Tag: 奇譚

【又出】日本喵星人奇妙扭蛋 得意頭巾過聖誕

日本嘅奇譚Kitan成日出扭蛋,不過9月份出咗個比真貓用嘅頭巾扭蛋,比喵星人扮泥棒(賊仔),得意到暈,可能見反應好,啱啱官方又宣佈會推出第二彈,今次用聖誕做主題,一樣有真喵做model,個樣都係超不爽。10月8日推出,扭一次300円,總共有5個款式,去開日本扭隻比屋企隻喵做手信啦,雖然我估佢唔想收到。

Read more ›

【點解要迫我做泥棒?】日本喵星人奇妙扭蛋 得意頭巾扮賊仔

日文「泥棒」,即係我哋講嘅賊仔,不過套用喺呢班咁可愛嘅喵星人身上,佢要偷乜都比佢啦。唔係賣寵物用品廣告,今次呢套喵星人頭巾「かわいい かわいい ねこ泥棒」,其實係專出玩具扭蛋嘅奇譚Kitan嘅新產品,一式5款9月底推出,抽完可以拎返去幫喵星人扮賊仔,如果佢肯嘅話,走開啦,喵。

Read more ›

超無力「蛋黃哥」出扭蛋 掹杯邊第一次咁落力

呢隻蛋黃哥(ぐでたま)最近好紅,成日懶懶閒閒踢都唔郁咁,加上表情超級無力感,難怪越嚟越受歡迎!受歡迎到Sanrio都要不停幫佢出產品。之前見過好多蛋黃哥食物,又奄列飯又啫喱,全部食晒落肚影都無,最近KITAN奇譚就同佢合作推出扭蛋玩具,KITAN一向幫杯緣子出開掛杯邊玩具,今次蛋黃哥都繼續玩呢個概念,成pet蛋漿撻喺杯邊,蛋黃哥第一次咁落力掹住杯邊防止滑落,仲用蛋殼笠頭,勁搞笑,好想買!七月底推出,到時留意吓先!同場加映三月底搶先推出嘅蛋黃哥手機床舖,得意到震一定要儲!

Read more ›

《街霸》今個月再出「土下座」 玩2P顏色印度佬長10公分

街霸呢個「土下座」系列好受歡迎,上年7月推出之後好多人爭住扭。今個月底又會有最新系列推出嘞!都係嗰幾個角色,阿龍、Ken、春麗、E.Honda、軍佬、蘇聯佬全部跪地磕頭,但就全部換晒2P嘅顏色,最正依然係印度佬,手長10公分,可以扮杯緣子,每扭一次300円,香港應該有一套買啩?好想買呀!

Read more ›

杯緣子 X 梨精 X Hello Kitty 杯邊掛飾12月推出

日本杯緣子(コップのフチ子) 長期人氣爆燈,仲帶動《One Piece》、《Naruto》個個學佢出杯邊掛飾。繼之前同人氣王梨精Funassyi合作出杯邊掛飾之後,終於到最近忙到嘔嘅Hello Kitty。Kitty貓同杯緣子又揹又抱又倒掛,一式六款玩具各有不同動作,好好玩。不過要我揀嘅話,我都係只會買梨精Funassyi。兩個系列都係12月出,記住出去睇實,我嘅目標係儲齊一套!

Read more ›

日本人氣王杯緣子 X 船橋市梨精 年底合作出玩具

嘩嘩嘩,強勢聯乘呀!杯緣子同埋船橋市非官方吉祥物梨精,呢兩個係日本紅到開巷嘅角色終於聯乘,梨精出名曳,杯緣子出名奔放,兩個拍埋一齊好有火花。由奇譚推出嘅呢款玩具コップのフチ子とふなっしー,預計年尾12月底先有得買,每盒680円,有朋友去開日本過聖誕一定要叫佢幫手買幾盒!

Read more ›

新圖發佈 《街霸》角色跪地磕頭 奇譚土下座8月推出

奇譚玩具出嘅土下座扭蛋系列好受歡迎,之前宣佈同Street Fighter合作推出特別篇,終於等到7月就嚟推出,之前都公佈過,而家又有新相。主角阿龍、Ken、春麗、E.Honda、軍佬、蘇聯佬全部跪地磕頭,最正都係印度佬,隻手夠長,有成10公分,勁搶眼!一套總共9款角色,預計8月頭推出,開價300円。

Read more ›

杯緣子力撐世界盃 高舉日本國旗

可以掛喺杯邊嘅扭蛋OL公仔杯緣子「コップのフチ子」喺日本好紅,紅到連《火影忍者》都抄佢。嚟緊奇譚又幫佢出新款,今次同Ultras Nippon日本國家隊後援軍團合作,賀世界盃熱捧日本隊。杯緣子換上一身運動裝好有活力,仲大大力揮舞日本國旗,好有世界盃氣氛,如果你熱捧日本隊嘅話‥‥‥除咗舉國旗,當然唔少得佢嘅經典倒掛,仲有爆炸頭假髮新造型,照舊一式六款,包括一款隱藏角色,每個300円,5月底發售。

Read more ›

日本最紅吉祥物 彈跳王梨之妖精變ROCK

近期日本最紅吉祥物,一定非船橋市非公認吉祥物彈跳王梨之妖精「ふなっし(Funassyi)」莫屬!去日本就知,周街都係佢嘅周邊產品,紅到開巷。日本玩具商奇譚今個月都有佢嘅新產品推出,1式6款嘅吊飾,今次梨之妖精轉行ROCK路線,拎住結他崩崩跳,當然唔少得雙手撳面嘅經典騎呢動作,睇見好難忍住唔笑出聲!

Read more ›

騎呢玩具扭蛋 狗仔射尿

日本玩具商奇譚クラブ嘅玩具一向有創意夠古怪,啱啱公佈嘅呢套狗仔玩具扭蛋,賣點居然係狗仔射尿嘅趣怪動作!總共有8款狗狗再加一個隱藏款,6月底發售,開價200円。雖然平時好鐘意狗,但係對於射尿動作我唔係太接受倒,你點睇?

Read more ›