Post Tagged with: "奈良"

日本超可愛「貓形人字拖」 奈良老店出品
by / on 19/06/2019 at 7:48 am

日本超可愛「貓形人字拖」 奈良老店出品

今次貓奴真係好難忍手,日本奈良老舖「なら下駄屋」最近推出呢款貓拖鞋,即係我哋嘅人字拖,但係底部係貓形狀,仲有大量顏色任揀,襯埋襪著都得,每對賣3,780円,留意對拖鞋仲有條尾,好可愛。

Read more ›

【注意】奈良大量鹿仔吞「塑膠」致死 當地團體推環保袋
by / on 28/05/2019 at 7:53 am

【注意】奈良大量鹿仔吞「塑膠」致死 當地團體推環保袋

每次去奈良都會探吓啲鹿,餵吓佢哋食餅,不過最近當地嘅「奈良の鹿愛護会」就公佈呢幾個月有唔少鹿仔因為食咗塑膠而導致死亡,有人仲喺其中一隻鹿仔身體內搵到淨重超過7磅嘅塑膠!當地團體呼籲大家餵鹿嘅時候,要注意手上裝食物嘅膠袋,唔好俾佢哋搶走,另外用完嘅垃圾記緊帶走,以免鹿仔誤吞。佢哋啱啱推出咗過環保袋,喺當地嘅手信店有得買,等大家可以袋好自己嘅垃圾。去探鹿仔時記緊要注意嘞!

Read more ›
【有片】日本奈良超靚櫻花 加映櫻花雀仔影片Twitter熱傳
by / on 12/04/2019 at 7:04 am

【有片】日本奈良超靚櫻花 加映櫻花雀仔影片Twitter熱傳

又係櫻花時間,呢兩日都有介紹,唔係想毒大家,只係去唔到旅行,睇吓都開心嘅。今次呢輯相拍攝地點係奈良縣嘅又兵衞櫻,日本攝影師@fuehrsn放上Twitter後熱傳,佢話係最靚嘅櫻花,配合埋佢嘅攝影技術,唔同時間嘅櫻花有不同美態。入嚟有得睇埋櫻花飄落水面嘅片,有隻雀仔陪襯埋,喺Twitter好高人氣,睇完真係好想去旅行。

Read more ›
【有片】日本宮島鹿仔想入舖   大量網民見過狂貼圖
by / on 04/03/2019 at 7:08 am

【有片】日本宮島鹿仔想入舖 大量網民見過狂貼圖

日本奈良啲鹿好進擊,仲好鍾意同人類相處,宮島呢?有日本網民喺Twitter分享咗相,有幾隻鹿喺間店門口好似好想入去咁,店主仲交叉雙手好似同佢哋討價還價緊。張相放上網後好多網民貼圖回應,原來佢哋都影到好多呢班鹿駐足店前嘅相,有人仲影到5年前喺同一間店門口都有類似嘅情境,當時店主頭髮仲係黑色架!入嚟有多啲相同片回帶。

Read more ›
日本超靚紅葉相 京都/奈良秋天絕贊美景
by / on 08/12/2018 at 10:58 am

日本超靚紅葉相 京都/奈良秋天絕贊美景

日本嘅紅葉有幾靚?日本攝影師Naohiro Yako最近用咗20小時遊覽京都同奈良,仲影咗呢批靚相,靚到好想用嚟做wallpaper!地點包括大津市、京都嘅東寺同埋醍醐寺,堪稱係今年見過最靚嘅紅葉相,入嚟有多啲相睇。

Read more ›
奈良超靚「賞鹿」秘景     網民分享「若草山」靚相
by / on 25/09/2018 at 7:49 am

奈良超靚「賞鹿」秘景 網民分享「若草山」靚相

去奈良睇鹿係好多人嘅指定活動,不過除咗奈良公園,原來奈良嘅若草山都係睇鹿嘅好地點,仲可以影到超靚風景相。有日本網民分享咗自己影嘅呢張山頂相,唔知以為去咗南非,其實係喺奈良。之後陸續有日本網民放佢哋嘅相上網,原來唔少人都有上「若草山」,而拍攝出嚟嘅鹿全部變晒「神鹿」咁好特別,亦有人將啲相改埋做PS4遊戲封面,效果幾自然。BTW,「若草山」嘅日落出名超靚,下次去開奈良可以去埋呀。

Read more ›

奈良鹿仔唔食餅? 日本網民分享圖Twitter熱傳
by / on 02/05/2018 at 7:34 am

奈良鹿仔唔食餅? 日本網民分享圖Twitter熱傳

好耐無探日本奈良班鹿仔嘞,印象中佢哋好進擊,會突襲人類搶鹿餅食,不過原來而家已經唔係咁嘞。最近有日本網民放咗啲相上Twitter,見到班鹿仔對住鹿餅個樣好平靜,變咗佛系鹿仔,再睇返資料,其實上年都有日本遊客影到類似情況,希望佢哋唔係病咗唔舒服啦,又另外遊客記住唔好餵班鹿仔食鹿餅以外嘅食物,以免佢哋食滯咗。

