Post Tagged with: "大渡"

大渡x鳯凰電子飛鏢機 出李小龍圖案Phoenix Card
by / on 03/04/2016 at 5:15 pm

大渡x鳯凰電子飛鏢機 出李小龍圖案Phoenix Card

又係型喎,韓國大熱鳯凰電子飛鏢機聯乘大渡出Phoenix Card,Card面有崔成安《BRUCE’S ART》李小龍圖案,擺喺吧檯夠積招。Phoenix Card可以記錄射鏢級數,一套五款,幾時推出有待大渡面書公佈。呢啲花巧嘢,估計我個一飲唔起酒就撩人射鏢偷時間回氣嘅賴皮肥仔Friend,一定撐。

Read more ›

大渡2016聚餐 漫畫價先開賣+飛鏢機試玩
by / on 30/03/2016 at 8:30 pm

大渡2016聚餐 漫畫價先開賣+飛鏢機試玩

啪啪啪啪!「大渡」肯再次搞聚餐同讀者拉近距進,絕對係好事,值得掌聲鼓勵!不過今次唔係一般食餐飯影吓相就算,仲可以掟埋飛鏢添,所以聚會場地唔係食肆,而係酒吧「Festa」。臨場除可以優先購買崔成安《猛龍過江》DVD Boxset同黃水斌《慾望之翼》第四期完結篇外,仲可以玩玩最新出籠嘅鳯凰電子飛鏢機,平時落開吧劈酒掟鏢嘅朋友一定啱玩。價錢未定,有興趣請致電漫畫店「至Goal Club」同「尋回‧漫畫檔」留位。

Read more ›
大渡新歲聚餐 加送鄺彬強親筆畫板
by / on 15/01/2016 at 9:30 am

大渡新歲聚餐 加送鄺彬強親筆畫板

仲十五十六諗緊參唔參加大渡主辦嘅新歲聚餐呀?Fine,畀多個誘因你,會員一科水食飯,到時即送鄺彬強親筆畫板一張,屬非賣品,有錢都買唔到。家陣多塊畫板喎,唔知大家點睇呢?仲唔拿拿臨打電話報名?

Read more ›
大渡1月出《極渡川流》 創刊號送雙節棍
by / on 13/01/2016 at 4:00 pm

大渡1月出《極渡川流》 創刊號送雙節棍

大渡有書出,1月將會出版《極渡川流》,由鄺彬強同方家輝聯合編繪,睇書名真係唔知講乜,連書種都猜測唔到,不如睇番大渡喺面書點樣介紹:「人的命運儼如山川河谷走向的河流,時而風平浪静,時而波濤洶湧。落入河道中的人是孤軍作戰,還是能匯聚百川之力而扭轉人生?龍太陽及龍邪神兩兄弟在同一『河道』上出發,分開卻又碰上,為了到達自己理想終點,雙方只能以『極渡』方式盤踞在川流不息的『河道』上,互相踐踏下,最終誰可制霸,操縱别人的人生?」兩兄弟一正一邪為理想為事業為女人手足相殘嘅故事?拭目以待。值得一提係創刊號會隨書附雙節棍,咁重手筆,唔知到時賣幾多錢呢?

Read more ›
大渡新歲聚餐舊零食抵撐 三新書臨場率先發佈
by / on 12/01/2016 at 10:00 pm

大渡新歲聚餐舊零食抵撐 三新書臨場率先發佈

等大渡出新書等到頸都長埋,新書就無得睇住嘞,想見吓主筆都仲可以嘅,講緊嘅係 大渡新歲聚餐,限50人,地點係「Sweet 19」,齊齊喫個晚飯交流吓咁喇,同場會優先發售《極渡川流》、《猛龍過江》同《BRUCE’S ART 2》畫集。睇番上次大渡讀者交流會啲舊相,場面真係幾熱鬧吓,相信入場讀者一定玩得開心,舊零水賭少場曼聯都喺番度,有得食有得玩有新書買有得見主筆,諗得過呀。

