fbpx

Tag: 大隻佬

大隻佬勾實口罩 日本遊戲設計師分享新用法

大隻佬勾實口罩 日本遊戲設計師分享新用法

戴得口罩耐隻耳仔會痛,於是日本遊戲角色設計師「齋藤幸伸」諗到可以出動呢個大隻佬,一手拉一邊就唔會勾住隻耳仔勒住痛嘞,而且仲好突出!之後仲有個下蹲造型,入嚟有得睇埋。

Read more ›

【超尷尬】日本餐廳半價優惠大隻佬 要著背心做指定動作

【超尷尬】日本餐廳半價優惠大隻佬 要著背心做指定動作

要攞優惠係要付出代價嘅,日本タコベル最近有個優惠,著住背心去到櫃枱前做出呢個大隻佬手勢,再order新出嘅呢款炸雞食物NAKED CHICKEN TACO,就可以得到半價優惠,由780円減到390円!一個人去真係有啲尷尬。有無香港嘅大隻佬諗住去為港爭光吓?

Read more ›
有片:撥甩人支煙撩交打!大隻佬問候人娘親!

有片:撥甩人支煙撩交打!大隻佬問候人娘親!

想像一下,如果你吞雲吐霧間,突然有個兇神惡煞嘅大隻佬衝埋身,第一句就問候你娘親,當你仲未知實際發生乜事之際,佢已經一手撥甩你支煙,然後繼續鬧繼續躁狂,咁你會點?第一時間還拖?我都係咁諗,但實在唔敢。唔信請睇片,好憎好憎人食煙嘅大隻佬叫Tyrone,手瓜粗過我大腿,行步路都地震咁款,莫講話還拖,連還口我都未必敢。咁當然,我等弱質書生就唔敢啫,但總有人條氣唔順還拖,結果……咪打到一仆一碌囉,不過無影埋誰勝誰負,可惜。

Read more ›
《Comic O》押後推出第二期 先出第三期公開招稿

《Comic O》押後推出第二期 先出第三期公開招稿

咁古怪嘅?唔出第二期反而出第三期先,究竟係乜玩法?Anyway,能夠見證有心人憑一腔熱血,肯繼續為港漫發光發熱,點都係一件值得支持嘅事。話說《Comic O》第二期因為未齊稿,所以會無限期延遲推出,至於第三期呢,家陣就正式公開招募作品,兼打算書展檔期發售。有心投稿嘅唔該留意,第三期主題係「大隻佬」,唔好畫錯呀。都係嗰句,我唔識畫公仔,但極欣賞肯為漫畫付出嘅人,唔好懶,快啲拎起支筆,投稿喇喂。

Read more ›
【食慾大增】日本大隻佬曲奇 唔同膚色仲有紅色三角底底

【食慾大增】日本大隻佬曲奇 唔同膚色仲有紅色三角底底

星期六日,最適合煮吓嘢食,焗曲奇?日本有網民整咗呢款大隻佬曲奇,喺網上好多人RT。除咗肌肉一嚿嚿線條分明、有唔同膚色之外,仲有條紅色嘅三角底底好誘惑,之後仲有獨立包裝「2.0進化版」。有網民搵到呢個神奇嘅倒模,原來大隻男仲有唔同嘅設計。

Read more ›
殺蟲水有強大殺傷力,一支在手,蜜蜂無得走。

手機新Game:大隻佬怕蜜蜂

英雄最怕病折磨,爛佬怕潑婦,咁大隻佬怕乜?原來怕蜜蜂,話知你手瓜粗過碌柱、六舊腹肌皆陣列在前,一隻細小蜜蜂足以嚇到大隻佬嗌阿媽救命,釘到佢面目浮腫不似人形。

Read more ›