Post Tagged with: "大媽"

【有片】紅出國際 大媽單手劈鏡揼車頭
by / on 27/01/2019 at 1:14 pm

【有片】紅出國際 大媽單手劈鏡揼車頭

本身係一件好可惜嘅事,外形已經兇猛,揼完車頭仲要單手手刀劈甩側鏡……但當加上配樂之後,成件事即時去到國際級!

Read more ›

日本原宿出現賣火柴的「女孩」 網民:「根本係大媽」
by / on 30/08/2016 at 7:13 am

日本原宿出現賣火柴的「女孩」 網民:「根本係大媽」

唔知係咪睇得童話故事多,日本原宿最近出現咗呢個賣火柴的「女孩」,手上拎住一個藤藍,入面裝滿火柴,每支賣10円,而且真係有人買。日本2ch網民嘅留言都好精警,例如:「我想喺佢旁邊賣打火機」、「咁大量應該抵觸咗消防法」、「一支火柴賣10円簡直係暴利」、「應該冬天先賣」、「根本係大媽」。呢排去開日本不妨留意吓,睇吓撞唔撞到呢位賣火柴的「女孩」嘞。

Read more ›
【宣傳毛巾】日本Twitter熱傳   大媽創作超市廣告毛巾
by / on 28/04/2016 at 7:13 am

【宣傳毛巾】日本Twitter熱傳 大媽創作超市廣告毛巾

好勁,大媽嘅創意唔可以睇少。最近呢條毛巾喺twitter大熱,據講由一位日本大媽製作,白毛巾上繡上超級市場特價廣告嘅字樣,由於製作太精美,喺Twitter吸引超過3萬個RT,連2ch嘅網民都熱烈討論,有人留言話:「比想像中靚」,亦有超強摩擦力嘅網民留言話:「吸水能力應該幾差」。btw,條毛巾真係考手驗手功同耐性,精細程度連我都想要一條。

Read more ›
【童年回憶】濱崎步崩壞?日本網民:「大媽大媽!」
by / on 30/03/2016 at 7:15 am

【童年回憶】濱崎步崩壞?日本網民:「大媽大媽!」

濱崎步係好多人嘅童年回憶,不過最近日本好多人話童年幻滅。之前都有日本網民放咗濱崎步喺演唱會嘅近照,仲話佢嘅舞姿好嚇人,啱啱又有網民放咗佢出席品牌LA PERLA宣傳活動嘅相,有人話佢個樣變得好膠,有人話佢對腳好短,仲有人話佢似大媽‥‥‥真係咁差?入嚟有得回顧返佢全盛時期嘅相。

Read more ›
新片速報:派Like大晒?希特拉都頂唔順香港大媽!
by / on 04/11/2015 at 2:00 pm

新片速報:派Like大晒?希特拉都頂唔順香港大媽!

希特拉的乜乜物物又嚟喇,呢條萬能Key影片今次名為《元首的憤怒 香港大媽找免費攝影師》,擺明寸Party搞手阿媽屈攝影師單網上新聞,個人認為當中最精警對白係:「咁嘅教養學乜人做阿媽,老豆無教影相要比錢的嗎?難道做攝影的就唔需要食飯供樓……那個生日會搞手就有錢賺,唯一的攝影師去到,竟然連一杯水都沒有,那班智障,都現在還不知悔改。」咪就係囉,呢個世界無免費午餐架,Like亦換唔到飯食,香港大媽們,收手兼收口喇,道理真係唔喺你嗰邊架。

Read more ›
有片:到站唔記得落車 中國大媽跳車窗
by / on 13/10/2015 at 9:00 pm

有片:到站唔記得落車 中國大媽跳車窗

大媽行為永遠都咁匪夷所思,今次唔係跳廣場舞,而係表演更高難度嘅亡命跳車。話說河南有個大媽掛住玩手機,到站唔記得落車,到佢發現Miss咗個車站之後,佢竟然不慌不忙咁行向車窗,一腳踏上座椅,繼而扭動肥厚八月十五,趁巴士停喺馬路中心之際跳車窗。乜事咁急呢?連命仔都唔要?跳落地唔受傷,唔驚俾後面啲車撞到嘅咩?Nothing to say……

Read more ›

【正義大媽】上海女人地鐵亂掉瓜子殼 日本網民:「中國大媽好嘢!」
by / on 11/10/2015 at 12:57 pm

【正義大媽】上海女人地鐵亂掉瓜子殼 日本網民:「中國大媽好嘢!」

呢單新聞早幾日《人民日報》都有報導,啱啱就傳到去日本。一講起大媽,好自然諗起喺街頭跳舞或者沙灘戴面罩嗰啲,而家開始要轉轉諗法嘞,上海呢位大媽好有正義感,為人民爭光,話說喺上海地鐵8號線,有個女人坐喺度邊玩手機邊食瓜子,地下就一地瓜子殼,大媽多次勸喻呢位女士唔好隨地掉殼,點知對方無視佢,最後大媽決定自己主動執晒啲瓜子殼,啲相放上微博後好快傳到去日本,日本好多網民都大讚:「中國大媽好正直呀!」,仲有人串埋個垃圾女人:「佢係咪大媽養嘅倉鼠?」,「食埋啲殼啦,殼都好好味嘅!」但就有網民突破盲腸:「我好衰,zoom咗埋去第二張相度睇……」

Read more ›
求PS大神     日本大媽要PS有難度
by / on 26/04/2015 at 11:31 am

求PS大神 日本大媽要PS有難度

PS大神又出動,日本2ch最近又有新嘢玩,有網民post咗呢張日本大媽嘅證件相出嚟(定係學生?) 然後召喚各位網友一齊幫佢PS吓,可能大媽個樣太有潛力,網民火力全開狂PS,而且仲發現好有難度,最後大家發現最難搞係個髮型,唔執執佢就算個樣點搞都係醜。出嚟嘅效果有靚有唔靚,有幾張仲換埋少女全身相,亦有啲崩壞度極高,有無高手想出招?

Read more ›
網民惡搞保守大媽     毛毯遮電視唔准睇裸女
by / on 30/12/2014 at 7:16 am

網民惡搞保守大媽 毛毯遮電視唔准睇裸女

我都幾鐘意睇呢類惡搞圖集,今次起源來自一張保守阿媽遮醜圖,話說外國Reddit有網友share咗張相,相中有個大媽攞住塊毛毯遮住個電視機,原來電視咁啱播緊女性裸露場面,佢驚阿仔睇咗會學壞。奇就奇在阿仔已經22歲,而且係gay嘅。咁網友見倒呢張大媽相,就發揮創意瘋狂改圖,最初都係遮吓啲經典美女圖,點知玩玩吓變咗鬥牛,仲連金正恩都玩埋一份‥‥‥

Read more ›