Read more ›
大渡2016年頭炮《操戈》 原稿釋出
by / on 25/12/2015 at 9:30 am

大渡2016年頭炮《操戈》 原稿釋出

大渡好耐都無新書出,2016年頭炮如無意外係鄺彬強《操戈》,大渡面書剛剛拋低咗幾個字曰:「龍,一種古老傳説中的神獸!操戈……本是同根生…….!!兄弟相爭…….不同生也不共死………!!大渡……2016年全新作品…….《操戈》!!」好多感歎號跟尾,真係咁多嘢感歎?都有架,就如讀者LI Yiu Ping所言:「讀者期待的是《自強不息2》,不是什麼《操戈》新作,大渡的行政管理是怎麼搞的?」九成說中我心底話,係囉,點解唔出番《自強不息》啫?剩番嗰一成係──我又咁睇,家陣連書都未出,做乜咁快睇死呢本《操戈》呢?望過吓啲原稿,都幾靚吖,支持港漫,唔好咁快蓋棺論定喇。

Read more ›

崔成安《BRUCE’S ART II》開訂 普通版$250
by / on 10/12/2015 at 11:30 am

崔成安《BRUCE’S ART II》開訂 普通版$250

李小龍迷請留意!畫李小龍畫到出神入化嘅崔成安又有新作推出,《BRUCE’S ART II》現正開訂,一如以往會推出幾個版本以供讀者選擇,不過今次就簡單啲,唔玩甚麼幾多書幾多冊乜乜物物封面版,普通版齋玩顏色啫,仲要係均一價,分雷射、金、銀、紅色Logo四款,各$250;至於特別版絨面燙綠色龍字+青蜂俠皮製面罩則售$498,只限會員訂購咁話喎。有興趣的話,請快快致電相關漫畫店落訂,報告完畢。

Read more ›
大渡2016年出新書 頭炮鄺彬強《龍‧太陽》
by / on 02/12/2015 at 10:15 pm

大渡2016年出新書 頭炮鄺彬強《龍‧太陽》

好咯,大渡終於有新書出咯,仲要係我好Like嘅鄺彬強,書名叫《龍‧太陽》,書名好老土?又好幾期貨仔?喂喂喂,作為港漫死忠Fans,我哋唔得咁架,家陣書都未出,懇請唔好咁快柴台。至於故事係乜?大渡喺面書專頁拋低以下簡介:「科技日新月異的世代之下,人類早已忘記生命何以能夠跨越幾億萬年環境變異不斷進化。22世紀末,世界上出現了一群頂尖的人類~~~『龍』,他們不斷强化、進化、優化自身的原始力量,目的只為應付史上最殘酷、最致命、最龐大的「天敵」來臨!」睇個勢應該屬科幻技擊,家陣有幾幅原稿畀大家先睹為快,畀心機彬強呀,支持你呀。又,懇請大渡舵手,千其咪好似徐大寶本《孟蘭猛鬼》咁,出晒廣告最後又無影呀。

Read more ›
澳門格蘭披治F3 大渡李小龍戰車參戰
by / on 23/11/2015 at 7:00 pm

澳門格蘭披治F3 大渡李小龍戰車參戰

計落今年已經喺第三年,大渡已經連續三年參加澳門格蘭披治大賽F3,今手賽車白色車身,號碼係27,用崔成安嘅《BRUCE’S ART》畫稿做主題,一個二個大大小小李小龍貼紙貼滿車身,望落去真係好鬼死型,有相睇都OK開心。我對賽車無乜興趣,只對賽車女郎有興趣,不過如果可以俾我落場同大渡戰車影番幅相,掟上面書就真係有排威威咯。

Read more ›
一書一酒一面罩 大渡聖誕禮品套裝
by / on 20/11/2015 at 10:15 pm

一書一酒一面罩 大渡聖誕禮品套裝

講真,除非真係港漫迷喇,否則呢個大渡聖誕禮品套裝都好難送得出手,買番屋企自己珍藏反而Very good。賣接近一差嘢,內餡有乜?一,Plain Point 2009紅酒一支,紅酒我唔多識飲,但酒樽有崔成安手筆青蜂俠,齋呢個Point已經抵買;二,《BRUCE’S ART II》畫集特別版一本,三,青蜂俠皮製面罩一大個,同樣,肯定你唔會戴出街,但絕對值得擺入飾櫃。一書一酒一面罩,聖誕套裝價$980,有興趣可向指定漫畫店落訂,報告完畢。

