360賣出780萬pizza   幾時輪到PS4?

Xbox 360賣出780萬pizza 幾時輪到PS4?

香港Xbox 360之前都同Pizza-BOX合作過出《Halo 4》 Pizza套裝,外國仲勁,4月開始Xbox 360有個app比人直接order嗌Pizza Hut,啱啱就公佈咗半年嚟嘅成績 ─ 總共賣咗價值大約港幣780萬嘅pizza出街!證明pizza果然係打機友必備良伴。官方話大部份人都係假期時間order,梗係,放假唔出街喺屋企打機食pizza先係最高享受嘛!不過會唔會出埋比對家PS4或者新世代主機Xbox ONE,官方就無回應喇,都係嗰句,香港快啲出Xbox ONE啦。

Read more ›
Simpson出Lego套裝  一家五口齊整出場

Simpson出Lego套裝 一家五口齊整出場

又到Simpsons時間,今次好應該講呀,因為佢哋出Lego套裝!呢套編號71006嘅Lego套裝呢兩日喺網上流傳,間屋同動畫入面嘅真屋有九成相似似,不過似乎更大間,仲成2523塊Lego組成,好大陣仗。成員方面有一家五口,包括Homer、Marge、Bart、Lisa、Maggie,估唔倒連好虔誠嘅教徒鄰居Ned Flanders都有份,預計大約賣港幣2000蚊左右,想訂要留意官網公佈喇。

Read more ›