Tag: 大熱

日本大熱影貓新玩法 變晒人類嘴巴超搞笑

日本大熱影貓新玩法 變晒人類嘴巴超搞笑

呢個真係好好笑,之前都有唔少換臉APP或者影相Filter,最近日本Twitter熱傳有呢個,喺B612影相app入面可以搵到,啲貓個嘴變晒人形嘴,效果勁搞笑,好多日本貓奴跟住玩,仲放咗好多相同片出嚟,入嚟有回帶。

Read more ›

【新片速報】日本大熱「嘔吐魚」 變濾水器一開即嘔

【新片速報】日本大熱「嘔吐魚」 變濾水器一開即嘔

又係呢隻最近喺日本Twitter好紅嘅「嘔吐魚」,由日本素材網いらすとや(Irasutoya)根據「紅鰭東方魨」創作,最近網民繼續延伸,仲有呢個影片版,睇片見有人整咗個濾水器裝咗喺水喉底,一開水喉,隻魚就源源不絕吐水嘞,超無聊,但又好搞笑,好快已經有幾十萬瀏覽,網上仲有大量「嘔吐魚」嘅作品,由油畫版到衰老比卡超都有,入嚟有回帶。

Read more ›
日本網民自創摺紙新玩法 雕空變骨架Twitter大熱

日本網民自創摺紙新玩法 雕空變骨架Twitter大熱

摺紙鶴大家都試過,不過日本呢位神人就發明咗進階玩法,仲成為Twitter大熱話題。先摺好一隻紙鶴,再將張紙攤返開,然後根據摺痕雕空中間位置,然後再摺一次,紙鶴就變成骨架形狀,超正!好多網民都跟住整,不過睇落容易,整落都幾難,尤其是稍一不慎界斷咗一截‥‥‥入嚟有片睇。另外唔少網民將呢個玩法應用到其他款式嘅摺紙度,又玫瑰又戰機,入嚟有回帶。

Read more ›
【有片】外國Twitter大熱「爬牆浣熊」 死裡逃生網民狂改圖

【有片】外國Twitter大熱「爬牆浣熊」 死裡逃生網民狂改圖

最近幾日外國Twitter最熱門話題一定係呢隻浣熊,去Twitter搵#MPRRaccoon就會搵到大量內容。話說佢俾人發現爬咗上美國St.Paul嘅UBS Tower,停咗喺13樓似乎唔知點算好,估計佢係由地下開始爬起。有人報導之後大家都放低手頭工作睇實佢,網民好擔心佢會攰得濟唔夠力抓唔住跌落街,消防員嘗試救佢,不過個玻璃窗又打唔開,唯有靠隻浣熊自己爬上頂。連《Guardians of the Galazy》嘅導演James Gunn都忍唔任喺Twitter話願意捐1千蚊美金俾非慈善團體救返隻浣熊落嚟。隻浣熊爬到攰攰哋忍唔住喺窗台瞓咗陣,入夜之後先係戲肉,隻浣熊向上爬吓又向返下爬,似乎進退兩難,網民就唔瞓都要睇住佢嘅安危,好彩最終喺凌晨3點佢終於爬咗上頂安全落地!不過件事仲未完,大量二次創作喺網上流傳,例如將佢key咗落巨石強森套新片度,又推出Tee,仲有專屬嘅fans page,似乎隻浣熊仲會有排紅。入嚟有回帶可以睇返呢個驚險歷程。

Read more ›
22歲女學生Tinder大熱    超搞笑自我介紹網上熱傳

22歲女學生Tinder大熱 超搞笑自我介紹網上熱傳

用交友App Tinder識朋友,一般會揀返張靚相,不過美國呢位22歲嘅學生Savannah Peck就唔同,以奇特取勝,仲俾人分享咗上Reddit,成為最近網民嘅熱話。佢用咗6版好似PowerPoint嘅形式圖嚟介紹自己,內容勁無聊,設計仲好小學雞。網民都讚佢有可愛又有創意,仲話好想同佢做朋友,不過亦有人話佢玩Tinder註定會傷心收場,入嚟有得睇吓佢嘅簡介參考吓。

Read more ›
【有片】日本大熱手機遊戲 飼養兇殘熊隨時襲擊主人

【有片】日本大熱手機遊戲 飼養兇殘熊隨時襲擊主人

大家有無玩呢隻手機遊戲「My Grizzly Bear」?喺日本最近好多人玩,都係養寵物嘅遊戲,不過隻「寵物」係隻兇殘嘅熊!玩家要定時餵佢,或者掟隻公仔俾佢玩,不過隻熊周不時會襲擊主人,玩家要極速撳製避開,襲擊成功要用急救箱補血,如果無晒血就要離開遊戲2小時,見唔到隻寵物熊bear bear,好傷心。有日本網民大讚隻遊戲有創意,有人話隻熊好似嚟自遊戲Skyrim,不過玩10分鐘就會覺得攰。香港App Store都有得下載,有無愛心嘅主人都可以玩吓!

