Tag: 奇譚

【又嚟】 日本喵星人頭套扭蛋   「水族館」主題扮魚仔

【又嚟】 日本喵星人頭套扭蛋 「水族館」主題扮魚仔

呢款貓頭套扭蛋之前都出過唔少款式,有賊仔頭巾、水果主題,今次輪到水族館嘞。都係日本嘅奇譚扭蛋出品,一共有6個款,最無奈應該係魚仔嗰款,明明食魚嘅喵星人俾條魚騎住,睇得唔食得,難怪黑晒面嘞。今個月中推出,每扭一次300円,去開日本記住扭俾喵星人做手信嘞,雖然佢唔想要。

Read more ›

IG女皇渡邊直美出杯緣子 重量級攀爬夠突出

IG女皇渡邊直美出杯緣子 重量級攀爬夠突出

日本搞笑女藝人渡邊直美喺日本勁受歡迎,IG粉絲更加去到680萬,好誇張,日本人鐘意佢夠真唔造作,除咗有自家服飾品牌,最近佢仲同奇譚合作出埋杯緣子擺設。重量級嘅身形爬喺杯邊,效果夠晒突出!姿勢包括倒吊、坐、爬同趴,各有特式,仲有一個隱藏款式,合共5款,今年8月推出。

Read more ›
【災難級】喵星人水果頭套 扮蕉星人超爆笑

【災難級】喵星人水果頭套 扮蕉星人超爆笑

喵星人有難嘞!日本扭蛋公司奇譚Kitan又出貓頭罩,今次唔扮賊仔唔扮羊,改為扮「水果」!總共有六款水果,包括蘋果、香蕉、西瓜、士多啤梨、哈蜜瓜同蜜柑,最正當然係蕉星人啦!不過喵頭要28cm-29cm先戴得落,可惜6月先推出,到時記住要儲一套日日換新款!

Read more ›
日本邪教喵星人扭蛋 披住毛毯圍爐取暖

日本邪教喵星人扭蛋 披住毛毯圍爐取暖

專出古怪扭蛋嘅日本公司奇譚最近又有新嘢,今次係一式六款嘅喵星人,不過係披住張毯神神秘秘嘅喵,每隻唔同色嘅喵會配唔同色嘅毛毯,佢哋個樣都係木無表情,好似信咗邪教咁。儲齊6個仲可以等佢哋圍爐取暖,圍埋一齊開神秘會議。預計今年5月發售,每扭一次`300円,去開日本記住留意吓嘞。

Read more ›
日本「杯緣喵」扭蛋第二彈 喵星人爛瞓爬杯邊

日本「杯緣喵」扭蛋第二彈 喵星人爛瞓爬杯邊

日本扭蛋公司奇譚旗下嘅PUTITTO,之前已經出過「杯緣狗」,之後居然出埋「杯緣貓」!由於反應太好,官方決定出第二彈,啱啱正式推出,繼續都係瞓到攤喺杯邊嘅喵星人,仲有伸懶腰、抓住瞓同埋坐住瞓,完全反映倒喵星人爛瞓嘅真實面貌,貓奴一定想新一年帶晒佢哋返屋企!

Read more ›

日本奇譚出手錶 8 bit名錶超想要

呢隻手錶堅正喎,8bit名錶,日本設計,而且只係需要300円。由專出古怪扭蛋嘅奇譚同TOKYO PIXEL嘅大図まこと合作,一式7款,由勞力士款到金錶款到電子錶款,以至最新嘅Apple Watch都有,下年1月開始發售,而家開始儲定錢就啱嘞。不過補充多句,隻錶無得睇時間嘅,唔緊要啦,你都係用手機睇架啦。

Read more ›

靜香杯緣子月底發售 白色浴巾出浴款最搶手

終於到你喇靜香!日本扭蛋公司奇譚旗下專同動漫合作嘅PUTITTO,最近公佈咗呢款靜香杯緣子,一式四款,最吸引當然係包住白色浴巾面紅紅嗰款啦,另外著傳統一件頭泳衣單眼嗰款都好迷人,預計今個月底推出,見到記住買嘞!