Read more ›
《BRUCE’S ART》畫集有Part Two 貼紙雙截棍開售
by / on 28/10/2015 at 11:00 pm

《BRUCE’S ART》畫集有Part Two 貼紙雙截棍開售

應該係食髓知味嘞,好賣嘅,梗係要出多水賺到盡喇,大渡剛剛喺面書發佈話:「崔成安──《BRUCE’S ART》李小龍畫集PART TWO,現正製作中,十二月中發售!」畫集有Part Two,好事吖!同場加映,大渡精品有二,一,《BRUCE’S ART》貼紙套裝,包兩張彩色貼紙、一張紋身貼同硬咭紙套,售$50;二,雙截棍,售$100。唔貴,係崔成安Fans嘅,一定入手。

Read more ›

大渡再炒冷飯 重出《自強不息》精裝本變薄裝
by / on 27/10/2015 at 3:15 pm

大渡再炒冷飯 重出《自強不息》精裝本變薄裝

呢次我都唔幫大渡舵手,有無搞錯呀?繼《集結號》啄開四期重出貽笑大方後,加陣輪到《自強不息》由原本精裝版本變薄裝重出,究竟邊個諗呢條「絕世好橋」架?大渡喺面書專頁拋低一句:「《自強不息1》薄裝雙週刊,十一月出版!」即惹來網友批評──Andrew Tang:「有冇搞錯呀!繼集結號後又炒冷飯!不如執咗間公司去啦,雖然《自強不息》好好睇,但唔好咁過份啦!唔通遲啲《中華英雄2015》、《一零八》又走去翻炒冷飯出薄裝咩?」、Edward Wong:「如果真係將之前出過的改做周刊,此做法叫令人反感,一啲都唔自強不息。」──另有網友黃家文又咁話:「若果之後有《自強不息2》,這樣出薄裝就正常不過。」Exactly講中我心聲,睇過《自強不息》嘅我當然唔會買,要買,都等彬強畫《自強不息2》先喇。

Read more ›
有片:《吉祥酒店》大渡有份 連詩雅旗袍Look好掂
by / on 22/10/2015 at 9:00 am

有片:《吉祥酒店》大渡有份 連詩雅旗袍Look好掂

《吉祥酒店》又關大渡事?係喎,原來大渡有份投資架喎,仲喺網站整咗首疑似打油詩,抄畀大家過過目,好了解呢套鬼片講乜──「入住吉祥大酒店,唔好亂問人幾點;夜半敲門未停止,只為服侍到滿意;一覺醒來先發現,龍婆正在你身邊,平生不作虧心事,不妨放膽來試試。」睇Trailer,Cast就……除咗男主角周柏豪之外,仲有打唔晒四圈牌唔畀人走嘅羅蘭、自稱乜都知嘅包租公盧海鵬主演,咁當然,If,我講If呀,如果真係入場睇的話,我諗有90%都係因為有連詩雅做女主角囉,喂!家陣先知,原來連詩雅著旗袍好索,好有線條美呀。

Read more ›
崔成安又有新作 《猛龍過江》電影繪本
by / on 18/10/2015 at 4:00 pm

崔成安又有新作 《猛龍過江》電影繪本

未睇過《猛龍過江》唔好話自己係李小龍迷,畫壇大師崔成安即將推出《猛龍過江》電影繪本,將成套電影逐格逐格畫番出嚟,直頭可以當漫畫版電影咁睇,都咪話唔強。繪本分三個版本,一,《電影繪本普及版》每本$78;二,《DVD Boxset特別版》,附《猛龍過江》電影DVD、特大Size印刷繪本、黑白稿及彩稿及特製繪本封面,每本$250;三,《DVD Boxset特製豪華硬皮專貴會員套装》,附《猛龍過江》電影DVD、特大Size印刷繪本、黑白稿及彩稿、特製繪本封面、獨立編號證書、貼紙套裝及吊飾各一,每本$480。頭兩個版本特約書屋有售,最貴版本只限會員訂購。幾時開訂暫時未定,估計大把人搶,密切留意本網站報導。

Read more ›
等到頸都長 第三期《欲望之翼》10月30日見街
by / on 17/10/2015 at 7:30 pm

等到頸都長 第三期《欲望之翼》10月30日見街

出喇,出喇,大渡呢次應該唔會甩拖喇,講緊嘅係黃水斌本極極極極極極不定期刊《欲望之翼》第三期,鐵定10月30日見街喇。用到五個極,可想而知對上一期都唔知係幾耐之前嘅事咯,無計喇,鬼叫水斌手畫咁正咩,$78就$78喇,撐我就一定撐架喇,不過煩在要重溫番第一二期,先記得個古仔講乜咁解囉。

Read more ›