Read more ›

【圖集】超型黑色Latte網上大熱   IG大量靚相分享

【圖集】超型黑色Latte網上大熱 IG大量靚相分享

之前網上都興過一排黑色雪糕,最近轉移陣地,網民開始影黑色嘅Latte放上網嘞。打開IG搜尋#GolfLatte或者#BlackLatte就會見到好多靚相。據聞之所以黑色,主要係沖咖啡時加咗活性炭,所以杯嘢黑黑哋之餘仲幾健康添。而家英國同澳洲好多Cafe都有得飲,其中澳洲White Mojo啲Black Latte仲有唔同圖案嘅拉花,由天鵝到喵星人都有,去開澳洲記住試吓!

Read more ›

【潮流嘅嘢】韓國大熱心型前陰 固定靠膠紙?

潮流嘅嘢,外行人真係識條鐵咩,好似呢款最近韓國好流行嘅心形瀏海(前陰)頭,日本網友@_c_c_c_OH放咗幾張相上Twitter,話自己被嚇親,好快已經接近1萬個RT,仲有人惡搞key咗個外國男人上頭頂,睇落仲幾夾添。之前韓國都流行將啲前陰吹成向內鬈,香港好多豬妹都有跟,唔知今次又敢唔敢跟呢?其實要跟唔難,只要有張膠紙貼實固定就得(好似係)。

Read more ›

有片 YouTube大熱貓頭鷹片 如何送走自來鷹?

雖然日本而家好流行飼養貓頭鷹,但直至呢一刻,我都覺得貓頭鷹個樣好陰森恐怖!如果有一日有隻貓頭鷹唔覺意飛咗入你屋企,你會點處理?外國有人真係試倒,佢好驚,但係同一般人一樣,都係邊嗌好驚邊拍片,佢用一支拖地棍托高隻貓頭鷹,然後將佢逐步逐步移近窗邊‥‥‥過程極之緊張令人心寒,條片仲吸引咗380萬個點擊,好誇張。咁究竟佢最後成唔成功?自己入去睇吓啦。

Read more ›

日本大熱貓頭鷹cafe 邊飛邊屙好嚇人

老實,我覺得貓頭鷹個樣好恐怖,不過日本近年越嚟越興養貓頭鷹,兩歲大嘅貓頭鷹仔「トゥル子」喺twitter仲好紅。上年年尾開始,日本相繼有貓頭鷹cafe開業,啱啱東京同大阪又開咗新cafe,睇嚟呢股熱潮有排玩。根據專家所講,其實貓頭鷹唔太適合人類飼養,因為佢哋污糟又有陣味,仲有攻擊性,加上佢哋係純肉食性動物,又會一路飛一路屙,搞到一屋遍地黃金。我就無乜興趣喇,至於cafe嘛,你敢唔敢去開吓眼界?

Read more ›

「貓頭」鷹改圖大熱 萌爆貓咪網上熱傳

貓同貓頭鷹,除咗同樣有個「貓」字之外,基本上無乜共通點。不過近日台灣網站同埋微博都出現大量改圖,全部都係貓頭配貓頭鷹身(我都寫到好混亂),名符其實變做「貓頭」鷹!勁在啲改圖完全無違和感,貓貓個樣萌到爆,好可愛。呢股熱潮仲吸引埋外國傳媒大肆報導,如果真係有呢款寵物,你會唔會想養返隻?一邊飛一邊喵喵叫都幾搞笑。

Read more ›

新片速報 貓大哥霸氣坐姿 日本大熱極招積

貓點解可以被尊稱為「貓大哥」?因為有時佢哋真好大牌,好似呢兩隻貓貓,學人坐大班椅,十足大爺咁款霸氣盡現。影片YouTube有得睇,左手邊嗰隻貓唔好睇少佢,佢係日本嘅貓明星シロ(小白),得意程度達極品級,仲超爛瞓,頭頂8個罐頭都照瞓可也,我哋之前都報導過,入嚟有回帶,貓奴必睇!

Read more ›

《半澤直樹》大熱日劇出文具 打工仔秘密用

日劇《半澤直樹》喺日本真係好紅,除咗成為今季No.1 收視嘅日劇,仲有一系列周邊產品搶住出籠。之前介紹過有加倍奉還饅頭,轉頭就見倒呢套即將喺9月推出嘅文具系列,有齊打工仔必備嘅原子筆、筆記簿、File同埋Memo紙,仲印埋「東京中央銀行」字樣,搞到我都好想買返套擺喺公司振聲威。只不過,如果老闆咁啱有睇呢套日劇,會唔會覺得我想作反而針對我?我唔想日日返工為報復呀!

Read more ›