Read more ›

日本「狗狗警察帽」扭蛋 1式5款好想抽

專出搞笑扭蛋嘅日本奇譚又有新嘢玩,繼之前幫貓仔出賊仔頭巾、聖誕帽之後,今次輪到狗仔Cosplay做警察!合共設咗咗5款警察帽,除咗經典藍之外,仲有專為狗女而設嘅可愛粉紅帽,連迷彩款都有。不過箍頸個圈有啲細,大約適合頭型圓周22至36厘米嘅狗狗。預計8月初推出,每扭一次300円,去開日本記住扭嚟做手信送俾有養狗嘅朋友嘞。

Read more ›

【層層叠】超正日本喵星人扭蛋 捐紙巾盒前後睇都正

喵星人對玩具嘅要求好簡單,最緊要捐得,而且係紙製嘅!其中紙皮箱、紙巾盒呢啲就最啱佢哋嘞。出名多諗頭夠古怪嘅扭蛋公司「奇譚」(Kitan)最近又有新作品,今次呢款蘇格蘭摺耳貓紙巾盒,全部都係喵星人喺盒度捐出嚟嘅姿勢,前面睇好可愛,後面睇突出個pet都好正,仲可以將佢哋叠高嚟玩,預計11月頭推出,去開日本一定要買!

Read more ›

【怕凍】日本水樽凍凍哋著外套 扭蛋轉新款扮文青

日本扭蛋公司奇譚Kitan嘅產品經常有驚喜,之前都出過笠喺水樽底嘅底褲仔,仲出過好多唔同款式,最近佢哋就換吓新裝,改成掛喺膊頭嘅外套仔,可以披喺樽頂,樽飲品即時潮晒。預計5月日開始有得扭,一共6款,每次300円,我鍾意藍白外套,啱晒夏天。

Read more ›

【夠另類】杯緣「狗」八哥賣麻甩 擘脾跨杯咬骨頭

今次呢款杯緣「狗」擺明唔係走可愛路線,你睇隻八哥個樣幾過份?繼續都係奇譚Kitan出品,名為PUTITTO系列,一共有8個款式,除咗擘晒脾跨過隻杯咬住骨頭呢款之外,仲有倒吊同怒瞓幾個款式,麻甩得嚟都幾可愛,切合返八哥一向走嘅路線。啱啱已經推出咗,有養開八哥嘅快啲去搵返套啦。

Read more ›

日本《街霸》最強手機座 阿龍阿Ken扮辛苦

想讚吓日本出嘅街霸產品一直都好正,之前有所有角色跪低嘅土下座扭蛋,早兩日又介紹過全部打傷晒面嘅Continue玩具,嚟緊仲有奇譚今個月底推出嘅呢套手機座,吸引在於每個角色嘅表情動作,例如阿龍阿Ken作狀好辛苦托手機,印度佬就雙拳出動,仲有百裂腿春麗同埋啱啱公佈《街霸5》嘅新增角色軍佬。但係點解軍佬會變咗扁面杯墊嘅?好似同其他唔係幾襯,不過勝在夠得意。

Read more ›

【超可愛】「杯緣貓」終於殺到 8款喵星人杯邊賣萌

要嚟嘅始終要嚟,專出杯緣子嘅奇譚kitan繼杯緣貞子、蠟筆小新之後,終於嚟到會令貓奴尖叫嘅「杯緣貓」出爐!一式八款喵星人,有勁hea瞓喺杯邊嘅懶喵、伸懶腰抓抓吓嘅蠢喵、懸吊喺杯邊賣萌嘅嗲喵,全部都超可愛,掛佢哋喺杯邊應該唔捨得飲水嘈親佢哋。可惜7月底先式推出,有排等。

Read more ›

【又賣萌】日本刺蝟仔扭蛋 坐到露肚皮超可愛

本來對刺蝟仔都無乜特別感覺,自己無養,身邊都無朋友養,不過睇得佢哋嘅片多,發覺佢哋嘅動作堅得意,經常反肚賣萌體形又袖珍,對佢哋越嚟越有好感。最近日本專出扭蛋嘅奇譚Kitan就推出呢個迷你刺蝟系列,一式六款,坐喺度、爬爬吓、呆企都有,可愛到暈。今次係「ntc.Puff」系列嘅第15彈,之前仲出過白兔仔、鸚鵡、倉鼠、企鵝系列,都係以可愛為賣點,入嚟有回帶,當中嘅倉鼠系列都好得意,有機會要買返套儲。

Read more ›

街霸「土下座」後新扭蛋 用力托電話阿隆扮痛苦

奇譚之前出過嘅街霸「土下座」系列扭蛋好受歡迎,阿隆阿Ken全部跪地叩頭超正,最近佢哋又有新合作,今次改為出電話座,都係街霸II,動作方面有阿隆同阿Ken用力托住嘅電話座,兩個主角表情仲好痛苦交足戲。印度佬就手長長一嘢轟落去,仲有春麗嘅百裂腿,最慘都係軍佬,未出招已經註定lose,好似杯緣子咁變咗杯墊,塊面仲壓扁晒,好醜樣但粉絲應該好想要。預計下年4月發售,今次點都要搵齊一套。

Read more ›