Tag: 奇景

日本Twitter熱傳「悪魔の角」 卡塔爾奇景網民狂改圖

日本Twitter熱傳「悪魔の角」 卡塔爾奇景網民狂改圖

日本Twitter今日熱傳呢隻「悪魔の角」,仲有唔少網民出圖回應兼改圖,入嚟有回帶。其實呢隻角嘅拍攝地點係中東卡塔爾沿海城市Al Wakrah,攝影師Elias Chasiotis喺12月26日拍攝到呢個情景,相信係由海市蜃樓加埋日食而出現嘅情況,好獨特,入嚟仲有多啲天文奇景可以睇。

Read more ›

日本JR車廂奇景 車門夾住盒忌廉泡芙

日本JR車廂奇景 車門夾住盒忌廉泡芙

日本人迫JR嘅恐怖情景大家都聽聞過,車廂會迫到無晒空位身貼身,個人甚至會雙腳離地。最近日本網民分享咗呢張圖,話有對夫婦想趕上車但失敗咗,不過佢哋買嘅手信忌廉泡芙就夾咗喺度車門度。張相喺Twitter熱傳,有人話好可惜,有人奇怪點解盒嘢會打直咗夾住,亦有人話度門一打開記住接實盒泡芙‥‥‥

Read more ›
【船上奇觀】日本網民分享     船上甲板出現超級「長雲」

【船上奇觀】日本網民分享 船上甲板出現超級「長雲」

啱啱喺Twitter見到,有日本網民上咗郵輪玩,期間甲板上出現咗奇景,一條好長嘅雲橫跨喺船上出現,好多乘客都趕去甲板影相。睇返資料,原來呢種天文現象叫Morning Glory (晨輝),估計因為兩側氣流令到「長雲」出現,Morning Glory 最長仲可以去到幾十公里。 目前只有好少地方曾經出現過呢種現象,其中最出名係澳洲東北部,唔知呢位網民係咪去咗澳洲呢?BTW,如果有機會見到,我應該會好想伸隻手去摸吓。

Read more ›

【超有型】葡萄牙上空現《FF VII》雲 外國叫佢「神之手」

「The Hand Of God」神之手……可能我哋認知嘅神之手係伸兩隻手指出嚟嘅,所以我又唔覺似神之手,反而同日本網民一樣覺得似《Final Fnatasy VII》個Logo。呢個奇景係出現喺葡萄牙嘅Madeira島,而影到呢幾張相嘅就係天氣blogger「Rogerio Pacheco」,睇到其他角度,又冇咁似,不過真係靚同型。

Read more ›

罕見「火彩虹」奇景 童話式奇觀人人爭影

雙彩虹、三彩虹之前都見過,呢款火彩虹都係第一次見。早幾日喺美國南部北卡羅來納州 (Carolina)出現咗呢條彩虹, 歷時1小時,好多居民都忍唔住影低放上twitter分享。原來呢個有啲似龍捲風嘅彩虹,學名叫circumhorizontal arcs, 有人叫佢火彩虹,正式名稱叫日承,好少被拍到,因為要出現呢種火彩虹,需要太陽處於高空位置,而卷雲層嘅冰晶數量要足夠,再配合埋太陽咁啱喺58度嘅角度照射住卷雲層先會出現,聽到都覺得超罕見,難怪大家形容佢係好似童話一樣嘅奇觀,入嚟有得睇返世界各地其他出現過嘅火彩虹,堅靚!希望我人生都有機會見到一次。

Read more ›