Read more ›
日本奈良最靚賞櫻地     超靚「佐保川」Twitter熱傳
by / on 01/04/2018 at 12:24 pm

日本奈良最靚賞櫻地 超靚「佐保川」Twitter熱傳

日本各地嘅櫻花都開得好靚嘞,噚日睇過廣島尾道市,今日有呢個奈良嘅「佐保川」。呢個地方被稱為奈良最靚嘅賞櫻地,好少遊客,係當地人嘅隱世賞櫻地。日本有網民喺Twitter分享咗幾張相,吸引好多人RT,藍天白雲再加河川,仲有兩岸盛開嘅櫻花,超靚!去開京都奈良嘅朋友可以去睇吓。

Read more ›
【相集】超靚日本櫻花相集    莫斯科攝影師走遍東京/奈良/京都
by / on 09/05/2017 at 7:33 am

【相集】超靚日本櫻花相集 莫斯科攝影師走遍東京/奈良/京都

大師級即係大師級,我哋去日本賞櫻好多時都會影吓相放上網呃like,不過呢個莫斯科嘅攝影師Kristina鏡頭下嘅櫻花就與別不同。由東京到大阪、京都、奈良,每張櫻花相都各有特式,靚到一個點,仲經常見到可愛嘅動物,入嚟有得慢慢欣賞。

Read more ›
日本超巨大腐皮包烏冬 奈良車站附近有得食
by / on 25/04/2017 at 7:15 am

日本超巨大腐皮包烏冬 奈良車站附近有得食

通常呢個腐皮包都係作為一道餸陪襯,不過日本奈良車站附近嘅烏冬店「麺闘庵」,就將腐皮包巨大化,將烏冬放晒入去,效果好得意,仲好好味。有機會去開奈良又鍾意食烏冬嘅朋友記住試吓嘞!

Read more ›
日本大師級「夜櫻」靚相 超高質Twitter熱傳
by / on 16/04/2017 at 11:56 am

日本大師級「夜櫻」靚相 超高質Twitter熱傳

呢位日本攝影師KAGAYA專影風景相,張張都靚到仙境一樣。最近櫻花盛開,佢分別去咗東京、京都同奈良影櫻花。之前嘅櫻花玻璃球喺網上勁多人RT。最近佢去咗奈良縣嘅吉野山,影咗呢張超靚嘅千本櫻之夜。城市嘅燈光加上月光,令到每朵櫻花都勁靚。之後仲去埋奈良縣嘅宇陀市影夜櫻,仲有之前嘅京都靚相,全部都超高質,入嚟有得睇。

Read more ›

【落雨一樣靚】倒影賞櫻 日本攝影師拍奈良超美景
by / on 11/04/2017 at 5:02 pm

【落雨一樣靚】倒影賞櫻 日本攝影師拍奈良超美景

去賞櫻撞正落雨冇心情?其實落雨都可以好靚……不過,其實應該係落完雨先啱。呢位日本攝影師wasabi啲相靚到黐線,水中倒影嘅超美景,仲有奈良鹿仔,今年去唔到真係要隔住個mon睇到麻木先得,不過我仲未。

Read more ›
日本奈良公園新例 只准園內買餅餵鹿仔
by / on 10/04/2017 at 5:18 pm

日本奈良公園新例 只准園內買餅餵鹿仔

奈良啲鹿仔真係好可愛,雖然佢哋好為食,又可能會見你買咗餅就「突進」你,但都唔好隨便餵嘢佢哋食喇。因為為咗佢哋嘅健康,奈良公園新例就係希望遊客只餵鹿仔食喺公園發售嘅「鹿せんべい」,違例可能會被罰最多5萬円,留意番喇,大家都唔想佢哋食錯嘢唔舒服嘛?

Read more ›
日本奈良3隻鹿仔過馬路    激似The Beatles唱片封面
by / on 19/02/2017 at 4:34 pm

日本奈良3隻鹿仔過馬路 激似The Beatles唱片封面

好耐無見日本奈良嘅鹿仔,有無啲掛住佢哋呢?最近呢張新相喺Twitter好多人RT,相中3隻鹿仔咁啱一齊橫過班馬線,拍攝者即時聯想起經典嘅The Beatles唱片封面《Abbey Road》。其實上載張相嘅係奈良一間音樂場所 Beverly Hills,難怪佢哋咁敏感。之後仲有隻鹿仔經過佢哋舖頭,睇嚟佢都想學吓音樂陶冶性情。

Read more ›
日本奈良「神聖的鹿仔」相片熱傳    網民質疑:「係咪偷圖?」
by / on 03/12/2016 at 10:57 am

日本奈良「神聖的鹿仔」相片熱傳 網民質疑:「係咪偷圖?」

有無開始掛住日本奈良嗰班進擊的鹿仔?最近有日本網民放咗張圖上2ch,話自己今朝喺奈良公園影到張相,隻鹿睇落好神聖,張相靚到可以做wallpaper,不過好快有網民留言話:「樓主肯定係偷圖啦!」之後又有人質疑:「奈良嘅鹿應該切晒角喎!」不過樓主好快放咗張高解像嘅圖上網,而網民喺網上以圖搜尋都搵唔到一樣嘅圖,大家繼而開始問樓主用啲咩攝影器材。係囉,人與人之間要有信任嘛。仲有錯咗就要認,之前質疑佢嗰位都話:「好啦同你道歉!」

Read more ›